بەيسەنبى, 28 ناۋرىز 2024
بيلىك 6954 7 پىكىر 9 ماۋسىم, 2018 ساعات 14:11

مينيستر داۋرەن اباەۆ "رۋحاني جاڭعىرۋ" لوگوتيپىنە قاتىستى پىكىر ايتتى

وتكەندە "رۋحاني جاڭعىرۋ" لوگوتيپىنە قاتىستى داۋ شىعىپ، ونىڭ پلاگيات ەكەنى ايتىلعان. فرانتسۋزدىڭ "l'اigle de رatmos" دەيتىن كومپانياسىنىڭ 2012 جىلعى لوگوتيپى مەن "رۋحاني جاڭعىرۋدىڭ" رەسمي لوگوسىنداعى ۇقساستىق قوعامدىق تالقى تۋدىردى.

وسىعان وراي، قر اقپارات جانە كوممۋنيكاتسيالار ءمينيسترى داۋرەن اسكەربەكۇلى اباەۆ پىكىر ءبىلدىردى.

ءمينيستردىڭ سوزىنشە، لوگوتيپ قازاقستان رەسپۋبليكاسىنىڭ مەملەكەتتىك تۋىنان الىنعان. ءارى وسى ۋاقىتقا دەيىن «رۋحاني جاڭعىرۋ» لوگوتيپىنىڭ فرانتسۋزدىق كومپانيانىڭ لوگوتيپىنە ۇقساستىعى تۋرالى ەشكىم شاعىمدانباعان.

"لوگوتيپ پلاگيات" دەپ ەشكىم شاعىم تۇسىرگەن جوق. ەكىنشىدەن، بارلىق قۇستىڭ بىردەي ەكەنىن، بارىندە قانات بار ەكەنىن ءتۇسىنۋىمىز كەرەك. "رۋحاني جاڭعىرۋ" باعدارلاماسىن جۇزەگە اسىرۋعا "رۋحاني جاڭعىرۋ" جوبالىق كەڭسەسى جاۋاپتى. وندا اقپارات مينيسترلىگىمەن قوسا بارلىق مەملەكەتتىك ورگان كىرەدى. سول سەبەپتى باعدارلامانى جۇزەگە اسىرۋدا ءبارىمىزدىڭ جاۋاپكەرشىلىگىمىز زور", - دەدى داۋرەن اباەۆ.

ايتا كەتەيىك، وسىعان دەيىن اتالعان ماسەلەگە قاتىستى قر مادەنيەت جانە سپورت ءمينيسترى ارىستانبەك مۇحامەديۇلى دا پىكىر ايتقان ەدى.

"مەنىڭ ويىمشا، بۇل لوگوتيپتەن ءبىز ۇيالماۋىمىز كەرەك. ەمبلەما ادامدارعا رۋح سىيلاپ، جىگەرلەندىرەدى. وزدەرىڭىز كورگەندەي، سۋرەتتە ءجۇز پايىز سايكەستىك جوق. مەن ءوزىم كوردىم. كەيبىر جەرلەرىندە ۇقساستىقتار بار، ارينە، دەگەنمەن تۇستەرى ءار ءتۇرلى. بۇل ماسەلەدە بىرەۋدى پلاگيات جاسادى دەپ ايىپتاۋ دۇرىس ەمەس دەپ سانايمىن", - دەگەن ەدى ارىستانبەك مۇحامەديۇلى.

Abai.kz

7 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1559
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2250
عيبىرات

قايسار رۋحتى عازيز جان

مۇحتار قۇل-مۇحاممەد 3502