Seysenbi, 7 Şilde 2020
COVID-19 QAZAQSTANDA. Jwqtırğandar — 41065. Jazılğandar — 13614. Qaytıs bolğandar — 188
Anıq 1808 0 pikir 16 Qazan, 2018 sağat 17:15

Şeteldikter 150 mıñ dollarğa QR azamattığın aladı degen şındıqqa säykes kelmeydi

Şeteldikter 150 mıñ dollarğa Qazaqstan Respublikasınıñ azamattığın ala alatını jaylı aqparat şındıqqa säykes kelmeydi. BAQ pen äleumettik jelini şarlap ketken sıbısqa qatıstı «AHQO Äkimşiligi» AQ basqarma törağasınıñ orınbasarı Marat Äytenov osılay jauap berdi.

«Qazaqstannıñ bwqaralıq aqparat qwraldarı men äleumettik jelilerde «Qazaqstannıñ azamattığın alu üşin şeteldikterge 150 mıñ dolların töleu jetkilikti» degen aqparat tarap ketti. Ol habarlamalarda mwnday normanıñ ««Astana» Halıqaralıq qarjı ortalığı» turalı QR zañına engizilgen jaña özgeristerde qarastırılğanı jazılıp jür. Şıntuaytında, atalmış qwjatta Investiciyalıq rezidenttiktiñ bağdarlaması jazılğan jäne ol şeteldikterge azamattıq berudi qarastırmaydı», - deydi Marat Äytenov.

Onıñ habarlauınşa, investorlarğa beriletin barlıq basımdıqtar Konstituciyalıq zañmen ğana emes, sonımen qatar AHQO qwjattarımen de retteletin boladı.

«Alayda Ortalıqtıñ qwjattarında investiciyalıq rezidentterge azamattıq berudi qarastıru mäselesi bwğan deyin köterilgen emes, köterilmeytin de boladı. Sonımen qatar, AHQO öziniñ jwmısına qatıstı barlıq zañ jobaları boyınşa azamattıq qoğamdastıqtarmen birge konstruktivti talqılau jürgizuge tolıq äzir», - dep habarlaydı «AHQO Äkimşiligi» AQ basqarma törağasınıñ orınbasarı Marat Äytenov.

Abai.kz

0 pikir