Beysenbi, 24 Qazan 2019
Bärekeldi! 1183 12 pikir 8 Aqpan, 2019 sağat 09:27

Pol'şada Abay ortalığı aşıldı

Särsen Amanjolov atındağı Şığıs Qazaqstan memlekettik universiteti  Qazaqstan Respublikası Bilim jäne ğılım ministrligi, Şığıs Qazaqstan oblısı äkimdigi, «Nwr Otan» partiyasınıñ Şığıs Qazaqstan oblıstıq filialınıñ qoldauımen Sveçe qalası (Pol'şa) Lingvistikalıq-tehnologiyalıq universitetinde «Abay» mädeni-bilim beru jastar ortalığın aştı.

– Jastarğa arnalğan ortalıqtıñ aşıluı Qazaqstan Respublikası Prezidenti N.Ä. Nazarbaevtıñ bastamasımen jariyalanğan Jastar jılına twspa-tws kelgeni ayrıqşa oqiğa, - dep, S. Amanjolov atındağı ŞQMU rektorı, professor Mwhtar Tölegen öziniñ  qwttıqtau sözin bastadı.

– Atap aytarım, wlı Abaydıñ esimi ortalıqtıñ atauına berilgenniñ özi mañızdı. Abay – qazaqstandıq mädeniettiñ qwndı simvoldarınıñ biri. Al şığıs qazaqstandıqtar üşin aqın tuğan jeri bir, kemeñger ğalım bolıp tabıladı. Oğan qosa, bizdiñ universitette Abaytanudıñ bay dästüri men Qazaqstanğa tanımal ğalım Ayjan Qartaevanıñ ğılımi mektebi bar. Bizdiñ oqu ornında Abay aqınnıñ oylarına arnalğan abaytanu boyınşa konferenciyalar wyımdastırıladı, monografiyalar men ğılımi maqalalar jariyalandı, diplom men magistrlik jwmıstar jazıluda. Bwl degeniñiz, bizdiñ ğalımdar men bilimgerlerdiñ Abay men onıñ şığarmaşılığı, dünietanımı turalı aytatını köp deuge boladı.

Jaña ortalıq mädeniettermen, bilim beru bağdarlamaları men halıqaralıq ğılımi jobalarmen almasu üşin interaktivti alañğa aynaladı, akademiyalıq wtqırlıqtı damıtuğa jäne Qazaqstan men Pol'şanıñ joğarı oqu orındarınıñ arasında qos diplomdı bilim beruge ıqpal etetin boladı.

Ortalıqtıñ aşıluına baylanıstı eki jaq tarapınan köptegen jwmıstar atqarıldı. Pol'şa tarapı jeke ğimarat wsındı, al onı körkemdeu boyınşa qazaqstandıq taraptan Qazaqstan turalı polyak, ağılşın, qazaq jäne orıs tilderinde kitaptar, sonımen qatar mädeni artefaktiler berildi.

Şığıs qazaqstandıq delegaciya atınan Lingvistikalıq-tehnologiyalıq universitetine sıy retinde mädeni qwndılıqqa ie müsinşi Däuren Doşanov orındağan «Abay» müsini men suretşi Älibek Şoqanovtıñ «Abay» sureti berildi. Al Lingvistikalıq-tehnologiyalıq universitet rektorı El'jbette Şternal'ğa S. Amanjolov atındağı ŞQMU rektorı M. Tölegen Abay atındağı medal'dı tabıs etti.

Ortalıqtıñ aşıluı küni Öskemen qalasında Pol'şa memleketimen  onlayn rejimde «Mädenietter dialogındağı universitetterdiñ röli» attı döñgelek üstel ötti.

Eki eldiñ joğarı oqu orındarı ıntımaqtastığınıñ kelesi qadamı retinde S. Amanjolov atındağı ŞQMU-da «Kopernik» mädeni-bilim beru ortalığınıñ aşıluı bolıp tabıladı.

7 aqpan 2019 jıl. Pol'şa, Sveçe qalası

Abai.kz

 

 

12 pikir