Düysenbi, 21 Qırküyek 2020
COVID-19 QAZAQSTANDA. Jwqtırğandar — 107307. Jazılğandar — 101941. Qaytıs bolğandar — 1671
1627 2 pikir 30 Şilde, 2018 sağat 08:55

Memlekettik qızmet isteri jäne sıbaylas jemqorlıqqa qarsı is-qimıl agenttiginde wlttıq ruhtı nığaytuğa arnalğan keş ötti

Astana qalasında Memlekettik qızmet isteri jäne sıbaylas jemqorlıqqa qarsı is-qimıl agenttigi «Ruhani jañğıru» bağdarlamasınıñ «Özgeristerdi öziñnen basta» işki bağdarlaması ayasında memlekettik qızmetşilerdiñ qatısuımen, mädeni aşıqtıqqa, wlttıq ruhtı nığaytuğa jäne memlekettik qızmetşilerdiñ şığarmaşılıq äleuetin damıtuğa arnalğan şığarmaşılıq keş ötkizildi.

Şığarmaşılıq keş memlekettik qızmetşilerdiñ sanasın jañğırtuğa arnalğan. Memleket basşısı atap ötkendey, ärbir qazaqstandıq HHİ ğasırğa layıqtı qasietterge ie bolu kerek, onıñ bir faktorı mädeni aşıqtıq.

Bwl keşte memlekettik qızmetşiler aytısker aqın Balğınbek Imaşevtıñ şığarmalığımen tanıstı.

Keş barısında şınayı otansüygiştik, jastardıñ adamgerşilik tärbiesi, til, Qazaqstan halqına qızmet etu siyaqtı özekti mäseleler köterildi.

Aytısker aqın öz söz söyleuinde köpşilikke öziniñ şığarmaşılıq tuındıların tanıstırıp, körermendermen äñgimelesu barısında suırıp salma aqındıq şeberligin körsetti.

Memlekettik qızmetşiler Balğınbek Imaşevtıñ şığarmaşılıq tuındıları arqılı sananı jañğırtu ideyasın wğına tüsti. Bwğan dälel, şara soñında aytısker aqınğa qoyılğan birşama swraqtar.

Ayta ötu kerek, mwnday keşter Memlekettik qızmet isteri jäne sıbaylas jemqorlıqqa qarsı is-qimıl agenttigimen twraqtı türde ayına
2 ret, beysenbi künderi wyımdastırıluda.

Bügingi küni Agenttik Qazaqstan Jazuşılar odağımen birlese otırıp memlekettik qızmetşiler üşin 2 şığarmaşılıq keş ötkizdi.

Atalğan keşter köpşilikke keñinen tanımal şığarmaşılıq qayratkerler jäne aqındar Bauırjan Qarağızwlı, Däuletkerey Käpwlı, Wlarbek Nwrğalım, Däuirbek Qwdabaywlı, Roza Mwqanova, Oñaygül Twrjan, Jadıra Baybwlanova qatısuımen ötti.

Abai.kz

2 pikir