Redaksiya:"Diny sauatsyzdyghynyng nәtiyjesinde jastarymyz saqal qoyyp, shalbarynyng balaqtaryn qysqartyp tastaydy. Qara kóilek kiyip, beti-auzyn túmshalaghan qyzdarymyzdyng qatary kóbeydi. Búl bizding dәstýrimizge de, halqymyzgha da jat. Búghan zannamalyq dengeyde tyiym salu mәselesin pysyqtau kerek. Qazaq qara kiyimdi qaraly kezde ghana kiyedi", – dedi Memleket basshysy Núrsúltan Nazarbaev bir sózinde.

Memleket basshysynyng eldegi din sayasatyn jýrgizu ýshin arnayy qúrghan Din isteri jәne azamattyq qogham ministrligi atalghan baghytta jýieli júmystar jýrgizip keledi. 

Qazirgi tanda, qoghamdaghy tirli diny toptardyng aiyly tyiylyp, olargha qatang baqylau jasaluy da Elbasynyng sarabdal sayasatynyng jemisi ekenin eskere otyryp, portalymyzdyng túraqty avtory, islamtanushy Múqan Isahannyng maqalasyn jariyalap otyrmyz.

Sәlәfitter kóbinese qaradýrsin sipatta óz senimderin ashyq ýgitteydi. Olar óz ústanymdarymen sәikespeytin memleket sayasaty men dәstýrli ýrdisterdi ashyqtan ashyq syn tezine alady. Ásirese, zayyrly qúndylyqtardy kinәlap, ony almastyrushy kemel diny ilim retinde sәlәfizmdi nasihattaydy. Olar kóbine-kóp zandy úiym emes, top bolyp qúrylady. Sondyqtan da, memlekettik organdar olardyng qauiptiligin qaperge ala bermeydi. Biraq, sәlәfitter zayyrly jýieni diny túrghydan synay otyryp, óz jaqtastaryn qoghamnan top-top bolyp oqshaulanugha shaqyrady. Yaghni, tәkbirshiler óz toptaryna jalaulatyp at qoyyp, úiym qúrmaghanmen, zayyrly qúndylyqtardan úzaq, sanasy túmshalanghan biteu jeke túlghalardyng qarasyn kóbeytedi.

Ásili, sәlәfitter zayyrly qoghamgha ashyq jauyghuymen erekshelenedi. Keyde olar óz iydeologiyasyn nasihattau barysynda әleumettik mәselelerdi qúral etip paydalanady. Qoghamda oryn alyp jatqan tensizdik pen súryqsyz kórinisterdi hәm diny dýmshelikti ótkir týrde aiyptaydy. Osyghan oray keyde sәlәfitter batyl is-qimylymen keybir tayaz oily adamdardyng sýiispenshiligine bólenip jatady. Olargha erushiler ýshin sәlәfizm senimi әdilettilikti qalpyna keltirushi mazmúndaghy diny iydeologiya bolyp sanala bastaydy. Yaghni, әleumettik-psihologiyalyq kýizeliske týsken azamattar ózderin turashyl etip kórsetken sәlәfitterge aldanyp jatady.

Jalpy, sәlәfizmdi nasihattaushylardyng is-әreketteri әdisnamalyq túrghydan alghanda әrtýrli sipatqa iye. Onyng sebebi әrbir kenistikting diny tanymy men әleumettik ahualynyng týrli dengeyde boluynda. Osyghan qaray sәlәfizm nasihattaushylary lokalidi erekshelikterdi eskere otyryp, ótimdi әdis-aylalargha jýginedi. Mysaly, sayasy qoldaugha iye, qarjylyq qory mol sәlәfizmning keybir tarmaqtary óz ilimderin aldyn-ala jasalghan keshendi jospar negizinde nasihattaydy. Shartty týrde alghanda adamdardy arbauy mynaday birneshe kezenderden túrady:

Birinshi kezende sәlәfitter búqara halyqqa ózderin jaqsy qyrynan tanytugha tyrysyp baghady. Taghat-ghibadatshyl, kópshilikke qayyrymdy, turashyl, qaysar, tabandy hәm jany jomart beynede ózderin jaqsy somdaydy. Din nasihatynda óz iydeologiyasyn ashyq aitpaghanmen, sәlәfizm oshaqtary sanalatyn elderding músylmanshyldyghyn kóbirek maqtaydy. Osy arqyly kópshilikting ózderine degen yqylasyn oyatugha kýsh salady.

Ekinshi kezende sәlәfitter ózderine jaqyn tartqan belgili-bir azamattarmen tyghyz qarym-qatynas jasaudy qolgha alady. Túzaqqa týsirgisi kelgen adamdargha әrbir mәselede janashyrlyq tanytyp, tipti olardyng diny emes mazmúndaghy quanyshyna da ortaqtasyp, kýndelikti ómirde qoyan-qoltyq aralasady. Sәlәfitterden jyluar kórgen azamattar birtindep túraqty qarym-qatynas ornatady. Olardan әrbir mәselede aqyl-kenes súraytynday halge jetedi.

Ýshinshi kezende sәlәfitter nysanagha alghan azamattardyng senimine kirgenine tolyq kóz jetkizgen song olargha qoghamdaghy jaghymsyz jәitterge syn kózben qaraudy ýiretedi. Kýndelikti ómirde ne nәrsening adal, ne nәrsening aram bolatynyn, qanday amaldyng shirk, qanday amaldyng sauapty ekenin edel-jedel týsindiruge tyrysady. Arbalushy azamattar da sәlәfitterding uaghyzynan әli pәlendey ózgeshe teris pikir estimegendikten, olardyng iyleuine kóndige týsedi. Biraq, olar ózderining zayyrly qoghamgha ógey bola bastaghanyn angharmaydy.

Tórtinshi kezende ózderimen túraqty baylanys jasaushy azamattargha diny dәris ótkizudi jýzege asyrady. Keyde kitaptaryn oqytsa, keyde ózderining sheyhtarynyng uaghyz-nasihattaryn tyndatady. Sәlәfizmdi nasihattaytyn sayttardyng túraqty oqyrmany etuge kýsh salady. Osylaysha arbalushy azamattardyng sanasynda sәlәfizm ilimining negizderi qalyptasady. Ishki jan-dýniyesinde ýlken ózgerister oryn alady. Olar sәlәfizm ilimindegi «Ýsh negiz» teologiyalyq tújyrymyn Haq dinning basty tirekteri dep qabylday bastaydy.

Besinshe kezende olar óz jemtikterin zayyrly qoghamnan mýlde jeritip, shetelde bilim alugha nemese sheteldegi «tolyq islamdy» kóruge shaqyrady. Al, oghan arbalghan azamattar qaghynan jerinip, shetelge ketip «tolyq  islammen» qauyshugha әzir túrady. Sóitip qajylyq-umra nemese shetelge sayahattaudy sebep qyp syrttaghy sәlәfizm oshaqtaryna attanady. Otqa iytermeleushiler aldyn ala belgilengen jospar boyynsha olardyng qabilet-qarymyna qaray keybirin diny oqugha, keybirin әskery jattyghu bazasyna jiberedi.

Altynshy kezende sәlәfizm oshaghyna kelgen azamattar әuelgide arab tilin mengerip, keyin ibn Tәimiya, ibn Jәuziya, Shәukani, Múhammed Abduluahab, ibn Fauzan, ibn Usaymiyn, ibn Baz, sheyh Albani, Ahmet Sururi, Rabigh Madhaly jәne t.b. sәlәfizm sheyhtarynyng enbekterin oqyp, jan-jaqty diny bilim alady. Al, fizikalyq әleueti myqty, biraq oi-órisi tar, minez-qúlqy qatal azamattar arnayy bazada әskery qabilet-qarymdaryn jetildiredi.

Jetinshi kezende sәlәfizm ilimimen jan-jaqty qarulanghan azamattar óz eline qayta oralyp, zayyrly qúndylyqtar men dәstýrli islamdy mansúqtap, iygergen teris diny ilimderin keninen nasiqattaydy. Qúlaq týrip tyndaghan azamattardyng bәrin memleket pen qoghamgha qarsy qoyady. Al, sәlәfizmning әskery bazasynda arnayy jattyghyudan ótken sodyrlar zayyrly memleketti taghútqa balap, berilgen búiryqqa say taghúttyng kýl-talqanyn shygharu ýshin beline «shahiyd» beldigin asynady. Mine, sәlәfitter jankeshti túlghasyn osylaysha qalyptastyrady.

Týiin: Sәlәfitter ózderin islam dinin batyl jaqtaushy etip kórsetui arqyly, óz qataryn kýnnen kýnge kóbeytu ýstinde desek asyra aitqandyq bolmas. Búl teris diny senimdi tek aghartushylyq jolmen enseru mýmkin bolmay otyr. Eger, sәlәfizmning nasihattaluyna qúqyqtyq túrghydan tyiym salynsa, olardyng órisi tarylyp, qatary siyreytini kýmәnsiz. Yaghni, zandyq túrghyda sot sheshimimen tyiym salu arqyly ghana qoghamda sәlәfizmning iydeal ilim retinde ýgitteluine tosqauyl qoyyp, diny teris ilimning taraluyna jol bermeuge bolady.

Múhan IYsahan, islamtanushy

Abai.kz