Düysenbi, 16 Qırküyek 2019
840 11 pikir 6 Jeltoqsan, 2018 sağat 10:20

Äbdiqalıqova türki tildes memleketterdiñ jastar jäne sport ministrlerimen kezdesti

Qazaqstan Respublikasınıñ Memlekettik hatşısı Gülşara Äbdiqalıqova türki tildes memleketterdiñ jastar jäne sport ministrlerimen kezdesti, dep habarlaydı Aqordanıñ resmi saytı.

Kezdesuge Qazaqstan Respublikasınıñ Qoğamdıq damu ministri D.Käletaev, Türkiya Respublikasınıñ Jastar jäne sport ministri M.Kasapoglu, Türki tildes memleketter ıntımaqtastığı keñesiniñ bas hatşısı B.Ämireev, Äzerbayjan Respublikasınıñ Jastar jäne sport vice-ministri I.Ismailov, Qırğız Respublikasınıñ Jastar, dene şınıqtıru jäne sport isteri agenttiginiñ direktorı Q.Amanqwlov qatıstı.

Kezdesu barısında Gülşara Äbdiqalıqova Memleket basşısı Nwrswltan Nazarbaevtıñ «Wlı dalanıñ jeti qırı» attı maqalasındağı «Qazaqstan – külli türki halıqtarınıñ qasietti «Qara şañırağı». Bügingi qazaqtıñ sayın dalasınan älemniñ är tükpirine tarağan türki tektes taypalar men halıqtar basqa elder men öñirlerdiñ tarihi üderisterine eleuli üles qostı» degen sözderine toqtaldı.

– Halıqaralıq arenada türki halıqtarınıñ tatulığı men birligi ideyasın nığaytu isinde Türki tildes memleketter ıntımaqtastığınıñ keñesi mañızdı orın aladı, – dedi Memlekettik hatşı.

Bwl wyımnıñ qoldauımen jastar jäne sport salasında is-şaralar belsendi türde ötkizilip keledi. Baku qalasında 2018 jılğı säuirde twñğış ret türki tildes elderdiñ studenttik oyındarı, qırküyekte Şolpan-Ata qalasında Köşpendilerdiñ İİİ düniejüzilik oyındarı ötkizildi. Köşpendilerdiñ IV düniejüzilik oyındarın 2020 jılı Türkiyada ötkizu josparlanuda.

– Jastar jılı dep jariyalanğan aldağı jıl Qazaqstan üşin mazmwndı bolmaq. Bwl jastarğa, olardıñ mwñ-mwqtajına, Qazaqstannıñ bolaşağına erekşe köñil böludiñ körinisi bolıp sanaladı, – dedi G.Äbdiqalıqova.

Kezdesu soñında Memlekettik hatşı Gülşara Äbdiqalıqova Türki tildes memleketter ıntımaqtastığınıñ keñesi ayasındağı özara is-qimıldı odan äri nığaytu isinde qatısuşılarğa tabıs tiledi.

Abai.kz

11 pikir