Düysenbi, 23 Qırküyek 2019
Sañlaq 1259 0 pikir 23 Qazan, 2018 sağat 11:02

Jänibek Älimhanwlınıñ kelesi qarsılası anıqtaldı

Qazaqstandıq käsipqoy boksşı Jänibek Älimhanwlınıñ (3-0, 1 KO) AQŞ törinde ötkizetin jekpe-jegindegi qarsılası anıqtaldı.

Bwl turalı boksşınıñ baspasöz hatşısı Berik Swltan öziniñ Facebook-degi paraqşasında mälimdedi.

Bwğan deyin otandasımızdıñ 3 qaraşa küni Tehas ştatındağı El'-Paso qalasında şarşı alañğa şığatının habarlağan edik. Keşe belgili bolğanınday, atalğan boks keşinde Jänibek Älimhanwlı 13 jekpe-jek ötkizip, 12-in jeñgen amerikalıq Van Aleksandrmen jwdırıqtasatın boldı

Esteriñizde bolsa, Jänibek Älimhanwlı biıl mausım ayında älemge äygili promouter Bob Arummen kelisimşartqa qol qoyğan bolatın.

AQŞ törinde öner körsetip jürgen qazaqstandıq käsipqoy boksşılar az emes. Alayda, janküyerler äli de Gennadiy Golovkinniñ ornın basatın bılğarı qolğap şeberin bayqay alğan joq. Qanat Islamnan küder üzgen köpşilik jaña esim izdey bastadı. Käsipqoy bokstağı jolın jaña bastap jatqan jastardı aytpağanda, äuesqoy boksta täp-täuir jetistikke jetken Jänibek Älimhanwlı qazaq janküyerleriniñ ümitin aqtauğa bir taban jaqın dep esepteymiz.

Abai.kz

0 pikir