Särsenbi, 14 Qaraşa 2018
Mäñgilik el 3084 7 pikir 9 Mausım, 2018 sağat 14:11

Ministr Däuren Abaev "Ruhani jañğıru" logotipine qatıstı pikir ayttı

Ötkende "Ruhani jañğıru" logotipine qatıstı dau şığıp, onıñ plagiat ekeni aytılğan. Francuzdıñ "l'Aigle de Ratmos" deytin kompaniyasınıñ 2012 jılğı logotipi men "Ruhani jañğırudıñ" resmi logosındağı wqsastıq qoğamdıq talqı tudırdı.

Osığan oray, QR Aqparat jäne kommunikaciyalar ministri Däuren Äskerbekwlı Abaev pikir bildirdi.

Ministrdiñ sözinşe, logotip Qazaqstan Respublikasınıñ memlekettik tuınan alınğan. Äri osı uaqıtqa deyin «Ruhani jañğıru» logotipiniñ francuzdıq kompaniyanıñ logotipine wqsastığı turalı eşkim şağımdanbağan.

"Logotip plagiat" dep eşkim şağım tüsirgen joq. Ekinşiden, barlıq qwstıñ birdey ekenin, bärinde qanat bar ekenin tüsinuimiz kerek. "Ruhani jañğıru" bağdarlamasın jüzege asıruğa "Ruhani jañğıru" jobalıq keñsesi jauaptı. Onda aqparat ministrligimen qosa barlıq memlekettik organ kiredi. Sol sebepti bağdarlamanı jüzege asıruda bärimizdiñ jauapkerşiligimiz zor", - dedi Däuren Abaev.

Ayta keteyik, osığan deyin atalğan mäselege qatıstı QR Mädeniet jäne sport ministri Arıstanbek Mwhamediwlı da pikir aytqan edi.

"Meniñ oyımşa, bwl logotipten biz wyalmauımız kerek. Emblema adamdarğa ruh sıylap, jigerlendiredi. Özderiñiz körgendey, surette jüz payız säykestik joq. Men özim kördim. Keybir jerlerinde wqsastıqtar bar, ärine, degenmen tüsteri är türli. Bwl mäselede bireudi plagiat jasadı dep ayıptau dwrıs emes dep sanaymın", - degen edi Arıstanbek Mwhamediwlı.

Abai.kz

7 pikir