Beysenbi, 18 Şilde 2019
Qwyılsın köşiñ 2965 15 pikir 15 Qaraşa, 2018 sağat 11:27

Köşi-qon şaqıruın iske asıruğa ıqpal etseñiz, Äbdirahmanov mırza!

Qazaqstan Respublikasınıñ
Sırtqı ister ministri
Q.Q. Äbdirahmanovqa

Qwrmetti Qayrat Qwdaybergenwlı!

Qazirgi qoldanıstağı «Halıqtıñ köşi-qonı turalı» zañınıñ 15-babında jergilikti atqaruşı organdardarğa «13-1) Qazaqstan Respublikası azamattarınıñ şetelderde twratın etnikalıq qazaqtardıñ arasınan tuıstarın Qazaqstan Respublikasına otbasın biriktiru maqsatında qonıstandıru üşin şaqıruların halıqtıñ köşi-qonı mäseleleri jönindegi uäkiletti organ ayqındaytın tärtippen qaraydı jäne kuälandıradı;» degen qwzıret berilgen.

Atalğan norma bwl zañğa 2016 jılı engizildi. Sebebi, osığan deyin şetelderde twratın etnikalıq qazaqtardıñ arasınan tuıstarın Qazaqstan Respublikasına otbasın biriktiru maqsatında qonıstandıru üşin şaqıratın zañdı tetik qarastırılmağan eken. Bwl – bir.

Ekinşiden, bizdiñ El sekildi emes, keybir memleketter kez-kelgen azamatına şetelge şığu Tölqwjatın bere bermeydi. Mısalı, Qıtay.

Qıtay Elinde 1,6 million qandasımızdıñ twratınan eskere otırıp, 2015 jılı «Qazaqstan Respublikasınıñ keybir zañnamalıq aktilerine halıqtıñ jwmıspen qamtıluı jäne köş-qon mäseleleri boyınşa özgerister men tolıqtırular engizu turalı» Qazaqstan Respublikası Zañınıñ jobası QR Parlamenti Mäjilisinde talqığa tüskende, Gülnar Seytmağanbetova, Nwrtay Sabil'yanov bastağan deputattardıñ qoldauımen  osı baptı engizdirgen bolatınbız.

Al, «Otbasın biriktiru maqsatındağı» bwl şaqıru qaydan kelip şıqtı?

Qazaq köşiniñ dürildep twrğan ötken ğasırdıñ toqsanınşı jıldarında da osı Tölqwjat alu mäselesi Qıtaydan keletin qandastarımızıñ Atajwrtına köşip keluine qiındıqtar tudırğanı bar. Sonı bayqağan bolu kerek, QHR-dıñ sol kezdegi Elşisi me, älde Konsul basşısı ma, bireui atamış şaqırudıñ bir ülgisin Köşi-qon sayasatınıñ basında jürgen Raqım Ayıpwlına berip, osı tärtipti engizu turalı jol körsetipti.

Qıtayda wlı reformator Den Syaopin bilik jürgize bastağan 1980-şi jıldardan bastap, qıtay wltınıñ alıs-jaqın şetelderge köptep şığuına, bir jolata qonıstanıp qaluına keñ jol aşılğanı belgili. AQŞ,  Europa elderinde bwrınnan twratın qıtaylar wlı qwrlıqtağı qandastarın osı şaqıru arqılı sol elderge şaqırıp, qonıstanıp qaluına mümkindik jasağan bolatın.

Raqım Ayıpwlı ol ülgini elimizdiñ sırtqı sayasattın qalıptastıruda ülken ornı bar depilomat Uälihan Qoñırbaevtıñ qolına tigizedi. Uälihan Siyanbeqwlı qwzırlı organdarmen kelisip, bwl şaqırtudı iske asıra bastaydı. Sonıñ arqasında, neşe on mıñdağan otbası Qıtaydan köşip kelip, Qazaqstanğa qonıstandı. Ökinişe oray, zañdıq negizi bolmağandıqtan, «Köşi-qon şaqıruı» atalıp ketken bwl şaqırudıñ ğwmırı wzaqqa barmadı, qoldanıstan şettetildi.

Orayı kelip twrğan soñ, men osı şaqırudı 2015 jılı «Halıqtıñ köşi-qonı turalı» zañına engizdirip, zañdastırttım.

Bügingi tañda atalğan şaqırtudı Qazaqstan Respublikası Densaulıq saqtau jäne äleumettik damu ministriniñ m.a. 2016 jılğı 13 qañtardağı №13 bwyrığına say,  joğarıda körsetilgendey, respublikalıq mañızı bar qalalar men oblıs ortalıqtarındağı Jwmıspen qamtu, eñbek jäne äleumettik qorğau basqarmasınıñ köşi-qon bölimi qaraydı jäne kuälandırdı. Sonday-aq, ol kuälandırudı QR Sırtqı ister ministrliginiñ Konsuldıq departamenti, Qıtay Halıq Respublikasınıñ Qazaqstandağı Elşiligi rastap, mörin basadı. Sosın QHR-ğa jöneltiledi...

Ökinişke oray, Qıtaydıñ jergilikti organdarı osı otbasın biriktiru maqsatındağı şaqırudı qanağattandırmay otır.

Qwrmetti Qayrat Qwdaybergenwlı!

Sizden Birikken Wlttar Wyımı Bas Assambleyasınıñ rezolyuciyasımen 1948 jılğı 10 jeltoqsanda №217 A (III) qabıldanğan «Adam qwqıqtarınıñ jalpığa birdey deklaraciyasın» jäne wltı qıtay azamattardıñ özge elderge osı tärtippen qonıstanıp jatqanın qıtaylıq äriptesteriñizdiñ esine sala otırıp, eki el arasındağı qarım-qatınastı nığaytu üşin, Qıtay Eliniñ osı şaqtırudı atqaruına ıqpal etuiñizdi swraymın.

Auıt Mwqibek

Abai.kz

15 pikir