Senbi, 23 Aqpan 2019
Osı ğoy endi... 1724 7 pikir 7 Tamız, 2018 sağat 12:09

Qostanaydı jaulauğa tağı da Resey jwldızdarı kele jatır...

Qostanay qalasınıñ äkimdigi jıl sayın bir şala bülinip qaladı. Onısı qalıptasqan dästür boyınşa tamız ayınıñ ayağında mindetti türde atalıp ötetin «Qala küni» deytin merekede aydı aspanğa şığaratınday dañğoylıqtı bastap jibergeninen anıq bayqaladı. Mwnıñ eñ mañızdı böligi - ölseñ de, tirilseñ de körşimizdiñ änşileriniñ birin şaqırıp, osındağı özge jwrtqa bir jağınıp qalu. Bwl üşin qanday da şığınnan ayanbaydı. Olar qanşa qomaqtı aqşa swrasa da bir auız sözge kelmesten wstata saladı. Jäne de bwl «dästür» eş uaqıtta bwzılğan emes.

Oblıstı basqarğan Kulagin kezinde de, öz «perzentimiz» Säduaqasov basqarğanda da däl osılay boldı. Endi mine Arhimedimiz de (qazirgi basşımızdı aytam) aldıñğılar salğan jolmen zulatıp keledi. Ne deymiz endi öñir tizginin wstağan jas basşımızğa. «Aldınan jarılqasın» deydik te qoydıq. Bizdiñ qoldan ne keledi? Onıñ üstine äkimimiz eş uaqıtta jurnalisterdi közge ilgen emes, olardıñ jazğandarın oqığan da emes. Bwrınğıday oblıstağı jurnalistermen kezdesip, arnayı swhbat ötkizu degendi wmıtqanımız qaşan? Bwl äkimimizdiñ «qwpiya» jwmısınıñ jemisi.

Arhimed Mwhanbetov

Biıl, mine, tamızdıñ 25 küni ötetin bwl merekede de sol dañğoylıq odan äri jalğasatın türi bar. Mwnı qalalıq äkimdiktiñ mädeniet böliminiñ basşısı Ayswlu Äubäkirovanıñ quana habarlağan sözinen wqtıq.

"Qostanaydıñ toyın dürkiretedi" degen "Kombinaciyanıñ" änşileri... mine, osılar

 - Merekemiz Reseydiñ «Kombinaciya» tobınıñ öner körsetumen ayaqtaladı, -deydi ol. - Bügin olardıñ keletindigi turalı anıq bildik. Toptıñ müşeleri de bwrınğıday. Onda Alena Apina mindetti türde boladı.

Apinanıñ mindetti türde bolatınına jergilikti bilik qanşa quanğanımen, bwl şattıqtı biz bölise almadıq. Öytkeni bireudiñ qañsığına tañsıq boludıñ ayağı nege äkelip soğatının boljau qiın emes şığar. Qayran qazaqtıñ baylığı deseñizşi, Resey jwldızdarın jarılqap jatqan. Osı özimizdi qor sanap, özgelerdi zor sanaytın qwldıq psihologiyadan qaşan qwtılar ekenbiz?

Jaybergen Bolatov, Qostanay

Abai.kz

  

 

7 pikir