«Songhy 15 jyl boyy Týrkiyadaghy sayasat sahnasynyng tórinen týspegen, әueli premier-ministr bolyp, 2014 jyldan beri preziydenttikke saylanghan Erdoghan lira baghamynyng qúbyluyn "әleumettik jelilerdegi ekonomikalyq terrorshylardan" kórdi jәne múnyng artynda ózining NATO boyynsha odaqtasy AQSh túr dep mәlimdedi.

Tramp AQSh preziydenti bolghaly әlem sayasatynda aluan týrli qúbylystar bolyp túratyny daghdygha ainalyp keledi.

Bizge bauyrlas Týrkiya respublikasyn 15 jyl boyy basqaryp kele jatqan Erdoghan da  jeke-dara biyleuding «has sheberine» ainalyp ýlgerdi dese de bolady. Álem baspasózindegi aqparattargha qaraghanda 2016 jylghy Týrkiyadaghy «әskery tónkeris» degen de negizinen Erdoghan biyligin «mәngilik biylikke aparatyn tóte jol» degender qatary mol siyaqty ma, qalay?..

Atatýrik negizin qalaghan búl tәuelsiz Týrkiya júmhúriyeti -  búrynghy sәni men saltanatyn birtindep joghaltyp jatqanday әser etedi. Qay elde biylikke diktator kelse, sol eldin  qarapayym halqy qatty qysym kóretini taghy da aiqyn.

AQSh-tyng Týrkiya ministrlerine sanksiya salghany sol eken. Erdoghan tura keshegi qyzyl kommunistershe qoqan-loqy kórsetip, AQSh-tyng elektrondy apparattarynan, dollardan bas tartyp, qyzyq-qyzyq minezder kórsetude. Kesheden beri Týrkiyany ekonomikalyq tyghyryqtan alyp shyghu ýshin Katar siyaqty bay memleketterden san milliard dollar túratyn qaryzdy ókirtip túryp alyp jatyr taghy da. Ózi dollardan bas tartady, taghy da basqa elderden sol dollarmen qaryz alady. Týsiniksiz...

Sonymen birge Týrkiya tarihynda Reseymen keremet «dostyq» qatynasqa kóshken Erdoghannyng ne oilaghany bary da, bylayghy júrtqa júmbaq...

AQSh-tan ashyq týrde bas tartqan búl myrzanyng qazirgi eng senimdi dosy - orekender bolyp shygha kelgeni de kópshilikke týsiniksiz kórinude.

Bizdegi jәne shetelderdegi kóptegen әriptesteri syndy búl adamnyng da shetelderdegi ofshorlarda  tyqqan dollarlary bar deydi. Búl shyn ba, ótirik pe, ony tap basyp aita almaymyz... Sonda ofshorshylardyng barlyghy da salyqtan jasyryp, shetel asyrghan úrlyq baylyqtaryn tek dollarmen tyghatyn kórinedi. Sóite túryp, ózderi dollardan bas tartqansidy. Búghan kim senedi?..

Jalpy qaramaghyndaghy qarapayym halyqty búghan sendiruge bolatyn shyghar, al, kózi ashyq, bilikti jandardy alday almaytyndaryn nege bilmey qalady eken?

Álemdegi «diktator» ataulylylardyng barlyghy da eng aldymen ózi biylegen memleketti tonaushylar ekenin júrttyng bilip qalghaly qashan...

Jyl sayyn әlemdegi «úry diktator» ataulylardyng qatary ósip kele me, joq, óshu aldynda ma?

Búl súraqqa da óz basym jauap bere almaymyn.

Mening bir biletinim - óz memleketin ayausyz tonaghan kez kelgen diktator – týpting týbi zang aldynda jauap beretini. Ana esepsiz úrlap, ofshorlargha tyqqandary qalqyp su betine shyghyp, úry da, onyng barlyq jaqyn tuystary da masqara bolatyny aiday aqiqat!..

Biz әngimege arqau etip otyrghan bauyrlas elding kósemi  "Erdoghan myrza diktator ma, joq, demokrat pa?" búghan jauapty týbinde Tarih qana beretin bolady!..

Júmash Kókbóri

Abai.kz