Jeksenbi, 25 Tamız 2019
Sañlaq 2663 17 pikir 23 Qañtar, 2019 sağat 17:26

Qazaq futbolşısı atı-jönin qazaqşalauğa qarsı

Jaqında el sportındağı wlttıq ruhtıñ älsizdigi jaylı maqala jariyalağan edik. Onda el ümit artqan sportşılardıñ birde änwrandı bilmey, birde memlekettik tildi qwrmettemeytini söz bolıp, ökiniş bildirgen edik. Sözimizge dälel retinde belgili futbolşılar Wlan Qonısbaev pen Serikjan Mujikovtıñ öz atı-jönderin qazaqşalauğa qarsı bolğanın mısalğa alğanbız.

"Qazaqstandıq sportşı Putindi pir twtadı" degen maqalada Qazaqstan wlttıq qwramasınıñ bwrınğı oyınşısı Wlan Qonısbaevtiñ özin "Wlan Qonısbay" dep atauğa qarsı bolğanı jäne "Astana" oyınşısı Serikjan Mujikovtıñ "Barlıq BAQ ökilderi tegimdi "Mwjıqov" emes "Mujikov" dep jazsañızdar eken" dep swhbat bergeni jazılğan. Bwğan qosa, Wlan Qonısbaevtiñ Instagram stories-ında jariyalağan fotosuretiniñ skrinşotın da salğan edik.

Keyin bwl maqalanı birneşe sayt köşirip jariyaladı. Sol qatarda "Qazaq üni" saytı Prosports.kz-ge silteme berip, köşirip bastı. "Qazaq üni" bwl maqalanı jay jariyalap qana qoymay, bas redaktorı Qazıbek Isanıñ bastamasımen indete jazıp, futbolşılardıñ "ruhani jañğıra almay" jatqanına narazılıq bildirgen eken. Biz äriptesterimizdiñ osı bağıttağı tabandılığına rizaşılıq bildiremiz. Äri özimiz alğaş bolıp kötergen mäsele jaylı "Qazaq üninde" jariyalanğan maqalanı nazarlarıñızğa wsınıp otırmız.

Tayauda  «Qazaq üni» saytında «YA ne Konısbay»: Qazaq futbolşısı Wlan Qonısbaev tegin qazaqşalauğa qarsı şıqtı - degen maqala şıqtı . Jolda bolıp, onıñ üstine twmauratıp, jwmıs istey almağasın kezinde jauap qata almadım.  Al bwl «OV-OVA»,  «OVIÇ-OVNA» degen otarlıq qwldıq jalğaudan qwtıludı şirek ğasırdan beri nasihattap jürgen men üşin ünsiz qalatın mäsele bolmay twr. Sondıqtan qısqaşa bolsa da, öz oyımdı ayta keteyin. Alda tağı da ülken arnayı maqala jarıq köretin boladı.

RUHANI JAÑĞIRA ALĞAN RUHI KÜŞTİ QAZAQ BOLSA,  QONISBAY DEGEN ATQA QUANU KEREK EDİ BWL NEME!. ATASINIÑ ATIN JAZA ALMAY ÖZGERTİP JİBERGEN BWL SAUATSIZĞA  NE DERSİÑ?  ÄLDE, AYAĞI QATTI İSTEGENDERDİÑ BASI İSTEMEY KETETİN ÄDETİ BAR MA EKEN?  ÖTKENDE  FUTBOLŞI SerIkjan  MUjIK-OV ta  ATI-JÖNİN QAZAQ TİLİNİÑ ZAÑDILIĞINA LAYIQTAP  «MWJIQOV» dep jazğandarğa QARSI BOLĞAN EDİ. EGER onıñ «OV»-ın ALIP TASTASA, ÖLİP KETETİN TÜRİ BAR EKEN!..

BİZ,  «QAZAQ ÜNİ» GAZET/SAYTI  QAJET KEZDE RESMI  MÄLİMETTERDEN  ÖZGE JERDE KİMDİ DE BOLSA, «OV-OVA» degen OTARLIQ QWLDIQ JALĞAUSIZ JAZIP KELEMİZ. AL WLAN QONISBAYDI ENDİ EŞUAQITTA  OLAY JAZUDIÑ QAJETİ JOQ DEP OYLAYMIN! JAZSAQ, TEK ÖZGELERGE «ATASINIÑ AZAN ŞAQIRIP QOYĞAN ATIN JAZA ALMAYTIN SAUATSIZDAR OSINDAY BOLADI» DEP ÄŞKERELEU ÜŞİN JAZAMIZ!

Elbasımızdıñ Ruhani jañğıru bağdarlaması ayasındağı Qazaq üşin eñ qasietti  Täuelizdik merekesine oray saltanattı şarağa şaqırğan  şaqıru hatındağı  «Wlan Qonısbay» degen qazaq tiliniñ zañdılığına say atasınıñ atın mazaqtap,  şaqıru hattağı beynelengen elimizdiñ resmi belgilerin kelekelep, sayqımazaq smaylik qoyıp twrıp «YA NE KONISBAY» dep, instagramğa jariyalap jürgen seniñ, şınında da, «QONISBAY» BOLUĞA HAQIÑ JOQ! QAZAQTIÑ QASIETTİ  ATA TEGİNEN SADAĞA KET!

Qazaqşa ata tekten qaşıp otırğan Ulan KonısbaEVtıñ  qazaqşa biletinine de – Ana tiline adaldığına da kümänim bar!..

Al wlttıq ar-namısı joğarı  Aqtöbe oblısınıñ  twrğındarı  «Aqtöbe» futbol klubınıñ  jartılay qorğauşısı  Ulan KonısbaEVtıñ bwl wlttıq müdege qarsı süyekke tañba salar  tirligine öz bağaların bere jatar…

Men  Ulan KonısbaEVtıñ, ol  ata tegin özi osılay sauatsız süysine jazatının jaqsı bilemin – azan şaqırıp qoyğan öz atın da, atasınıñ atın da qazaq wltına jäne qazaq tili zañdılığına say «WLAN QONISBAY» dep qazaqşalap, sauattı jazıp bergen RUHANI JAÑĞIRU  şarasına şaqıruşılarğa  mıñ alğıs aytamın. Kim jazsa da, bizdiñ redakciyağa habarlassa, dwrıs bolar edi?!

Äygili qazaq tarlandarı Rahmanqwl Berdibay, Şerhan Mwrtazalar  bastağan wlt ziyalılarınıñ Elbasığa Aşıq hat jazuınıñ arqasında  1996 jılğı 2 säuirde Qazaqstan Prezidenti Nwrswltan Nazarbaevtııñ  «Wltı qazaq azamat­tardıñ tegi men äkesiniñ atın jazuğa baylanıstı mäselelerdi şeşu tärtibi turalı» Jarlığı şıqtı. Bwl Jarlıqta «Wltı qazaq aza­mattar özderiniñ tegi men äkesiniñ atınıñ jazıluın qazaq tiline tän emes affiksti alıp tastay otırıp, özgertuge haqılı, alayda tegi men äkesiniñ atınıñ tübirlik negizi saqtaluı tiis»-dep naqtı atap körsetildi.  Elbasınıñ osı tarihi Jarlığı şıqqanına qazir şirek ğasırday uaqıt  boldı.. Äli künge  OTARLIQ  «OV-OVA»-dan ARILMAY KELE JATQANDAR AZ EMES! OLARĞA BİRİNŞİ KEDERGİ KELTİRETİN KESEPATTAR CON-darda  OTIR. Wlttıq müddege qarsılar ata tegin qazaqşalağısı kelgenderge: «BOLMAYDI! ONDA TUUI TURALI KUÄLİK, DIPLOM, NEKE KUÄLİGİ,  KÖLİK JÜRGİZU KUÄLİGİ t.b. QWJATTARDI AUISTIRASIZ. TİPTİ ZEYNETAQI ALA ALMAY QALASIZDAR» dep, ädeyi jalğan aytatının  biz talay  äşkerelep  jazdıq. Onıñ bäri ötirik. Prezident Jarlığı boyınşa onday kedergi talaptarğa  jol joq.  Jarlıqtıñ 5-tarmağında  «Respublika Ükimeti öziniñ qwqıqtıq normativtik aktilerin jäne respublikanıñ ortalıq atqaruşı organdarınıñ aktilerin osı Jarlıqqa säykes keltirudi qamtamasız etsin» dep jazılğan. Tölqjatında  «ov»-tan qwtılğandar tolıp jür sol bwrınğı qwjattarımen. Auıstıratın zañdı merzimi kelgende  ğana auıstırıp jatır.

Al atın qazaqşalaudan özi qwlşına qaşıp otırğan futbolşı Ulan KonısbaEV men bilsem, osı 1996 jılğı ata tegiñdi qazaqşalauğa  zañdı  qwqıq bergen Prezidenttiñ tarihi Jarlığımen  jastı nemese Täuelsizdik alğan jılmen qaraylas bolar… Sonda Täuelsiz Qazaqstanda biz 28 jıl boyı KİMDERDİ TÄRBIELEP ÖSİRİP KELEMİZ?  Wlttıq ataudan qaşqandar Wlt tağdırı sınğa tüskende elinen de qaşıp jürui äbden mümkin emes pe?  Wlttıq  ata tekti qorlağan jartılay qorğauşı Wlttıq müddeni qorğay ala ma?

Öytkeni, barlıq mäsele basınan bastalatını sekildi, wlttıq müdde adamnıñ  atı-tegin  qazaqşalaudan bastaladı!

Qazıbek ISA,
Tüpnwsqa: qazaquni.kz

Abai.kz

17 pikir