دۇيسەنبى, 17 قاڭتار 2022
ساڭلاق 2557 0 پىكىر 23 قازان, 2018 ساعات 11:02

جانىبەك ءالىمحانۇلىنىڭ كەلەسى قارسىلاسى انىقتالدى

قازاقستاندىق كاسىپقوي بوكسشى جانىبەك ءالىمحانۇلىنىڭ (3-0, 1 كو) اقش تورىندە وتكىزەتىن جەكپە-جەگىندەگى قارسىلاسى انىقتالدى.

بۇل تۋرالى بوكسشىنىڭ باسپاسوز حاتشىسى بەرىك سۇلتان ءوزىنىڭ Facebook-دەگى پاراقشاسىندا مالىمدەدى.

بۇعان دەيىن وتانداسىمىزدىڭ 3 قاراشا كۇنى تەحاس شتاتىنداعى ەل-پاسو قالاسىندا شارشى الاڭعا شىعاتىنىن حابارلاعان ەدىك. كەشە بەلگىلى بولعانىنداي، اتالعان بوكس كەشىندە جانىبەك ءالىمحانۇلى 13 جەكپە-جەك وتكىزىپ، 12-ءىن جەڭگەن امەريكالىق ۆان الەكساندرمەن جۇدىرىقتاساتىن بولدى

ەستەرىڭىزدە بولسا، جانىبەك ءالىمحانۇلى بيىل ماۋسىم ايىندا الەمگە ايگىلى پروموۋتەر بوب ارۋممەن كەلىسىمشارتقا قول قويعان بولاتىن.

اقش تورىندە ونەر كورسەتىپ جۇرگەن قازاقستاندىق كاسىپقوي بوكسشىلار از ەمەس. الايدا، جانكۇيەرلەر ءالى دە گەننادي گولوۆكيننىڭ ورنىن باساتىن بىلعارى قولعاپ شەبەرىن بايقاي العان جوق. قانات يسلامنان كۇدەر ۇزگەن كوپشىلىك جاڭا ەسىم ىزدەي باستادى. كاسىپقوي بوكستاعى جولىن جاڭا باستاپ جاتقان جاستاردى ايتپاعاندا، اۋەسقوي بوكستا ءتاپ-ءتاۋىر جەتىستىككە جەتكەن جانىبەك ءالىمحانۇلى قازاق جانكۇيەرلەرىنىڭ ءۇمىتىن اقتاۋعا ءبىر تابان جاقىن دەپ ەسەپتەيمىز.

Abai.kz

0 پىكىر