Jwma, 3 Şilde 2020
COVID-19 QAZAQSTANDA. Jwqtırğandar — 41065. Jazılğandar — 13614. Qaytıs bolğandar — 188
2063 0 pikir 31 Tamız, 2018 sağat 14:53

Almatıdağı birneşe belgili ğimarattarğa arhitekturalıq jarıq közderi ornatıldı

Almatıda tarihi jäne mädeni ayrıqşa mañızı bar qalanıñ tarihi ortalığın rekonstrukciyalau jäne ğimarattardı jañartu jalğasuda, - dep habarlaydı Abay-aqparat Almatı äkiminiñ saytına silteme jasap.

Keşke qaray Respublika Sarayı, Baluan Şolaq atındağı Sport Sarayı, Qwrmanğazı atındağı wlttıq konservatoriya men Almatınıñ birqatar belgili nısandarı arhitekturalıq jarıq közderimen nwrlana tüsedi.

Qazirgi kezde köptegen megapolisterde qalanıñ erekşelikteri men körneki orındarın ayşıqtay tüsetin jäne keşki seruen kezinde qolaylı jağday tuğızatın arhitekturalıq jarıq közderi tiimdi paydalanıluda.Zamanaui energiya jinaqtaytın tehnologiyanı wtımdı qoldanu elektr energiyasın ünemdeydi jäne jarıq közderin wzaq paydalanuğa ıqpal etedi.

Keşki jäne tün mezgilinde qala ğimarattarına, landşaftarğa birıñğay arhitekturalıq stil' beru maqsatında Almatıda soñğı eki jıl işinde qalanıñ 130 belgili nısandarı jarıq közderimen nwrlana tüsti.

Olardıñ arasında Täuelsizdik Monumenti, «Qazaqstan» qonaq üyi, Dañq, Memorialı, «Köktöbe» telemwnarası, Abay atındağı MATOB, Qasteev atındağı mwrajay, Iqılas atındağı halıq aspaptarı muzeyi, Ortalıq meşit, Svyato-Voznesenskiy kafedraldı soborı jäne basqaları bar.

Arhitekturalıq jarıq közderiniñ birıñğay jobalarınıñ barlığı byudjetten tıs qarjı esebinen jüzege asuda.


Bwlardan özge, Almatıda biılğı jılı birneşe qala dañğıldarı rekonstrukciyalanuda, köşeler men trotuarlarğajaña jarıq közderi ornatılıp, jayau jürginşi aymaqtarı keñeyude, köleñkeli keñistik qalıptastıru üşin jasıl jelek otırğızılıp, jaña subwrqaqtar salınuda.


Kespe tastar töselude, jarıq diñgekteri men suaru jüyeleri, ğimarattardıñ kire beristeri men sırtı jañaruda.

Jıl ayağına deyin barlıq jarıq közderiniñ üşten biri jañaradı. 24000 jarıq közderi nemese olardıñ 31,5%.-ı energiya jinaqtaytın jäne diodtı şamdarğa auıstırıladı. Mısalı, BRT avtobustarınıñ jürdek jelisin salu ayasında Timiryazev köşesinde jarıq közderin jañartu jwmıstarı ayaqtalıp qaldı.

Eger ötken jılı qala biligi Panfilov, Jibek jolı, Gogol', Qabanbay batır, Tölebaev, Bayseyitova köşeleri men «Astana» alañın jañalasa, biılğı jılı Abay, Abılay han, Dostıq, Nazarbaev, Jeltoqsan dañğıldarında, «Almatı-2» temirjol vokzalınıñ mañayında jäne Respublika Sarayı aldındağı alañda qayta jöndeu jwmıstarı jürip jatır.


Qalada wzındığı 500 km bolatın 524 köşe jañardı. Megapolistiñ barlıq jer astı ötpeli joldarın jañartu jwmıstarı ayaqtalıp qaldı.

800 km injenerlik jeliler jöndeldi jäne salındı.

Wzındığı 12 km bolatın tağı bir jılu jelisiniñ qwrılısı ayaqtalıp qaldı, bwrınnan bar gaz qwbırları keñeyude, 120 mıñ twrğındı qamtitın jaña su jüyesi tartıluda.

Qalada 300 km arıq jelisi jañardı.

Su jii basıp qalatın uçaskelerge 70 şaqırımnan astam arıq salındı. Tayau arada tağı 45 km arıq jelisi jañaradı.

Megapolis biligi qaladağı 3800 aulalardıñ işindegi 1400 eski aulalardı jañartudı ayaqtap qaldı.

Rekonstrukciya ayasında aulalarda jaña balalar jäne sport alañdarı, trenajerlar men oyın keşenderi, jaña jarıq közderi payda boluda.Keybir aulalarda jarıq közderi pilottı rejimde kün energiyasımen jwmıs isteude.

Abai.kz
0 pikir