Qaraghandyda qalanyng eng iri jasyl aimaqtarynyng birine ainalatyn jana ekosayabaq salyna bastady. Ol Mayqúdyq pen Ontýstik-Shyghys shaghynaudandarynyng arasynda ornalasady. Ekosayaaqqa 200 gektar jer bólingen. Jobanyng bastamasy retinde aghash egu júmystary qolgha alyndy.

«Taza Qazaqstan» respublikalyq baghdarlamasy ayasynda myng týp aghash – emen, alma, qaraghay jәne qaraghash kóshetteri egilip,

bolashaq sayabaqtyng irgetasyna simvolikalyq tas qoyyldy.

Auqymdy sharagha jastar, eriktiler, qogham belsendileri men deputattar qatysty.

Qaraghandy oblysynyng әkimi Ermaghanbet Bólekpaev múnday jobalardyng qala túrghyndarynyng ómir sapasyna tikeley әser etetinin atap ótti.

— Biz Qaraghandyda jana ekosayabaq ashyp jatyrmyz. Búl – óte jaqsy bastama. Aumaghy ken, manayda jana shaghynaudan men sporttyq klaster salynyp jatyr. Memleket basshysy Qasym-Jomart Toqaev tabighatqa úqypty qarau әr túrghynnyng kýndelikti mәdeniyetining bir bóligine ainaluy tiyis ekenin birneshe ret aitqan bolatyn. Býginde búl qaghidalar el boyynsha myndaghan adamdy biriktirgen «Taza Qazaqstan» baghdarlamasy ayasynda jýzege asyrylyp keledi. Ekosayaiaq – endi jay ghana demalys orny emes, ekologiya men adamdardyng ómir sapasyna әser etetin zamanauy qalalyq ortanyng bir bóligi. Árbir jana aghash – taza aua men Qaraghandynyng bolashaghyna qosylghan ýles. Jayly әri taza qala әr adamnyng óz aulasyna, kóshesine jәne qorshaghan ortagha degen iltipatynan bastalady, — dep atap ótti Ermaghanbet Bólekpaev. — Túrghyndar men biznesti kógaldandyru júmystaryna belsendi qatysugha shaqyramyn.

Qaraghandy túrghyny Magomed Zaurov bala kezinen bolashaq ekosayabaq aumaghyndaghy kólderding manynda uaqyt ótkizgenin aitty.

— Men ýshin Qaraghandy – Qazaqstandaghy eng ýzdik qala. Biz osy jerde shomylyp, balyq aulaytynbyz. Endi búl jer búrynghydan da kórkeyip, egilgen barlyq aghashtar tamyr jayyp, qala túrghyndary men qonaqtaryn quantsa eken deymin, — dedi ol.

Erikti Janaray Sanaqbaydyng aituynsha, jastar ekologiyalyq bastamalardy belsendi qoldaydy.

— Men jeti jyldan beri volonterlikpen ainalysyp kelemin. Biz ekologiyalyq aksiyalar men aghash egu sharalaryna ýnemi qatysamyz. Osynday sayabaqtyng ashyluy – qalanyng bolashaghy men jastar ýshin tamasha iydeya, — deydi ol.

Ekosayabaq qúrylysy Qaraghandynyng jana audanyn damytu jobasynyng bir bóligine ainalady. Qazirding ózinde Ontýstik-Shyghys pen Mayqúdyqty baylanystyratyn ainalma jol salynyp jatyr.

Aldaghy uaqytta múnda seruendeuge arnalghan alleyalar, sport alandary, velojoldar jәne barlyq jastaghy túrghyndargha arnalghan demalys aimaqtary payda bolady.

Sayabaq aumaghynda kommersiyalyq nysandar salu josparlanbaghan. Ony seruendeuge, otbasylyq demalysqa jәne taza auada sportpen ainalysugha arnalghan oryn retinde saqtau kózdelip otyr.

Sonymen qatar búl aumaqta kólemi 72 gektar bolatyn iri sporttyq klaster qúru josparlanghan.

Joba ayasynda әmbebap arena, Múz sarayy, jenil atletika maneji, 12 myng kórermenge arnalghan UEFA sanatyndaghy stadion salynyp, Futbol akademiyasynyng qúrylysy bastalyp ketken.

Abai.kz