Jwma, 22 Mausım 2018
Qwyılsın köşiñ 436 0 pikir 15 Mamır, 2018 sağat 10:45

Q. Toqaev Halıqaralıq köşi-qon wyımınıñ basşısın qabıldadı

Senat spikeri Qasım-Jomart Kemelwlı Toqaev Halıqaralıq köşi-qon wyımınıñ (HKW) Bas direktorı Uil'yam Leysi Svingti qabıldadı.

Senat Törağası 2016 jılğı qırküyeginde HKW-nıñ BWW qwramına enui jönindegi kelissöz üderisterindegi onıñ jeke rölin joğarı bağaladı. Bwl qadam köşip-qonuşılarğa körsetiletin kömektiñ uaqıtında boluı men tiimdiligin arttıruğa jäne olardıñ özekti mäselelerin şeşuge arnalğan wzaq merzimdi strategiyalıq josparlau şaraların qabıldauğa mümkindik beredi.

Q. Toqaev aymaqtağı jäne dünie jüzindegi köşi-qon üderisterin retteu jönindegi mindetterdi şeşude HKW-nıñ mañızı zor ekenin atap ötti. «Qazaqstan HKW-nıñ belsendi äriptesi bolu jäne wyımmen özara is-qimılın keñeytu nietinde qala beredi. Köşi-qon mäselelerin retteu tayau uaqıtta Qazaqstannıñ kün tärtibindegi bastı salalardıñ qatarında boladı», dedi Q. Toqaev.

U.L. Sving öz kezeginde Qazaqstandı HKW-nıñ negizgi äriptesi retinde atadı jäne Ortalıq Aziyadağı köşi-qon üderisterin basqaru mäseleleri boyınşa belsendi ıntımaqtastıqtı jalğastıruğa şaqırdı.

Ayta keteyik, HKW Bas direktorı U.L.Sving QR Prem'er-Ministri Baqıtjan Sağıntaevpen de kezdesti.

Kezdesu barısında köşi-qon üderisterin basqaru, zañsız köşi-qonmen, adam saudasımen küres, sonday-aq, kez-kelgen statustağı migranttarğa qatıstı zorlıq-zombılıqqa qarsı is-qimıl salasında KHW-men ıntımaqtastıqtı nığaytu mäseleleri talqılandı.

Abai.kz

0 pikir