جۇما, 20 قىركۇيەك 2019
909 0 پىكىر 6 جەلتوقسان, 2018 ساعات 10:30

ستاتيمەن اراداعى داۋدى اعىلشىن سوتى قارايدى

لوندوننىڭ جوعارى سوتى قازاقستان اكتيۆتەرىن بۇعاتتاعان اقش بانكتەرىنىڭ ارەكەتى قانشالىقتى زاڭدى ەكەنىن قارايدى. بۇل تۋرالى قازاقستاننىڭ ادىلەت مينيسترلىگى حابارلادى.

سەيسەنبى كۇنى سۋديا مولداۆان اناتول ءستاتيدىڭ، ونىڭ ۇلى گابريەلدىڭ داۋدى اعىلشىن سوتىنىڭ قاراۋىنا نەگىز جوق دەگەن ارىزىن كەرى قايتاردى.

قازاقستان مۇناي-گاز سەكتورىنا ينۆەستيتسيا سالعان ستاتيلەر مەنشىگىن مەملەكەت رەيدەرلىكپەن باسىپ الدى دەيدى. ولار ءتورت ميلليارد دوللار شىعىندى وتەۋدى تالاپ ەتكەن. ستاتيلەردىڭ Ascom Group ي Terra Raf Trans Trading كومپانياسى بۇنىڭ الدىندا حالىقارالىق اربيتراجدا قازاقستانعا قارسى 500 ميلليون دوللاردىڭ ءىسىن جەڭگەن. ايىپتاۋلاردى جوققا شىعارعان استانا سوت شەشىمىنىڭ كۇشىن جويۋ ءۇشىن سوتقا جۇگىنگەن.

قازاقستان ادىلەت مينيسترلىگىنىڭ سارسەنبى كۇنى حابارلاۋىنشا، سۋديا نايدجەل تير مولدوۆا كاسىپكەرلەرىنىڭ شاعىمىن قايتارعان سوڭ، داۋ اعىلشىن سوتىندا قارالادى دەۋگە بولادى.

قازاقستاننىڭ ميللياردتاعان دوللار اكتيۆىن وتكەن جىلدىڭ اياعىندا New York Mellon (BNYM) بانكى بۇعاتتادى. بۇعان ستاتي ارىزى سەبەپ بولدى. BNYM اۋەلى 22 ميلليارد دوللاردى بۇعاتتاسا، كەيىن بۇل قاراجات 530 ميلليون دوللارعا ازايعان.

Abai.kz

0 پىكىر