Särsenbi, 16 Qañtar 2019
1055 9 pikir 11 Qañtar, 2019 sağat 11:19

Reseydiñ zımırannan qorğanıs sputnigi äuede janıp ketti

Reseydiñ "Oko" zımıran şabuılın eskertu jüyesine jatatın "Kosmos-2430" sputnigi atmosferada janıp ketti. Bwl turalı TASS Soltüstik Amerika äue-ğarış qorğanısı qolbasşılığına (NORAD) süyenip habarladı.

NORAD mälimeti boyınşa, sputnik orbitadan şığıp, atmosferada janıp ketken. Onıñ janbağan qaldıqtarı Tınıq mwhitınıñ oñtüstik böligine 5 qañtarda qwlağan boluı mümkin.

Jeksenbi, 6 qañtarda Radio New Zealand saytı Jaña Zelandiyanıñ Soltüstik araldarında aspannan jarqırağan nısan bayqalğanın habarladı. Ol Reseydiñ äskeri sputnigi boluı mümkin degen boljam jasaldı. Nısan suretterin äleumettik jeli qoldanuşıları jariyalağan.

"Kosmos-2430" 2007 jılı 23 qaraşada Pleseck ğarış aylağı arqılı "Molniya-M" zımıran tasığışınıñ kömegimen orbitağa şığarılğan. Ol 2012 jılğa deyin jwmıs istep twrğan, dep habarladı "Interfaks".

Qazir Resey zımıran şabuılınan qorğanudıñ jaña jüyesin jasaqtap jatır. Onı atqaratın "Tundra" sputnikteriniñ alğaşqısı 2015 jılı orbitağa şığarılğan.

Abai.kz

9 pikir