Jwma, 17 Tamız 2018
«Soqır» Femida 1500 2 pikir 17 Mamır, 2018 sağat 15:28

Memleketke 1,1 trln. teñge şığın keltirgender kimder?

İzdeude jürgen 82 lauızımdı twlğa memleketke 1,1 trln teñge köleminde şığın äkelgen. Bwl turasında bügin internet-konferenciya barısında memlekettik qızmet isteri jäne sıbaylas jemqorlıqqa qarsı is-qimıl agenttiginiñ törağası Alik Şpekbaev habarladı.

- Qazirgi kezde jemqorlıqpen küres wlttıq byurosı 82 lauızımdı twlğağa izdeu jariyalağan, olardıñ üşten bir böligi şetelde. Olar qızmettik ökiletin asıra paydalanu, para alu, wyımdasqan qılmıstıq top qwru, qarjı jımqıru jäne izin jasıru isteri boyınşa izdestirilude. Olar memleketke jalpı soması 1,1 trln teñge kölemde şığın äkelgen, - dedi agenttik basşısı Alik Şpekbaev.

Agenttik basşısınıñ aytuınşa, 2017 jılı 38 adam wstalğan, onıñ 12-si şetelde wstalğan. Olardıñ törteui Vengriya, Türkiya, Reseyden Qazaqstanğa ekstradiciyalanğan. Qazirgi kezde 8 adam ekstradiciyalau aldında twr.

Memlekettik qızmet isteri jäne sıbaylas jemqorlıqqa qarsı is-qimıl agenttigi törağasınıñ  dereginşe, jemqorlıqpen küres wlttıq byurosı qwrılğan 2015-2017 jıldarı respublikalıq byudjetke 35 mlrd teñge qaytarılğan.

- 2017 jılı eki mıñ jemqorlıqqa qatıstı zañbwzu isteri tirkeldi. 108 jüyeli jemqorlıq faktisi jäne bes wyımdasqan qılmıstıq toptıñ äreketi aşıldı, - dedi Alik Şpekbaev.

2017-2018 jıldarı sotqa bağıttalğan jemqorlıqqa qatıstı qılmıstıq ister boyınşa jeti adam aqtalıp şıqqan.

Transparency International wyımınıñ 2017 jılı jasağan esebine säykes, Qazaqstannıñ jemqorlıq reytingisi 2016 jılı 8 orınğa tömendegen.

Abai.kz

2 pikir