Bizding qazaq ózi qonyrqalta kýn keship jýrse de sportshylar men әnshilerding jetistikterin kóniline medet etedi. Qazaqstandyq bir әnshi, ne bir sportshy halyqaralyq jarystarda jýlde alsa bórkin aspangha atyp, toy jasaugha dayyn. Elimizding atyn shygharyp, tuymyzdy jelbiretti dep úrandaghanda ýni alty qyrdan asady.

Alayda, osynday kishigirim jenisterden elding ataghy aspandap ketpeytinin týsinuimiz kerek. Qysqasy, jeke sportshy, ne әnshining jetistigi eshqashan elding jenisi emes. Qarapayym halyqqa tipten qatysy az. Sportshynyng jetistigin el damuynyng kórsetkishi retinde kórsetip, halyqtyng kónilin aulap otyrghan biylik ókilderining aila-tәsilin angharatyn kez jetti.

Sport degende esimizge eng aldymen boksshy Gennadiy Golovkin týsedi. Orta salmaqta WBC, WBA (Super) jәne IBO tújyrymdary boyynsha әlem chempiony Gennadiy Golovkin (38-0-1, 34 KO) elimiz ýshin eng biyik belesti baghyndyrghan sportshy. GGG-ge degen elding yqylasy da erekshe.

Býgin sol danqty boksshynyng basy daugha qaldy. Daudyng sebebi basqa emes dәl osy ózi «aspangha kóterip, әlemge әigilep» jýrgen kók tuymyz jayly bolyp otyr. Kәsipqoy boksta jekpe-jek bastalar aldynda qarsylas qos boksshynyng jәne AQSh elining әnúrany oryndalady. Alayda, 15 qyrkýiek meksikalyq  Sauli Alivarespen (49-1-2, 34 KO) júdyryqtasatyn bizding Gena osy rәsimnen bas tartqysy kelgen.

Búl jayly «Kanelonyn» promouteri Oskar De La Hoyya mәlimdedi. Boks mamanynyng aituynsha Golovkinning komandasy jekpe-jek aldynda eki elding әnúrany oryndaluyn qajet emes dep eseptegen. Ári әnúrannyng oryndalmauyn talap etken.

Biz búl aqparatty estigende qarsylastyng qazaqstandyqty ayaqtan shalu ýshin jasap otyrghan ailasy bolar dep eleusiz qaldyrghan edik. Alayda, Golovkinning komandasynyng bergen jauabynan shynymen bir shiykilikting bar ekenin bayqadyq.

Otandasymyzdyng promouteri Tom Leffler AQSh aqparat qúraldaryna súhbat berip әriptesining sózin teriske shygharugha tyrysqan eken. Onyng sózinshe, Golovkinning komandasy Qazaqstan, Meksika jәne AQSh-tyng әnúrandary tikeley tele translyasiyalar bastalmay túryp oryndaluyn súraghan. Búl jekpe-jekterding kidirissiz ótkiziluine mýmkindik beredi eken.

«Jel soqpasa shópting basy qimyldamaydy» dep qazaq osyndayda aitqan. Demek, Gennadiy milliondaghan otandasyn «kók tudyng jelbirep, әnúrannyng shyrqalghan» sәtin kóru mýmkindiginen aiyrghaly otyr. Mýmkin olar ýshin әnúran oryndalu-oryndalmauy qatty manyzdy emes shyghar. Alayda, qazaqstandyq týsinikte Gennadiy jekpe-jegining aldynda shyrqalghan әnúran «býkil Qazaqstandy әlemge tanytady». Ári osy bir sәttik «baqyt» býkil qazaq jankýierlerine kýndelikti kýibing tirshiligin úmyttyrady.

Isting anyq mәn-jayyn bilmesek te, qos taraptyng aitqan uәjinen angharghanymyz osy. Demek, kez-kelgen sportshy ýshin eng manyzdy maqsat elding tuyn jelbiretu emes. Meyli, ol Gennadiy Golovkin bolsa da! Sol ýshin bizding halyq әnshiler men sportshylardyng jetistigine marqayyp, óz-ózin aldaghandy qoyghany jón.

Esterinizge sala keteyik, Golovkin men «Kanelo» arasyndaghy ekinshi kezdesu 15 qyrkýiekte Las-Vegastaghy T-Mobile Arena-da ótedi. Búl Astana uaqytymen 16 qyrkýiek tanertenge tura keledi.

Quanysh Qappas

Abai.kz