Jwma, 20 Qırküyek 2019
46 - söz 1333 6 pikir 21 Qañtar, 2019 sağat 12:50

Öz elinde qwjatsız jürgender sanaqqa iline me?

Biıl bükilhalıqtıq sanaq bastaladı. Bwrınğıdan özgerek . Twrğındar ğalamtor arqılı tirkeledi. .

Meni mazalaytın bir swraq bar.
Qanı qazaq ,qwjatı özge eldiki. Özbekstan ,Türikmenstan ,Qaraqalpaqstan, Moñğoliyadan elge oralıp, 18-20 jıl boyı azamattıq almağan, tölqwjatınıñ merzimi ötip ketken qandastarımızdıñ tüyitkili qalay şeşiledi?
Olar bala-şağasın qazaq tilinde oqıtıp, öz elinde baqıttı ömir süremiz degen ümitpen oralğan qanşa ağayın eki eldiñ ortasında sendelip jür. Olardıñ balaları da, nemereleri de qazaq. Qwjatın auıstıru maşaqatı şaş-etekten.
Olardıñ balaları 9 jıl bilim aladı. Äri qaray qwjatsız şäkirtti oqıtuğa mektep äkimşiliginiñ de qwqığı joq. . 

Bwl şegi joq , mäñgi-baqi şeşilmeytin problema siyaqtı. Qazaqtıñ probleması. Ata-jwrtına oralıp, jetimsiregen jandarğa qalay kömektesemiz? Ne isteu kerek?
Sanaq bastalğanşa olardıñ tüyitkili şeşilmese tağı da sanaqqa ilinbeytini anıq.
Şetelden oralğan, qwjatı joq qazaqtar qazirgi tañda äleumettik kömek, zeynetaqı alu, medicinalıq kömek, bilim alu ,twraqtı jwmısqa ornalasu ,mügedektigi boyınşa järdemaqı alu sekildi elimizdegi sanaluan äleumetttik järdem -kömekten qağılğan.
Tipti üylengenimen neke turalı kuäligin almaydı.

Bıltır 23 aqpanda Türikmenstannan kelgen otbasınıñ mäselesin şeşuge kiristim. Ökinişke qaray Sırtqı İster ministrligi , Düniejüziqazaqtarı qauımdastığına joldağan hattarğa jauap almadım. Türikmenstan konsul'dığı s'emka tüsiru üşin SİQ rwqsat alıñız dedi. 

Ökinişke qaray ministrlikpen baylanısqa şığu mümkin emes. Telefon twtqasın eşkim almaydı.
Amalım tausılğan soñ , Birikken Wlttar wyımınıñ ökiline habarlasıp, kömek swradım. Bastapqıda señ qozğalğanımen jergilikti köşi-qon policiyasına kelgende is siırqwyımşaqtanıp ketedi. Onıñ sebebin eşkim tüsindirmeydi.
Qazir Jambıl oblısınıñ Qorday audanındağı Aral audanında üş mümkindigi şekteuli jandı auıldıñ zeynetkerleri bağıp otır. Qariyalar ay sayın zeynetaqısınan 200-100 teñgeden aqşa jinap, üş mügedekke azıq-tülik satıp alıp, asırap otır. Auıl äkimdigi kömirmen qamtamasız etipti.

Olar Qaraqalpaqstannan qonıs audarğan. Ata-anası azamattıq alıp, zeynetaqısımen solardıñ qwjatın jasau üşin şapqılap-şapqılap, qaytıs bolıp ketken. Twrğındar üş müsäpirdi mügedekter üyine ornalastıruğa da wmtılğan. Biraq qwjatsız olar da qabıldamağan.
Eger tizbektey bersem, olardıñ maşaqatı köp.

Halıq sanağı qarsañında öz jwrtında jäuteñdep jürgen qaraközderdiñ mäselesi eleusiz qalmasa eken.

Jazira Begalınıñ facebook paraqşasınan

Abai.kz

6 pikir