Jwma, 18 Qazan 2019
Sañlaq 1138 0 pikir 22 Tamız, 2018 sağat 10:17

Qazaqstan studentter qwraması öz tobında birinşi orın aldı

Almatı qalasında studentter arasında futzaldan älem çempionatı ötip jatır. 17 eldiñ jas futzalşıları Almaty Arena jäne Halyk Arena sport keşeninde baq sınauda.

Elimizdiñ studentter qwraması toptıq kezeñdegi üş oyında da jeñilgen joq. Alğaşqı eki oyında jeñiske jetip, üşinşi matçta teñ tüsti.

Qayrat Qwlbaraqov şäkirtteri alğaşqı oyında Çehiya qwramasın 4:3 esebimen jeñdi. Qazaqstan qwraması sapınan Däuren Twrsağwlov pen Aqedil Mädiyarov eki goldan soqtı.

Qazaqstan – Çehiya – 4:3
Gol soqqandar: Twrsağwlov (2), Mädiyarov (2) - Pavel Drozd (2), David Drozd
19.08.2018. Almatı. Almaty Arena.

Al ekinşi kezdesude bizdiñ futzalşılar Jaña Zelandiya qwramasınan basım tüsti. Bwl matçta 2:0 esebi tirkeldi.

Qazaqstan - Jaña Zelandiya - 2:0
Gol soqqandar: Çernomordov, Knaub.
20.08.2018. Almatı. Almaty Arena.

Toptıq kezeñdegi soñğı oyında elimiz qwraması jeñiske jete alğan joq. Qazaqstandıq student futzalşılar Belarus' elinen kelgen qwrdastarımen 1:1 esebimen teñ tarqastı. Qazaqstan qwramasınıñ oyınşısı Arnol'd Knaub eki oyın qatarınan gol soqtı.

Qazaqstan - Belarus' - 1:1
20.08.2018. Almatı. Almaty Arena.

Osılayşa, jarıs qojayındarı jeti wpay jinap, öz tobında birinşi orınmen pley-off kezeñine joldama aldı.

Ayta keteyik, älem çempionatı 26 tamızğa deyin jalğasadı. Oyındar Halyk Arena jäne Almaty Arena mwz saraylarında ötedi. Ğalamdıq dodağa 17 eldiñ ökilderi qatısuda. Almatığa şın mıqtını anıqtau üşin 16 erler 9 äyelder kwraması kelgen bolatın.

Abai.kz

0 pikir