Senbi, 8 Mamyr 2021
Sanlaq 2345 1 pikir 11 Qazan, 2018 saghat 11:40

Para Aziya oiyndary: Alghashqy bes jarys kýninde 4 altyn medali búiyrdy

Djakartada eki altyn medali alghan Erjan Sәlimgereev.

Indoneziyanyng Djakarta qalasynda ótip jatqan III Para Aziya oiyndarynyng alghashqy bes kýninde Qazaqstan qúramasynyng qorjynyna tórt altyn medali týsti.

Ayta keterligi, altyn jýldening barlyghyn jýzu sportynan baq synap jatqan sportshylarymyz jenip aldy. Atap aitar bolsaq, Siyazbek Daliyev S5 kategoriyasyndaghy sportshylar arasynda 50 metrge batterflyay әdisimen jýzuden jenimpaz atandy. Al 9 qazanda 100 metr qashyqtyqqa erkin jýzude (S6) birinshi oryn alghan Erjan Sәlimgereev erteninde S6 sanatynda 50 metrge erkin jýzu jarysynda da erledi. Sóitip, Erjan Aziya Paraoyyndarynda el qorjynyna eki altyn medali saldy.

Taghy bir altyn jýldeni 2016 jyly Rio-de-Janeyroda ótken Paralimpiada oiyndarynyng chempiony Zulifiya Ghabidullina aldy. Ol Para Aziya oiyndarynda 100 metrge erkin jýzuden ýzdik shyqty.

Jýzu sportynan baq synap jatqan sportshylarymyz búnymen shektelgen joq, erler arasyndaghy S10 sanatynda 50 metrge erkin jýzuden qazaqstandyq sportshylar Sergey Kinah kýmis medali, al Dmitriy Ly qola medali enshiledi.

100 metr qashyqtyqta (S-10 sanaty) Sergey Kinah ekinshi oryndy iyelendi.

Ánuar Ahmetov S-13 sanatynda 100 metr qashyqtyqta kýmis jýlde jenip aldy.

Áyelder arasynda 100 metrge erkin jýzuden altyn medali alghan Zulifiya Gabidullina 200 metrge erkin stilide jýzuden (S-5 sanaty)  qola medaligha qol jetkizdi.

Qazirge deyin 4 altyn 10 kýmis 10 qola medali jenip alghan Qazaqstan qúramasy jalpy esepte 13-shi orynda keledi.

Abai.kz

1 pikir