بيىل بۇكىلحالىقتىق ساناق باستالادى. بۇرىنعىدان وزگەرەك . تۇرعىندار عالامتور ارقىلى تىركەلەدى. .

مەنى مازالايتىن ءبىر سۇراق بار.
قانى قازاق ،قۇجاتى وزگە ەلدىكى. وزبەكستان ،تۇرىكمەنستان ،قاراقالپاقستان، موڭعوليادان ەلگە ورالىپ، 18-20 جىل بويى ازاماتتىق الماعان، تولقۇجاتىنىڭ مەرزىمى ءوتىپ كەتكەن قانداستارىمىزدىڭ تۇيىتكىلى قالاي شەشىلەدى؟
ولار بالا-شاعاسىن قازاق تىلىندە وقىتىپ، ءوز ەلىندە باقىتتى ءومىر سۇرەمىز دەگەن ۇمىتپەن ورالعان قانشا اعايىن ەكى ەلدىڭ ورتاسىندا سەندەلىپ ءجۇر. ولاردىڭ بالالارى دا، نەمەرەلەرى دە قازاق. قۇجاتىن اۋىستىرۋ ماشاقاتى شاش-ەتەكتەن.
ولاردىڭ بالالارى 9 جىل ءبىلىم الادى. ءارى قاراي قۇجاتسىز شاكىرتتى وقىتۋعا مەكتەپ اكىمشىلىگىنىڭ دە قۇقىعى جوق. . 

بۇل شەگى جوق ، ماڭگى-باقي شەشىلمەيتىن پروبلەما سياقتى. قازاقتىڭ پروبلەماسى. اتا-جۇرتىنا ورالىپ، جەتىمسىرەگەن جاندارعا قالاي كومەكتەسەمىز؟ نە ىستەۋ كەرەك؟
ساناق باستالعانشا ولاردىڭ تۇيىتكىلى شەشىلمەسە تاعى دا ساناققا ىلىنبەيتىنى انىق.
شەتەلدەن ورالعان، قۇجاتى جوق قازاقتار قازىرگى تاڭدا الەۋمەتتىك كومەك، زەينەتاقى الۋ، مەديتسينالىق كومەك، ءبىلىم الۋ ،تۇراقتى جۇمىسقا ورنالاسۋ ،مۇگەدەكتىگى بويىنشا جاردەماقى الۋ سەكىلدى ەلىمىزدەگى سانالۋان الەۋمەتتتىك جاردەم -كومەكتەن قاعىلعان.
ءتىپتى ۇيلەنگەنىمەن نەكە تۋرالى كۋالىگىن المايدى.

بىلتىر 23 اقپاندا تۇرىكمەنستاننان كەلگەن وتباسىنىڭ ماسەلەسىن شەشۋگە كىرىستىم. وكىنىشكە قاراي سىرتقى ىستەر مينيسترلىگى ، دۇنيەجۇزىقازاقتارى قاۋىمداستىعىنا جولداعان حاتتارعا جاۋاپ المادىم. تۇرىكمەنستان كونسۋلدىعى سەمكا ءتۇسىرۋ ءۇشىن سىق رۇقسات الىڭىز دەدى.