Jwma, 20 Qırküyek 2019
910 0 pikir 6 Jeltoqsan, 2018 sağat 10:30

Statimen aradağı daudı ağılşın sotı qaraydı

Londonnıñ Joğarı sotı Qazaqstan aktivterin bwğattağan AQŞ bankteriniñ äreketi qanşalıqtı zañdı ekenin qaraydı. Bwl turalı Qazaqstannıñ ädilet ministrligi habarladı.

Seysenbi küni sud'ya moldavan Anatol Statidiñ, onıñ wlı Gabriel'diñ daudı ağılşın sotınıñ qarauına negiz joq degen arızın keri qaytardı.

Qazaqstan mwnay-gaz sektorına investiciya salğan Statiler menşigin memleket reyderlikpen basıp aldı deydi. Olar tört milliard dollar şığındı öteudi talap etken. Statilerdiñ Ascom Group i Terra Raf Trans Trading kompaniyası bwnıñ aldında halıqaralıq arbitrajda Qazaqstanğa qarsı 500 million dollardıñ isin jeñgen. Ayıptaulardı joqqa şığarğan Astana sot şeşiminiñ küşin joyu üşin sotqa jügingen.

Qazaqstan ädilet ministrliginiñ särsenbi küni habarlauınşa, sud'ya Naydjel Tir Moldova käsipkerleriniñ şağımın qaytarğan soñ, dau ağılşın sotında qaraladı deuge boladı.

Qazaqstannıñ milliardtağan dollar aktivin ötken jıldıñ ayağında New York Mellon (BNYM) banki bwğattadı. Bwğan Stati arızı sebep boldı. BNYM äueli 22 milliard dollardı bwğattasa, keyin bwl qarajat 530 million dollarğa azayğan.

Abai.kz

0 pikir