Särsenbi, 14 Qaraşa 2018
Qaynaydı qanıñ... 2322 19 pikir 14 Mamır, 2018 sağat 09:00

Konstituciya emes, korrupciya bileytin elde qanday maqsat boladı?!

«Bessmertnıy polk» degen şara – ol soğısta qaza tapqandardı eske alu emes, Kreml'diñ Qırımdı anneksiyalap, Ukrainanı toz-toz qılğan sayasatınıñ Qazaqstanğa arnalğan jobası. Sonımen qatar, bwl Qarabah, Moldaviyanı zorlıqpen ekige bölip Dnestr avtonomiyasın qwru, Gruziyadan Abhaziya men Osetiyanı soğıs arqılı bölip alu... siyaqtı, jalpı örkenietke qarsı azğındağan imperiyanıñ sayasatı.

RF Qazaqstanda «bwl ispen» 2008 jıldan beri jüyeli aynalısıp, sol kezden bastap «Qazaqstanda memleket bolmağan», «...şegara bolmağan», «... qazaqta jazu bolmağan» degendi sözderin aytumen keledi.

Oğan resmi Astana bir ret te tolıqqandı jauap bermedi. Onıñ ornına, 2008 j. Astanada TMD-da joq şirkeu saldı. Sol şirkeulerdi panalağan qarulı kazaktar men 09.05.2018 küni Georgiy lentasınan svastika taqqan şovinister men faşistik elementter aşıq bas köteruge şıqtı. Sol akciyağa ata-analardıñ qarsılığına qaramay mektep balaların bwyrıqpen şığarğan ministr Sağadiev, sonday memlekettik töñkeriske dayındıqtı uağızdağan şaranı ötkizuge jağday jasağan Almatı qalasınıñ äkimi Baybek, osınday memleketke qarsı istiñ bolatının, 5-şi ret ötip otırğanda aldın-ala qaramağan tiisti qwqıq jäne qauipsizdik organdar basşıları jauaptı. Bwnday nemqwraylılıq satqındıqqa para-par.

«Qazaqstan Al'yansı» qoğamdıq wyımı 2016 j qırküyektegi hatında biliktiñ el qorğau mäselesindegi nemqwraylılığı turalı bılay dep jazğan edi: «Şoygudıñ Qazaqstanğa äsker kirgizemiz degeni, - ol elde ondağan mıñ tıñşınıñ qaptap jürgenin körsetse, oğan resmi organdardıñ tiisti jauap bermeui ünsiz keliskeni bolıp tabıladı.

1991 jılı BQO men Atırau oblıstarınıñ jerlerinde kazaktar avtonomiya qwramız dep daurıqqanda, osı bilik el müddesin qorğamaq tügil, solarğa qarsı bir auız söz aytuğa jaramadı. Sol kezde M.Esenäliev, S.Aqataev, M.Äuezov, J.Äkim, A.Zeynullin, A.Qadırbaeva siyaqtı belsendiler eldi wyımdastırmağanda, sol eki oblıstıñ tağdırı ekitalay edi».

1991j kazaktardıñ qolımen Qazaqstandı bölu sayasatı jürgeni belgili. Biraq, bizdiñ batır jigitter men qızdardıñ arqasında ol jımısqı sayasat iske aspadı. Qajet bolsa kazagı bar, basqası bar onday opasızdıq sayasatın wmıtatın boladı.

Öz azamat-azamatşalarına kelgende türmeşil-jındıhanaşıl biliktiñ zorlıq, al Pekin men Kreml'ge kelgende könbis-qwldıq sayasatı – ol eldi işten de, sırttan da qwrtatın alayaqtıq tirlik. Sondıqtan, oppoziciya bar, patriottar bar, şeneunik pen Prezident bar... barlığı el birligi jolında daurıqqan bos äñgime, üş tilmen wşpaqqa şığaru, jerdi satıp eldi kögertu t.b. naqwrıstıq tirlikten arılıp es jiıp, naqtı äreketke köşu kerek.

Jalpı, bizdegi aziyalıq despotizmge negizdelgen bilik üşin bolıp jatqan fanatizmdik küres, arab elderindegi azattıqtarın alğannan 30 jıldan keyin özderiniñ bilikterin qwlatuğa bağıttalğan «arab revolyuciyaların» jaqındatuda.

Bireuler Äbilyazovtıñ provokaciyasına erip köşede ereuildep jürse (2011j Jañaözen qırğını da jwmısşılardıñ eldegi 56 qoğamdıq wyım qwrğan «Täuelsizdikti qorğau» qozğalısına ermey, Äbilyazov, Kozlovtardıñ provokaciyalarına eruden bolğan edi), ekinşileri, Qazaqstannıñ demokrattarımız dep Bryussel'ge barıp Europarlament deputattarınıñ «qwlaqtarınan teptik» dep öz halqınıñ sayqal serkeleri bolğanına riza... Sonda bwl eldiñ qamın oylaytın tiri jan bar ma?!

El bolğan soñ, onıñ maqsat-mwratı bolmay ma! Wrı-qarı jinalıp, Konstituciya emes, korrupciya bileytin elde qanday maqsat bolmaqşı?!

Wlttıq ideyası men oğan negizdelgen ideologiyası joq qoğam, - ol, qwl jinalıp el bolmaytın tobırlardıñ jinağı!

Bwl qazaqtıñ bir-birine jau emesi qalmadı. Qara qazaqqa bilik jau, bilikke wlt patriottarı jau, jazuşılar tuflijalağıştar men onıñ jaularına bölingen, ru men jüzge bölinu, birin-biri tatar, qalmaq, wyğır... ne solardıñ jienderi dep bölu...  Bölinuge mıñ sebebi bar da, biriguge bir negiz joq eldiñ bası qalay qosılmaq?! Qazaqtıñ bas biriktirip, tört qwbılası teñ el boludı oylanar küni bolar ma eken? Älde onday El bolu onıñ basına jazbağan ba?!

Bwl, b.d. VIII ğ. Wlı Türk qağanatınıñ ıdırauı kezinen beri jürip kele jatqan türki halıqtarınıñ bölinu processi. Onı Şıñğıs han imperiyası da toqtata almadı. Türkiyanı jaulap, Altın Orda äskerin talqandağan Aqsaq Temir türki memleketteriniñ qirap, halıqtarınıñ ıdırauın tezdetti. Qazaq handığınıñ ıdırap, üş jüzge bölinui osı teris ürdistiñ jalğası. Ol bodandıqqa äkeldi... Endi Türki halıqtarınıñ birligi men Odağı ğana bwl respublikalardıñ täuelsizdigin saqtaydı.

Janwzaq Äkim

Abai.kz

19 pikir