NORAD مالىمەتى بويىنشا، سپۋتنيك وربيتادان شىعىپ، اتموسفەرادا جانىپ كەتكەن. ونىڭ جانباعان قالدىقتارى تىنىق مۇحيتىنىڭ وڭتۇستىك بولىگىنە 5 قاڭتاردا قۇلاعان بولۋى مۇمكىن.
جەكسەنبى، 6 قاڭتاردا Radio New Zealand سايتى جاڭا زەلانديانىڭ سولتۇستىك ارالدارىندا اسپاننان جارقىراعان نىسان بايقالعانىن حابارلادى. ول رەسەيدىڭ اسكەري سپۋتنيگى بولۋى مۇمكىن دەگەن بولجام جاسالدى. نىسان سۋرەتتەرىن الەۋمەتتىك جەلى قولدانۋشىلارى جاريالاعان.
"كوسموس-2430" 2007 جىلى 23 قاراشادا پلەسەتسك عارىش ايلاعى ارقىلى "مولنيا-م" زىمىران تاسىعىشىنىڭ كومەگىمەن وربيتاعا شىعارىلعان. ول 2012 جىلعا دەيىن جۇمىس ىستەپ تۇرعان، دەپ حابارلادى "ينتەرفاكس".
قازىر رەسەي زىمىران شابۋىلىنان قورعانۋدىڭ جاڭا جۇيەسىن جاساقتاپ جاتىر. ونى اتقاراتىن "تۋندرا" سپۋتنيكتەرىنىڭ العاشقىسى 2015 جىلى وربيتاعا شىعارىلعان.
Abai.kz
