بەيسەنبى, 24 ماۋسىم 2021
ساڭلاق 2451 1 پىكىر 11 قازان, 2018 ساعات 11:40

پارا ازيا ويىندارى: العاشقى بەس جارىس كۇنىندە 4 التىن مەدال بۇيىردى

دجاكارتادا ەكى التىن مەدال العان ەرجان سالىمگەرەەۆ.

يندونەزيانىڭ دجاكارتا قالاسىندا ءوتىپ جاتقان ءىىى پارا ازيا ويىندارىنىڭ العاشقى بەس كۇنىندە قازاقستان قۇراماسىنىڭ قورجىنىنا ءتورت التىن مەدال ءتۇستى.

ايتا كەتەرلىگى، التىن جۇلدەنىڭ بارلىعىن ءجۇزۋ سپورتىنان باق سىناپ جاتقان سپورتشىلارىمىز جەڭىپ الدى. اتاپ ايتار بولساق، سيازبەك داليەۆ S5 كاتەگورياسىنداعى سپورتشىلار اراسىندا 50 مەترگە باتتەرفلياي ادىسىمەن جۇزۋدەن جەڭىمپاز اتاندى. ال 9 قازاندا 100 مەتر قاشىقتىققا ەركىن جۇزۋدە (S6) ءبىرىنشى ورىن العان ەرجان سالىمگەرەەۆ ەرتەڭىندە S6 ساناتىندا 50 مەترگە ەركىن ءجۇزۋ جارىسىندا دا ەرلەدى. ءسويتىپ، ەرجان ازيا پاراويىندارىندا ەل قورجىنىنا ەكى التىن مەدال سالدى.

تاعى ءبىر التىن جۇلدەنى 2016 جىلى ريو-دە-جانەيرودا وتكەن پاراليمپيادا ويىندارىنىڭ چەمپيونى زۋلفيا عابيدۋللينا الدى. ول پارا ازيا ويىندارىندا 100 مەترگە ەركىن جۇزۋدەن ۇزدىك شىقتى.

ءجۇزۋ سپورتىنان باق سىناپ جاتقان سپورتشىلارىمىز بۇنىمەن شەكتەلگەن جوق، ەرلەر اراسىنداعى S10 ساناتىندا 50 مەترگە ەركىن جۇزۋدەن قازاقستاندىق سپورتشىلار سەرگەي كيناح كۇمىس مەدال، ال دميتري لي قولا مەدال ەنشىلەدى.

100 مەتر قاشىقتىقتا (S-10 ساناتى) سەرگەي كيناح ەكىنشى ورىندى يەلەندى.

ءانۋار احمەتوۆ S-13 ساناتىندا 100 مەتر قاشىقتىقتا كۇمىس جۇلدە جەڭىپ الدى.

ايەلدەر اراسىندا 100 مەترگە ەركىن جۇزۋدەن التىن مەدال العان زۋلفيا گابيدۋللينا 200 مەترگە ەركىن ستيلدە جۇزۋدەن (S-5 ساناتى)  قولا مەدالعا قول جەتكىزدى.

قازىرگە دەيىن 4 التىن 10 كۇمىس 10 قولا مەدال جەڭىپ العان قازاقستان قۇراماسى جالپى ەسەپتە 13-ءشى ورىندا كەلەدى.

Abai.kz

1 پىكىر