جۇما, 29 ناۋرىز 2024
بارەكەلدى! 3598 12 پىكىر 8 اقپان, 2019 ساعات 09:27

پولشادا اباي ورتالىعى اشىلدى

سارسەن امانجولوۆ اتىنداعى شىعىس قازاقستان مەملەكەتتىك ۋنيۆەرسيتەتى  قازاقستان رەسپۋبليكاسى ءبىلىم جانە عىلىم مينيسترلىگى، شىعىس قازاقستان وبلىسى اكىمدىگى، «نۇر وتان» پارتياسىنىڭ شىعىس قازاقستان وبلىستىق فيليالىنىڭ قولداۋىمەن سۆەچە قالاسى (پولشا) لينگۆيستيكالىق-تەحنولوگيالىق ۋنيۆەرسيتەتىندە «اباي» مادەني-ءبىلىم بەرۋ جاستار ورتالىعىن اشتى.

– جاستارعا ارنالعان ورتالىقتىڭ اشىلۋى قازاقستان رەسپۋبليكاسى پرەزيدەنتى ن.ءا. نازارباەۆتىڭ باستاماسىمەن جاريالانعان جاستار جىلىنا تۇسپا-تۇس كەلگەنى ايرىقشا وقيعا، - دەپ، س. امانجولوۆ اتىنداعى شقمۋ رەكتورى، پروفەسسور مۇحتار تولەگەن ءوزىنىڭ  قۇتتىقتاۋ ءسوزىن باستادى.

– اتاپ ايتارىم، ۇلى ابايدىڭ ەسىمى ورتالىقتىڭ اتاۋىنا بەرىلگەننىڭ ءوزى ماڭىزدى. اباي – قازاقستاندىق مادەنيەتتىڭ قۇندى سيمۆولدارىنىڭ ءبىرى. ال شىعىس قازاقستاندىقتار ءۇشىن اقىن تۋعان جەرى ءبىر، كەمەڭگەر عالىم بولىپ تابىلادى. وعان قوسا، ءبىزدىڭ ۋنيۆەرسيتەتتە ابايتانۋدىڭ باي ءداستۇرى مەن قازاقستانعا تانىمال عالىم ايجان قارتاەۆانىڭ عىلىمي مەكتەبى بار. ءبىزدىڭ وقۋ ورنىندا اباي اقىننىڭ ويلارىنا ارنالعان ابايتانۋ بويىنشا كونفەرەنتسيالار ۇيىمداستىرىلادى، مونوگرافيالار مەن عىلىمي ماقالالار جاريالاندى، ديپلوم مەن ماگيسترلىك جۇمىستار جازىلۋدا. بۇل دەگەنىڭىز، ءبىزدىڭ عالىمدار مەن بىلىمگەرلەردىڭ اباي مەن ونىڭ شىعارماشىلىعى، دۇنيەتانىمى تۋرالى ايتاتىنى كوپ دەۋگە بولادى.

جاڭا ورتالىق مادەنيەتتەرمەن، ءبىلىم بەرۋ باعدارلامالارى مەن حالىقارالىق عىلىمي جوبالارمەن الماسۋ ءۇشىن ينتەراكتيۆتى الاڭعا اينالادى، اكادەميالىق ۇتقىرلىقتى دامىتۋعا جانە قازاقستان مەن پولشانىڭ جوعارى وقۋ ورىندارىنىڭ اراسىندا قوس ديپلومدى ءبىلىم بەرۋگە ىقپال ەتەتىن بولادى.

ورتالىقتىڭ اشىلۋىنا بايلانىستى ەكى جاق تاراپىنان كوپتەگەن جۇمىستار اتقارىلدى. پولشا تاراپى جەكە عيمارات ۇسىندى، ال ونى كوركەمدەۋ بويىنشا قازاقستاندىق تاراپتان قازاقستان تۋرالى پولياك، اعىلشىن، قازاق جانە ورىس تىلدەرىندە كىتاپتار، سونىمەن قاتار مادەني ارتەفاكتىلەر بەرىلدى.

شىعىس قازاقستاندىق دەلەگاتسيا اتىنان لينگۆيستيكالىق-تەحنولوگيالىق ۋنيۆەرسيتەتىنە سىي رەتىندە مادەني قۇندىلىققا يە ءمۇسىنشى داۋرەن دوشانوۆ ورىنداعان «اباي» ءمۇسىنى مەن سۋرەتشى الىبەك شوقانوۆتىڭ «اباي» سۋرەتى بەرىلدى. ال لينگۆيستيكالىق-تەحنولوگيالىق ۋنيۆەرسيتەت رەكتورى ەلجبەتتە شتەرنالعا س. امانجولوۆ اتىنداعى شقمۋ رەكتورى م. تولەگەن اباي اتىنداعى مەدالدى تابىس ەتتى.

ورتالىقتىڭ اشىلۋى كۇنى وسكەمەن قالاسىندا پولشا مەملەكەتىمەن  ونلاين رەجيمدە «مادەنيەتتەر ديالوگىنداعى ۋنيۆەرسيتەتتەردىڭ ءرولى» اتتى دوڭگەلەك ۇستەل ءوتتى.

ەكى ەلدىڭ جوعارى وقۋ ورىندارى ىنتىماقتاستىعىنىڭ كەلەسى قادامى رەتىندە س. امانجولوۆ اتىنداعى شقمۋ-دا «كوپەرنيك» مادەني-ءبىلىم بەرۋ ورتالىعىنىڭ اشىلۋى بولىپ تابىلادى.

7 اقپان 2019 جىل. پولشا، سۆەچە قالاسى

Abai.kz

 

 

12 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1575
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2272
عيبىرات

قايسار رۋحتى عازيز جان

مۇحتار قۇل-مۇحاممەد 3584