Jeksenbi, 17 Aqpan 2019
883 9 pikir 11 Aqpan, 2019 sağat 13:29

Türkiya Qıtaydan lager'lerdi jabudı talap etti

Resmi Ankara Qıtaydan Şıñjañdağı "sayasi tärbieleu ortalıqtarın" jabudı talap etti. Türkiya sırtqı ister ministrliginiñ 9 aqpanda jariyalağan mälimdemesinde Şıñjañdağı lager'lerde qamalğandar "azaptau körip jatır" degen.

Türkiya sırtqı ister ministrliginiñ ökili Hami Aksoy "millionnan astam wyğır azaptau ortalıqtarında qamalğanı qazir qwpiya emes. Qamauğa alınbağandar qısımğa wşırap jatır. Qıtay biliginiñ 21 ğasırda lager' aşuı jäne wyğırlardı qudalauı - adamzatqa jasalğan qarsı äreket" degen.

Türkiya Şıñjañdağı jağdayğa BWW jedel aralasuı kerek dep sanaydı.

Şıñjañ aymağındağı lager'ler jaylı alğaş ret 2017 jıldıñ kökteminde aytala bastağan. BWW Şıñjañdağı "sayasi tärbieleu ortalıqtarında" millionğa juıq adam "erkinen tıs" qamauda otırğanın mälimdegen.

Qıtay ükimeti basında bwl ortalıqtardıñ barın joqqa şığarıp keldi. Keyin Pekin qısımdı "ekstremizmge qarsı şara" dep mälimdedi jäne "qamalğandar til üyrenip, käsip meñgerip şığatının" ayttı.

Qazaqstandağı qazaqtar da Almatıda birneşe ret jiın ötkizip, Qıtaydağı jaqındarınıñ jappay qamalıp jatqanın aytqan. Olar Qazaqstan biliginen, halıqaralıq wyımdardan kömek swrağan.

Bıltır jeltoqsannıñ soñında Pekin birneşe eldiñ elşilerin Şıñjañğa aparıp, “sayasi tärbieleu ortalıqtarın” körsetken. Lager'ge barğandardıñ arasında Qazaqstan elşiliginiñ qızmetkeri de bar. Ol Şıñjañdağı sayasi tärbieleu ortalığında "jağdaydıñ jaqsı" ekenin aytqan.

Abai.kz

9 pikir