28 qyrkýiekte Zyryan audanynyng atyn Altay dep atau turaly úsynystardy talqylau ýshin «Gornyak» mәdeniyet ýiinde qoghamdyq tyndau ótedi. Shyghys Qazaqstan oblysynyng әkimi Danial Ahmetovting ong sheshim qabyldauy ýshin býkil qazaq eli  óz qoldauyn bildirse degen ótinishimiz bar. 

Ótken joly aimaq bas­shy­synyng audandyq mәslihat depu­tattarymen, jergilikti qauym­dastyq ókilderimen kezdesuinde audan atyn ózgertu mәselesi sóz boldy. "Egemen Qazaqstan" gazetining jazuyna qaraghanda audandyq mәslihat deputaty Larisa Grechushnikova 27 tamyzda Zyryan audanynyng әki­mi Núrjan Toqseyitovke jer­gilikti qauymdastyq ókilderi audandy damytu jәne qala men audan atyn ózgertu jóninde úsynys jibergen.

«Búl úsynysty deputattar korpusy qoldap otyr. Qazir kezdesuler úiymdastyrylyp, qoghamdyq pikirler zerttelude, 28 qyrkýiekte «Gornyak» mәdeniyet ýiinde qoghamdyq tyndau ótedi», – deydi ol.

Deputattar jana atau au­dannyng jana brendin qalyp­tas­tyryp, investisiya tartugha, ekonomikany damytugha tyng serpin beretinine senimdi. «Borodino» sharua qojalyghynyng basshysy Qayrat Bókejanov Zyryan au­danynyng tabighaty tamasha bol­ghanymen, әzirge turizmdi órken­detuge tolyq jaghday jasalmay otyrghanyn, jana atau osy salanyng ayaghynan qaz túruyna septesetinin atap ótti.

«Jastar da búl iydeyany qúptap otyr. Biz Altay qalasynda, Altay audanynda túrghymyz keledi», deydi audandyq jastar resurstyq or­talyghynyng jetekshisi Mayina Liy­sovsova.

Oblys әkimi Danial Ahmetov kezdesude audandyq deputattar men jastardyng tarapynan aitylghan úsynysty qoldaytynyn jetkizgen.

«Zyryandy Altay dep atau barlyq jaghynan da kelip túr. Zyryannyng túrghan jeri Altay ekeni ras. Altay – san týrli halyqtyng shyqqan jeri, atajúrty. Sol sebepti, biz qanday kiyeli jerde túryp jatqanymyzdy eshqashan úmytpauymyz kerek. Búl – eng aldymen tarihymyzgha taghzym. Audan atyn ózgertu ekonomikalyq túrghydan da tiyimdi bolary sózsiz. Nege deseniz, Altay – brendtik atau. Búl ónirge turisterdi kóptep tartugha mýmkindik beredi» dedi aimaq basshysy.

Týiin

Biz oblys әkimi Daniyal Ahmetovting sózine tolyqtay qosylyp, Altay atty brendtik ataudy audangha berudi qoldaymyz jәne býkil qazaq elin ýn qosugha shaqyramyz. 

Shәriphan Qaysar

Abai.kz