دۇيسەنبى, 16 قىركۇيەك 2019
839 11 پىكىر 6 جەلتوقسان, 2018 ساعات 10:20

ابدىقالىقوۆا تۇركى تىلدەس مەملەكەتتەردىڭ جاستار جانە سپورت مينيسترلەرىمەن كەزدەستى

قازاقستان رەسپۋبليكاسىنىڭ مەملەكەتتىك حاتشىسى گۇلشارا ابدىقالىقوۆا تۇركى تىلدەس مەملەكەتتەردىڭ جاستار جانە سپورت مينيسترلەرىمەن كەزدەستى، دەپ حابارلايدى اقوردانىڭ رەسمي سايتى.

كەزدەسۋگە قازاقستان رەسپۋبليكاسىنىڭ قوعامدىق دامۋ ءمينيسترى د.كالەتاەۆ، تۇركيا رەسپۋبليكاسىنىڭ جاستار جانە سپورت ءمينيسترى م.كاساپوگلۋ، تۇركى تىلدەس مەملەكەتتەر ىنتىماقتاستىعى كەڭەسىنىڭ باس حاتشىسى ب.امىرەەۆ، ازەربايجان رەسپۋبليكاسىنىڭ جاستار جانە سپورت ۆيتسە-ءمينيسترى ي.يسمايلوۆ، قىرعىز رەسپۋبليكاسىنىڭ جاستار، دەنە شىنىقتىرۋ جانە سپورت ىستەرى اگەنتتىگىنىڭ ديرەكتورى ق.امانقۇلوۆ قاتىستى.

كەزدەسۋ بارىسىندا گۇلشارا ابدىقالىقوۆا مەملەكەت باسشىسى نۇرسۇلتان نازارباەۆتىڭ «ۇلى دالانىڭ جەتى قىرى» اتتى ماقالاسىنداعى «قازاقستان – كۇللى تۇركى حالىقتارىنىڭ قاسيەتتى «قارا شاڭىراعى». بۇگىنگى قازاقتىڭ سايىن دالاسىنان الەمنىڭ ءار تۇكپىرىنە تاراعان تۇركى تەكتەس تايپالار مەن حالىقتار باسقا ەلدەر مەن وڭىرلەردىڭ تاريحي ۇدەرىستەرىنە ەلەۋلى ۇلەس قوستى» دەگەن سوزدەرىنە توقتالدى.

– حالىقارالىق ارەنادا تۇركى حالىقتارىنىڭ تاتۋلىعى مەن بىرلىگى يدەياسىن نىعايتۋ ىسىندە تۇركى تىلدەس مەملەكەتتەر ىنتىماقتاستىعىنىڭ كەڭەسى ماڭىزدى ورىن الادى، – دەدى مەملەكەتتىك حاتشى.

بۇل ۇيىمنىڭ قولداۋىمەن جاستار جانە سپورت سالاسىندا ءىس-شارالار بەلسەندى تۇردە وتكىزىلىپ كەلەدى. باكۋ قالاسىندا 2018 جىلعى ساۋىردە تۇڭعىش رەت تۇركى تىلدەس ەلدەردىڭ ستۋدەنتتىك ويىندارى، قىركۇيەكتە شولپان-اتا قالاسىندا كوشپەندىلەردىڭ ءىىى دۇنيەجۇزىلىك ويىندارى وتكىزىلدى. كوشپەندىلەردىڭ IV دۇنيەجۇزىلىك ويىندارىن 2020 جىلى تۇركيادا وتكىزۋ جوسپارلانۋدا.

– جاستار جىلى دەپ جاريالانعان الداعى جىل قازاقستان ءۇشىن مازمۇندى بولماق. بۇل جاستارعا، ولاردىڭ مۇڭ-مۇقتاجىنا، قازاقستاننىڭ بولاشاعىنا ەرەكشە كوڭىل ءبولۋدىڭ كورىنىسى بولىپ سانالادى، – دەدى گ.ابدىقالىقوۆا.

كەزدەسۋ سوڭىندا مەملەكەتتىك حاتشى گۇلشارا ابدىقالىقوۆا تۇركى تىلدەس مەملەكەتتەر ىنتىماقتاستىعىنىڭ كەڭەسى اياسىنداعى ءوزارا ءىس-قيمىلدى ودان ءارى نىعايتۋ ىسىندە قاتىسۋشىلارعا تابىس تىلەدى.

Abai.kz

11 پىكىر