Jeksenbi, 25 Tamız 2019
Sañlaq 1316 2 pikir 25 Qañtar, 2019 sağat 10:40

Qazaqstan qwraması Horvatiyamen joldastıq kezdesu ötkizedi

Futzaldan Qazaqstan wlttıq qwraması Horvatiyamen joldastıq matç ötkizedi.

29 qañtardan 3 aqpanğa deyin Qazaqstan qwraması Almatıda oqu-jattığu jiını ötkizedi. Osı jattığu jiını ayasında qwrama Horvatiyağa qarsı qos birdey joldastıq kezdesu ötkizedi. Bwnıñ biri 1 aqpan küni Baluan Şolaq atındağı sport sarayında, al ekinşi oyın 2 aqpan küni «Zenit» sport keşeninde («Bağanaşıl») ötedi.

Sonday-aq, 1 aqpan küngi alğaşqı kezdesu kezinde UEFA Çempiondar Ligası törttik finalınıñ jerebe tartu räsimi ötedi (kezdesu 19:30-da bastaladı).

Ayta keteyik, biıl säuir ayında «Almatı Arenada» futzaldan çempiondar ligası törttik finalı ötedi. Onda «Sporting» (Portugaliya), «Inter» (Ispaniya), «Barselona» (Ispaniya) jäne jergilikti «Qayrat» (Qazaqstan) törttigi baq sınaydı.

Futzal - ötken ğasırdıñ 30 jıldarı futboldıñ qaraşañırağınan otau bolıp bölinip şıqqan bolatın. Alğaş Urugvayda payda bolıp, keyin körşi Braziliya jerine köşken kişi teñbil dop önerinde küni büginge deyin Latın amerikalıqtar mıqtı sanalıp keledi.

Futzal oyını elimizde de asa qarqındı damıp keledi. Milliardtap qarjı qwysa da mimırt jürisin jaqsarta almağan futbolğa qarağanda futzal sportı qazaqqa äldeqayda jaqın. Qwramada dop teuip jürgen öz jigitterimiz jeterlik. Legionerler joq dey almaymız. Biraq futboldağıday sapasız emes. Braziliyadan kelgen legionerlerdiñ arqasında jerlik jastardıñ futzalğa beyimi tez artıp keledi. Bwğan dälel osı jolı wlttıq qwramağa şaqırtu alğan oyınşılardıñ tizimi:

Qaqpaşılar: Igita («Qayrat») men Salauat Bayraliev («Aqtöbe»);

Alañdağı oyınşılar: Dinmwhambet Süleymenov, Däuren Nwrğojin, Şıñğıs Esenamanov, Birjan Orazov, Däuren Twrsağwlov, Duglas, Serik Jamanqwlov, Taynan (bäri - «Qayrat»), Al'bert Aqbalıqov, Nwrbek Qarağwlov, Qayrat Imanalin (bäri - «Aqtöbe»), Azat Valiullin («Ayat»), Nwrswltan Piyalı («Jetisu»);

Bapkerlik ştab: bas bapker – Paulu Rikardo Figeyra Silva, bas bapkerdiñ kömekşisi – Sergey Koridze, fizikalıq dayındıq bapkeri – De Souza Karril'o Luiz Kruz, däriger – Hosil'bek Tağaev, massajşı – Aybek Esalinov, äkimşi – Jandos Keñesov.

Futzaldan Qazaqstan wlttıq qwramasınıñ jetistikteri: 2016 jılı Serbiyada ötken Europa çempionatınıñ qola jüldegeri. Bizdiñ futzalşılar qart qwrlıq birinşiligine alğaş ret qatısqanına qaramastan üzdik üştikke endi.

Arağa eki jıl salıp Sloveniyanıñ Lyublyana qalasında ötken kezekti Europa çempionatında Qazaqstan qwraması tağı da jaqsı nätijege körsetti. Eki Europa birinşiliginen bölek, älem çempionatında da Kakau şäkirtteri janküyerlerdi şın quantqan.

Biıl jazda Almatı qalasında ötken studentter arasında futzaldan älem çempionatında jas futzalşılarımız kümis jüldeger atandı.

Ädilin aytqanda, «Qayrat» komandası qazaq futzalınıñ damuına ölşeusiz üles qosıp otır. Bügingi tañda almatılıq klub Europanıñ eñ üzdik komandalarınıñ biri sanaladı. Qwrlıqtıñ bastı turniri UEFA kubogın eki märte jeñip alğan.

Quanış Qappas

Abai.kz

2 pikir