Jwma, 19 Säuir 2019
1354 26 pikir 9 Qañtar, 2019 sağat 10:15

Qazaqstan men Armeniyanıñ Qauipsizdik keñesi hatşıları tildesken

Armeniya Qauipsizdik keñesiniñ hatşısı Armen Grigoryan qazaqstandıq äriptesi Ğabit Bayjanovpen telefon arqılı söylesken. Keñes hatşısınıñ baspasöz hatşısı Areg Koçinyannıñ habarlauınşa, taraptar Qarağandıdağı oqiğanı talqılağan.

Armen Grigoryan "qaza bolğan jigittiñ tuıstarına köñil aytqan".

Eki eldiñ de Qauipsizdik keñesiniñ hatşıları twrmıstıq oqiğağa wltaralıq arazdıq sipat beruge bolmaytının atap ötken.

Grigoryan men Bayjanov "qılmıstıq is jan-jaqtı äri aşıq tekserilip, kinälilerdiñ bärin tek zañ ayasında jauapqa tartu mañızdı" degen. Bwğan qosa, eki el özara twraqtı baylanıs ornatu qajet ekenin aytqan.

8 qañtarda Astanada Qazaqstan işki ister ministriniñ birinşi orınbasarı Janat Süleymenov segiz adam qamalğanın, şetke qaşıp ketken bir adam izdestirilip jatqanın ayttı.

Onıñ sözinşe, 14 adam töbelesken. Olardıñ toğızı - "Drevniy Rim" meyramhanasınıñ qızmetkeri. Pışaq jaraqatınan qaza tapqan 23 jastağı er adam meyramhanağa kikiljiñ şıqqan kezde seriginiñ şaqıruımen barğan.

Janat Süleymenovtiñ aytuınşa, kikiljiñ qañtardıñ 1-ine qarağan tüni sağat 4 şamasında meyramhana qızmetkerleri kilentterge "meyramhana jabılatının eskertip, taraudı swrağannan keyin" şıqqan. Kikiljiñ soñı töbeleske wlasqan. Töbeles bolğanın policiyağa sağat 4:40 şamasında meyramhana qızmetkerleriniñ biri habarlağan.

Bwğan deyin Armeniya prem'er-ministri mindetin atqaruşı Nikol Paşinyan da pikir bildirip, oqiğanıñ wltaralıq sipatı joq degen.

Jaña jıl tüni Qarağandıdağı meyramhanalardıñ birinde töbeles bolıp, bir adam qaza tauıp, tört adam jaralanğan. Barlığı segiz adam wstalğan. Tağı bir adam Narek Gururyanğa halıqaralıq izdeu jariyalanğan. 6 qañtarda Qarağandıda jüzdegen adam "qılmıskerdi" tabudı talap etken. Qarağandı oblısı äkimi Erlan Qoşanov izdeu jwmıstarı jürip jatqanın aytqan.

Abai.kz

26 pikir