Qyrghyz preziydenti Sauranbay Jiyenbekov 30 shildeden bastap bir aptagha qysqa merzimdi enbek demalysyna  shyqty. Búl turaly preziydentting saytynda: “Memleket basshysy enbek demalysyn Ystyqkólde ótkizedi” dep habarlady. 

Qyrghyz basshysy osylaysha otandyq turizmning damuyna ózi bastamashy bolyp, ýles qospaqshy eken.

Búl - qit etse shet el asatyn bizding sheneunikterge jaqsy ýlgi bolsashy. Sebebi, bizding sheneunikter óz elimizdi asa mensine qoymaytyny jii aitylyp jýr. Keybir aty darday shendilerding tek shet elde ghana demalatyndaryn BAQ jii jazyp keledi. Olardyng basym kópshiligi demalu ýshin Tay eli men Mysyrdy tandaytyny, al, keybiri  Grekiya, Týrkiya, Malayziyany betke alatyny eshkimge jasyryn emes.Bizding shendiler óitip-býitip tapqan  aqshasyn ózge elge shashyp jatqanda Alakól men Burabay siyaqty otandyq turizm ortalyqtary qarjy tappay túralap túrady.

Shendilerding aitularynsha: “elimizde turisterge jaqsy jaghday jasalmaghan-mys”.

Turisterge jaghdaydy jasaytyn kim?

Áriyne, sheneunikter.

"Otandyq kólikke mininder?" dep Elbasy qansha ret aitty. Qúlaqqa ilgen shendi bar ma?

"Otandyq kiyim kiyip, otandyq saghat taq" dep, taghy da preziydentimiz ýlgi kórsesetti.

Ánsheyinde Elbasygha jaghympazdanuda aldygha jan salmaytyndar bú joly da ýnsiz qaldy.

Endi, Núrsúltan Ábishúlynyng ózi Alakólge baryp demalyp, sheneunikterding kózin ashuy kerek pe?.

Kýiingennen osynday sózdi aitugha tura keledi. Kishkentay ghana qyrghyzdyng preziydenti oilaghandy bizdikiler nege oilamaydy? "Alakól túrghanda Týrkiya men Tay elin qaytesin, sheneunik?" deytin bir dualy auyzdyng bolmay túrghanyna nalisyn! Amal ne?

Núrbiyke Beksúltanqyzy

Abai.kz