Jwma, 24 Qañtar 2020
Jañalıqtar 2381 0 pikir 30 Säuir, 2011 sağat 04:58

Elbasımızdıñ arqasında ıntımaq pen kelisim saqtalıp keledi - arhiepiskop Antoniy

ORAL. 30 säuir. QazAqparat /Eljan Eralı/ - Tayauda QR Prezidenti, Qazaqstan halqı Assambleyasınıñ Törağası Nwrswltan Nazarbaevtıñ törağalıq etuimen «Täuelsiz Qazaqstan: beybitşiliktiñ, kelisimniñ jäne jasampazdıqtıñ 20 jılı» degen taqırıpta Qazaqstan halqı Assambleyasınıñ HVİİ sessiyası ötkeni belgili. Osı şarağa qatısıp qaytqan Oral jäne Atırau arhiepiskopı Antoniy äkey öz oy-tolğamın bılayşa bildirdi.

- Elbasınıñ bayandamasın bwl jolı da erekşe ıqılaspen, tebirene tıñdadım, - dep bastadı sözin ol. - Şın mänisinde Elbasımızdıñ bastauımen jiırma jıl boyı elimizde ıntımaq pen kelisim saqtalıp keledi. Türli wlt pen din ökilderi tatu-tätti ömir sürip otırğan Qazaqstanday el, sol eldi kemeñgerlikpen basqarıp otırğan bizdiñ Prezidentimizdey memleket basşısı joq der edim. Elbasımız tasqın sudan zardap şekken batısqazaqstandıqtarğa bükilhalıqtıq qoldau körsetiletinin atap ayttı. Irısqa jetkizer ıntımağımız barda bwl qiındıqtı da jeñip şığarımız anıq. Öytkeni biz toyda da, qiın-qıstau şaqta da ärdayım birgemiz. Onıñ üstine aldağı mamır ayı Birlik wranımen ötetin boldı. Keremet emes pe, bir ay boyı ortaq meyramımızdı atap ötetin bolamız. Tek elimiz tınış, jwrtımız aman bolsın. Tüptep kelgende, biz Elbasımız bastağan bir komandamız.

ORAL. 30 säuir. QazAqparat /Eljan Eralı/ - Tayauda QR Prezidenti, Qazaqstan halqı Assambleyasınıñ Törağası Nwrswltan Nazarbaevtıñ törağalıq etuimen «Täuelsiz Qazaqstan: beybitşiliktiñ, kelisimniñ jäne jasampazdıqtıñ 20 jılı» degen taqırıpta Qazaqstan halqı Assambleyasınıñ HVİİ sessiyası ötkeni belgili. Osı şarağa qatısıp qaytqan Oral jäne Atırau arhiepiskopı Antoniy äkey öz oy-tolğamın bılayşa bildirdi.

- Elbasınıñ bayandamasın bwl jolı da erekşe ıqılaspen, tebirene tıñdadım, - dep bastadı sözin ol. - Şın mänisinde Elbasımızdıñ bastauımen jiırma jıl boyı elimizde ıntımaq pen kelisim saqtalıp keledi. Türli wlt pen din ökilderi tatu-tätti ömir sürip otırğan Qazaqstanday el, sol eldi kemeñgerlikpen basqarıp otırğan bizdiñ Prezidentimizdey memleket basşısı joq der edim. Elbasımız tasqın sudan zardap şekken batısqazaqstandıqtarğa bükilhalıqtıq qoldau körsetiletinin atap ayttı. Irısqa jetkizer ıntımağımız barda bwl qiındıqtı da jeñip şığarımız anıq. Öytkeni biz toyda da, qiın-qıstau şaqta da ärdayım birgemiz. Onıñ üstine aldağı mamır ayı Birlik wranımen ötetin boldı. Keremet emes pe, bir ay boyı ortaq meyramımızdı atap ötetin bolamız. Tek elimiz tınış, jwrtımız aman bolsın. Tüptep kelgende, biz Elbasımız bastağan bir komandamız.

- Siz ötken jılı 70 jasqa tolıp, köp jılğı eñbegiñiz eskerilip, «Parasat» ordenimen marapattaldıñız. Onıñ üstine Prezidentpen qwrdassız. Jalpı, Elbasımen neşe ret kezdestiñiz?

- Elbasımen birneşe märte kezdestim. Degenmen 1996 jıldıñ jazındağı alğaşqı kezdesu esimde jaqsı saqtalıptı. Eparhiya ğimaratın saluğa baylanıstı qwrılıs materialdarın kedennen ötkizude qiındıq tuındadı. Mäseleni şeşudiñ şwğıl jolı tabılmağasın, dereu Elbasına jedelhat jönelttim. Odan jedel jauap kelip, qabıldauına şaqırdı. Qabıldauında 20 minut bolğanımda, Nwrswltan Äbişwlı  mäseleniñ bärin tügel şeşip berdi. Sodan  keyin de kezdesken sayın osı ardaqtı azamattıñ swñğıla sayasatkerligi men tereñ bilimine, payımdı parasatına közim jetip, köñilimde  zor qwrmet pen iltipat sezimi qalıptastı. Ras, jüzdesu sätinde oğan qwrdas ekenimdi aytuğa batılım bara qoyğan joq.

Nwrswltan Nazarbaev - qatqıl da qarapayım, swñğıla da kemeñger qayratker. «Qatqıl» deuim, kerek jerinde qatañ talap ta qoya biledi. «Qarapayım» deuim, kez kelgen adamnıñ köñilindegisin döp basa biledi, oñay til taba aladı. Al swñğılalığı jöninen Elbasın bizdiñ qasietti kitaptardağı Süleymen payğambardıñ önegesimen teñestirer edim. Sondıqtan men dwğa etken sayın elimizde tatulıq pen kelisim sayasatın ornıqtırğan Elbasımız Nwrswltan Nazarbaevqa densaulıq pen wzaq ğwmır, düyim Qazaqstanğa qoy üstine boztorğay jwmırtqalağan zaman tileymin!

- Dinaralıq  qarım-qatınas adamzat ömiriniñ talay ğasırdan bergi näzik twsı bolıp keledi. Öñirdegi dinaralıq tatulıq pen kelisim jöninde ne aytar ediñiz?!

- Tağı da wlı Jaratuşımızğa mıñ da bir alğıs! Aq Jayıq öñirindegi dinaralıq qatınastar öte joğarı deñgeyde. Basqanı aytpağannıñ özinde, dos-joldastarımnıñ işinde özge wlt ökilderi, sonıñ işinde mwsılmandar köp. Tap sol siyaqtı talay pravoslavtıñ mwsılman tatu körşisi, äriptesi, tipti qwdaları qanşama?! Aytpaqşı, özim QMDB-nıñ bwrınğı müftiimen, qazirgi basşısı Äbsattar qajılarmen tığız iskerlik baylanısta boldım. Äli de irgemiz ajırağan joq. Nemese qanattas äriptesim, QMDB-nıñ oblıstağı ökil imamı Smayıl Seyitbekti alsaq. Jas bolğanımen, meylinşe tereñ bi­limdi, sıpayı da bayıptı azamatpen ünemi müddemiz ortaq. Birde mınaday oqiğa boldı. Biraz jıldar bwrın Oral qalasınıñ Pugaçev atındağı alañında orıstıñ wlı aqını A.Puşkinge eskertkiş aşıldı. Saltanattı şarağa meni de şaqırdı. Jan-jağıma qarasam, birde-bir mwsılman din iesi joq. Şaranı wyımdastıruşılarğa birden ayttım: - Puşkin - tek orıstıñ aqını  emes, bükil älemge ortaq twlğa. Sonıñ işinde qazaq bauırımızğa da. Wlı Abay da solay. Demek, osı jerde mwsılman din iesiniñ bolmauı ıñğaysız. Dereu islam dininiñ ökilin jetkiziñder! - Aytıldı, boldı. Soğan deyin de, keyin de köpke ortaq şarada mindetti türde imammen birge jüremin. Tağı bir mısal, osı eparhiya ğimaratınıñ salınuında hristiandar ğana emes, jergilikti mwsılmandardıñ da ülesi qomaqtı.

- Köpke mälim, bizde din memleketten, memleket dinnen bölingen. Olay bolsa, resmi bilikpen qalaysız?

- Bwrın da, qazir de araqatınasımız qalıptı. Qabibolla Jaqıpovtan bastap, bügingi Baqtıqoja İzmwhambetovke deyin oblıs basşılarına alğıs pen rizalıqtan basqa aytarım joq. Täuelsiz Qazaqstanda qay dinniñ ökili bolsın, is-äreketimizge kedergi jasamaytını bılay twrsın, kerisinşe qoldau jäne kömek körsetip otıradı. Oğan dälelimiz - bwrın elimizde altı arhiepiskop öziniñ ruhani qızmetin atqarsa, jaqında jañadan tağı bireui Qarağandı qalasında aşıldı. Bir ayta keterlik jäyt, bwrınğı basşımız, Mäskeu jäne bükil Reseydiñ patriarhı, marqwm Aleksiy Ekinşi de, bügingi basşımız Kirill de qaşanda meni jäne özge dinbasıların resmi bilikpen til tabısuğa, ıntımaqtasuğa bağıttap otıradı.

- Aleksiy Ekinşi 2000 jılı Reseyde, Mäskeu qalasında korrida körsetilimin wyımdastıruğa qarsı bolıp, Prezident Putinniñ qabıldauına swranıptı. Söytip, korridanı bolğızbay tastağan-dı. Bwrınğı jäne bügingi tikeley basşılarıñız turalı qısqaşa söz saptasañız...

- Marqwm Aleksiy Ekinşi - eşqaşan isi men sözi bir-birine qayşı kelmegen twlğa ğoy. Onıñ önegesi jöninde aytsaq, bir swhbattıñ auqımı azdıq eteri sözsiz. Bwl jannıñ esimi ärdayım jadımızda. Kirill bauırımız aldıñğı din iesimen salıstırğanda, bügingi zamanğa beyimdeu, onı jiti tüsinetin adam. Jiırma jıl boyı Orıs pravoslavie şirkeuiniñ sırtqı qatınastar bölimin basqarğan azamat ağılşın, nemis, francuz tilderin jetik meñgergen. Biz bir-birimizdi tolıq tüsinemiz, alda da qoyan-qoltıq jwmıs isteytin bolamız.

- Siz baqıttı adamsız ba?

- Qalayşa baqıttı bolmayın?! Mine, 26 jıl boyı bir Jaratuşımız ben dindarlarğa adal qızmet etip kelemin. Sonıñ işinde osında episkop bolğanıma biıl jiırma jıl tolmaq, yağni elimiz täuelsizdik alğannan beri osı qızmetimdi atqarıp kelemin. Adamdarğa qwrmetpen jäne keşirimmen qaraymın, olar da şın jüregimen özime iltipatın bildirip twradı. Jasım jetpiske kelse de, densaulığım jaqsı, köñil küyim joğarı. Osıdan artıq ne kerek mağan?! Tilegimizdi Jaratuşımız qabıl etsin! Barşa qazaqstandıqtarğa aytarım, aldağı meyramdar qwttı bolsın! Bärin de birge toylay bereyik!

 

 

0 pikir