Senbi, 15 Tamız 2020
COVID-19 QAZAQSTANDA. Jwqtırğandar — 102287. Jazılğandar — 80716. Qaytıs bolğandar — 1269
Kübirtke 2753 13 pikir 18 Mamır, 2018 sağat 11:48

Antiamerikandıq közqaras qalıptastıru kimge tiimdi?

Juırda Almatı men Astana bastap, elimizdiñ birqatar qalalarında miting ötken. Sonda biraz jwrttı policiya wstap äketti. Osı oqiğadan keyin, «Azattıq» tilşileri Parlamenttegi deputattardı sözge tartıp, pikir swraptı. Mäjilis dälizindegi kezikken deputattardıñ keybiri ündemey qwtılsa, endi biri «demalıstan keldim» sıtılıptı. Tağı birneşe mandat iesi öz pikirlerin bildirgen. Sonıñ işinde bizdiñ qwlağımızğa türpidey tigen  söz – Mäjilistiñ kommunist deputatı Vladislav Kosar'evtiñ sözi boldı.

Ol bılay deydi: «Osı küni me? Qaraydı ğoy. Eger qwqıq bwzğan äreketter bolsa, jazalanadı. Al oğan ne istep alasıñ? Memleketti qatañ täptippen wstau kerek. Eger bizde ärkim oyına kelgenin istep, aytqısı keletindi ayta beretin bolsa, biz eldi ıdıratıp tınamız. Batıs elderine, äsirese, Amerikağa keregi de osı».

Bwl Resey Dumasınıñ dümşe deputattarınıñ nemese Kreml'diñ aytağımen ğana üretin sasıq auız sayasatkersımaqtardıñ sözi emes, Täuelsiz Qazaqstannıñ bildey bir zañ şığaruşı organında qızmet isteytin ardager deputattıñ degeni.

Täuelsiz Qazaqstan Respublikasınıñ Mäjilisinde deputat bolıp otırğan Vladislav Borisoviçtiñ bwlay söyleui, eñ äueli, qit etkenge AQŞ pen Batıstı ayıptap, aytaqpen abalap, şıjındanğanda şalbarın sulap otıratın pro-putindik äm pro-reseylik piğıldağı sarjağal sayasatkerlerdiñ sözine sayadı.

Al Vladislav Kosar'ev degen kim? Az-kem aqpar bile otırıñızdar.

Vladislav Kosarev – Qazaqstannıñ Kommunistik halıq partiyası Ortalıq komitetiniñ qwrmetti Hatşısı. Mäjilis deputatı.

1937 jıldıñ qaraşasında tuğan. Jası tolıq 80-de. Säbet zamanında Reseydiñ Omsk qalasında auılşaruaşılıq institutın oqığan.

1990-2004 jıldarı – İİ-saylanğan Qazaqstan Respublikası Parlamenti Mäjilisiniñ deputatı boldı. Ol kezde deputattı halıq saylaytın. Är kandidat el-eldi, jer-jerdi aralap, okrugterden dauıs jinaytın edi. Vladislav Borisoviç Aqmola oblısınıñ № 1 okruginen saylanğan sol kezde. 2004-2013 jıldarı Kommunistik halıq partiyasınıñ basşısı boldı.

2012-2016 jıldarı - V-saylanğan Qazaqstan Respublikası Parlamenti Mäjilisiniñ deputatı bolıp tağayındaldı. Bwl jolı QKHP tizimi boyınşa, kreslo bwyırdı.

2016 jılğı naurız ayında QKHP tizimi boyınşa Vİ-saylanğan Qazaqstan Respublikası Parlamenti Mäjilisine qaytadan deputat bolıp saylandı.

Özi qazir Parlamenttiñ Halıqaralıq ister, qorğanıs jäne qauipsizdik komitetiniñ müşesi bolıp qızmet isteydi.

Bwl kisi bıltır köktemde «Leninniñ süyegin elge äkeludi 514 mıñnan astam adam qoldaydı» dep joq jerden baybalam şığarğan edi. Sodan seksenge kelgen Vladislav joldastı auruhanada jatsa da, sözge tartıp, proletariat kösemniñ eşkimge kereksiz süyegin Qazaqstanğa äkelu turalı bastama köteruiniñ sebebin swrağan ek.

Äuelde «Kreml' kereksiz etken proletairiat kösemi Vladimir Leniniñ denesin Qazaqstanğa aldırtu kerek» degen.

Keyin «Bwl taqırıptı jabu kerek dep esepteymin. Sebebi, Resey Federaciyası Dumasındağı "Edinaya Rossiya" frakciyası Leninniñ movzoleyin bwzıp, denesin jer qoynına tapsıru turalı bastamasın keri qaytardı. Barlığı öz qalpında qalatın boldı. Demek, endi Leninniñ denesin Qazaqstanğa äkeludiñ de eş qajettiligi joq» dep jauap bergen edi, sol kezde.

Sonımen, taqırıpqa qayta oralayıq, özi Halıqaralıq ister komitetinde qızmet isteytin mäjilismen Kosar'evtiñ Halıqaralıq qarım-qatınas normaların eskermegeni qaytkeni?

Lenin şaldıñ şirindisine şın ğaşıq Kosarev Qazaqstannıñ köpvektorlı sayasatınan habarsız ba? Joq, älde Resey Dumasınıñ deputattarına tän antiamerikandıq dertti Vladislav joldas ta jwqtırıp alğan ba?

Qazaqstanda antiamerikandıq közqaras qalıptastıru kimge tiimdi?

Nwrgeldi Äbdiğaniwlı

Abai.kz

13 pikir