Izdeude jýrgen 82 lauyzymdy túlgha memleketke 1,1 trln tenge kóleminde shyghyn әkelgen. Búl turasynda býgin internet-konferensiya barysynda memlekettik qyzmet isteri jәne sybaylas jemqorlyqqa qarsy is-qimyl agenttigining tóraghasy Alik Shpekbaev habarlady.

- Qazirgi kezde jemqorlyqpen kýres últtyq burosy 82 lauyzymdy túlghagha izdeu jariyalaghan, olardyng ýshten bir bóligi shetelde. Olar qyzmettik ókiletin asyra paydalanu, para alu, úiymdasqan qylmystyq top qúru, qarjy jymqyru jәne izin jasyru isteri boyynsha izdestirilude. Olar memleketke jalpy somasy 1,1 trln tenge kólemde shyghyn әkelgen, - dedi agenttik basshysy Alik Shpekbaev.

Agenttik basshysynyng aituynsha, 2017 jyly 38 adam ústalghan, onyng 12-si shetelde ústalghan. Olardyng tórteui Vengriya, Týrkiya, Reseyden Qazaqstangha ekstradisiyalanghan. Qazirgi kezde 8 adam ekstradisiyalau aldynda túr.

Memlekettik qyzmet isteri jәne sybaylas jemqorlyqqa qarsy is-qimyl agenttigi tóraghasynyn  dereginshe, jemqorlyqpen kýres últtyq burosy qúrylghan 2015-2017 jyldary respublikalyq budjetke 35 mlrd tenge qaytarylghan.

- 2017 jyly eki myng jemqorlyqqa qatysty zanbúzu isteri tirkeldi. 108 jýieli jemqorlyq faktisi jәne bes úiymdasqan qylmystyq toptyng әreketi ashyldy, - dedi Alik Shpekbaev.

2017-2018 jyldary sotqa baghyttalghan jemqorlyqqa qatysty qylmystyq ister boyynsha jeti adam aqtalyp shyqqan.

Transparency International úiymynyng 2017 jyly jasaghan esebine sәikes, Qazaqstannyng jemqorlyq reytingisi 2016 jyly 8 oryngha tómendegen.

Abai.kz