Azattyq tilshisining sottan habarlauynsha, órtengen avtobus sotyna Ózbekstannan 11 adam kelgen. Solardyng biri – Yulduzhan Ganiyeva Reseydi betke alghan avtobusta úly Adham Magrufjonov pen nemeresi Avazbek Magrufjonovtyng bolghanyn aitady. Ekeui de qaza tapqan.
Serik Mahambetov sotaldy tergeui memlekettik tilde ótkendikten sot prosesining de qazaq tilinde jýrgiziletinin habarlaghan. Jәbirlenushi tarap ózderining qazaq jәne orys tilderin týsinbeytinderin aityp, ózbek tilin biletin audarmashy talap etti. Osyghan oray sotta týske deyin ýzilis jariyalandy.
Aqtóbedegi sotqa Qazaqstannyng ontýstiginen aiyptalushylardyng tuystary da kelgen.
Búl qylmystyq is boyynsha sot aldynda bes adam jauap beredi. Onyng ýsheui – avtobus jýrgizushisi, ekeui – "Aziya tranzit serviys" firmasynyng qúryltayshysy men mehaniygi. Avtobus jýrgizushileri – Núrjan Qyrghyzbaev, Maqsat Pernebekov pen Barat Tanatov 2018 jyldyng 26 qantarynan beri Aqtóbedegi tergeu izolyatorynda otyr. Al "Aziya tranzit serviys" kompaniyasynyng jetekshisi men mehaniygi kepil tólep, eshqayda shyqpau turaly qolhatpen bosatylghan.
Tergeu dereginshe, firma qúryltayshysy "zandy túlgha retinde óz mindetterin tiyisti týrde atqarmady, jaramsyz kólik qúralyn paydalanugha berdi jәne qújatty qoldan jasady" dep aiyptalghan. Al mehanikke "aqauy bar avtobusty jolgha shyghardy" degen aiyp taghylghan.
Biyl qantardyng 18-i kýni tanerteng Aqtóbe oblysynyng Yrghyz audany Qalybay auylynan 10 kilometr qashyqta Shymkent - Samara jolynda jolaushylar avtobusy órtengen. Biylik oryndarynyng habarlauynsha, avtobusta barlyghy 57 adam bolghan, olardyng 52-si qazagha úshyraghan. Qúrban bolghandardyng barlyghy – Ózbekstan azamattary. Eki jolaushy men ýsh jýrgizushi aman qalghan.
Abai.kz
