Toqsanynshy jyldardyng kezinde Islam institutynda mynaday oqigha bolghan eken. Studentterining aldynda syily, óte bedeldi ústaz dәrishanagha kóilegining bir týimesin dúrys salmay kelipti. Ózi dәris oqyp túr. Shәkirtterining nazary birde onyng aitqan tәmsilinde, birde ebedeysiz salynghan kóilegining týimesinde bolyp, oilary bólinip әbden yghyrlary shyqsa kerek. Aqyry ózara sybyrylasyp aqyldasa kele, aralarynan bir shәkirt qol kóteredi:
- Ústaz, keshiriniz, siz kóileginizding týimesin dúrys salmapsyz..! - dep jóndeuin ótinedi. Sonda túnjyraghan ústazy:
- Negizi, men kóilegimning týimesin әdeyi osylay salyp kirgen edim. Júmysqa kelgende, kafedrada otyrghanda múny eshkim kórmedi dep oilaysyzdar ma?! Ekinshiden, osy bolmaytyn nәrsege bola oilaryng ekige bólinip, eng manyzdy bilim alugha degen qúshtarlyqtarynyzdy, aitylghan dýniyelerdi sanagha sinirip alugha degen úmtylystarynyzdy basqa nәrsege auystyryp alghandarynyzgha qynjylamyn. Ýshinshiden, ústazdarynyzgha eshqashan syn aitugha daghdylanbanyzdar, óitkeni, ústazdyng aty ústaz, ýlkenning aty ýlken, olardy barynsha qadirleuge tiyissizder. Tórtinshiden, aitatyn oilarynyz bar ma, onda pikirlerinizdi jeke-dara qalghan kezde aitynyzdar. Ádeptilik degen osy! - degen eken.
Rasynda, osy qasiyetten aiyrylyp baramyz ba, qalay? Ádildikpen esepteletin tik minezdi betpaqtyqqa, "maqtamen bauyzdaytyn" tapqyrlyqty kemsitushilikke, ýlkenge qúrmetti jalpaqshesheylikke, úyatty menzeytin obal-sauap týsinigin arsyzdyqqa aiyrbastaghan qogham eshqashan ilgeri attamasyn nege týsinbeymiz?!
Biz әkimshil-әmirshildik jýie keshirim súratatyn jattyqtyrushyny emes (ol onsyzda solay bolaryn bildik), óz ústazyn syilamaytyn, ýlkendi qadirlemeytin, qasaqana әreket jasaugha beyim, tu syrtynan pyshaq úryp, satyp ketuge dayyn (aramzalyq dese de bolady) balalardyng tәrbiyesi turaly talqylauymyz kerek edi. Ókinishke oray, olay bolmady. "Ústazdyng mәrtebesin qaytaryndar!" dep biylikke syn aitqangha qúmar qogham, múghalimning qadirin ózi kóteruge beyil emes ekendigin bildirip aldy...

Dәrmen Smayyldyng facebook paraqshasynan

Abai.kz