Jwma, 20 Qırküyek 2019
Jazılğan jaydıñ jalğası... 1234 6 pikir 12 Aqpan, 2019 sağat 10:15

«T.Qatauovqa qarsı tergeu äreketi zañdı jürgizildi»

Keşe Abai.kz aqparattıq portalında belgili qoğamdıq belsendi Talğat Qatauovtıñ "Meni Oraldıñ policeyleri tonadı" attı maqalası jariyalanğan edi. Bügin bizdiñ portalğa Batıs Qazaqstan oblısı policiya departamentiniñ baspasöz qızmeti habarlasıp, maqala avtorınıñ aytqandarın joqqa şığardı. 


Batıs Qazaqstan oblısınıñ twrğını
T.Katauovtıñ «abai.kz» saytında jariyalanğan
maqalasın teriske şığaru boyınşa aqparat

2019 jılğı 11 aqpanda «abai.kz» saytında Batıs Qazaqstan oblısınıñ twrğını T.Katauovtıñ policiya qızmetkerleriniñ qwqıqqa qayşı äreketteri turalı «Meni Oraldıñ policeyleri tonadı» degen ataumen maqalası jariyalanğan. Osı maqalada atap körsetilgen fakti boyınşa tömendegidey aqparattı habarlaymız:

Oral qalasınıñ twrğını Talgat Katauov 2019 jılğı 06 qañtarda ğalamtordıñ   äleumettik jelisi arqılı aşıq türdegi   jeke paraqşasında  «Qarağandıdağı qazağımnıñ bas köterui halıqtıñ ümit otın jaqtı» dep aşıq hat qaldırğan. Osı jazılğan aqparattı  äleumettik jeliniñ kez kelgen qoldanuşısınıñ erkin türde oquğa mümkindigi bar.

Atalğan fakti boyınşa 2019 jılğı 11 qañtarda Oral qalasınıñ Policiya basqarmasında  Qazaqstan Respublikası Qılmıstıq kodeksiniñ 174-babı 1-böligimen (Äleumettik, wlttıq, rulıq, näsildik, tektik-toptıq nemese dini alauızdıqtı qozdıru)  sotqa deyingi tergep-tekseru amaldarı bastaldı.

Joğarıda atalğan qılmıstıq is boyınşa Qılmıstıq-procestik kodekstiñ 78-babı 6-böliginiñ negizinde Talgat Katauovtan qorğanuğa qwqığı bar kuä retinde jauap alu üşin Oral qalası  Policiya basqarmasınıñ   tergeuşisi Ardaq Gabdullina onı işki ister organdarına jetkizu turalı jeke tapsırma şığardı.

Osı tapsırmanıñ negizinde anıqtau organınıñ qızmetkeri Talgat Katauovtı  2019 jılğı 9 aqpanda Oral qalasındağı temirjol vokzalında toqtatıp, oğan  qwqıqtarı men mindetterin tüsindirip, qılmıstıq is boyınşa qorğanuğa qwqığı bar  kuä retinde tergeu is-äreketine qatısu üşin tergeuşige jetkizgen.

Sol sätte T.Katauov  özine tiesili 2 wyalı telefonın özimen birge bir vagonda kelgen tuısqanı R.Abdenovke bergenin policiya qızmetkerleri bayqap qalğan. Sol sebepti de tuısqanı R.Abdenov Oral qalalıq policiya basqarmasına jetkizilgen.

Tergeuşi A.Gabdullina R.Abdenovten jauap alu kezinde ol 2 wyalı telefon T.Katauovqa tiesili ekenin, poyızdan tüskennen keyin bergenin, «keyin alamın» degenin mälimdegen.

Tergeuşi Qazaqstan Respublikası Qılmıstıq-procestik kodeksiniñ  talaptarına säykes T.Katauovtıñ wyalı telefondarın onıñ tuısqanı R.Abdenovten alu jürgizgen, bwl turalı hattama toltırğan, tuısqanı R.Abdenov  aqşa nemese özge de qwndı zattar bolmağanın rastap, hattamağa qol qoyğan, tergeuşi qaulı şığarğan. Sondıqtan T.Katauovtıñ tergeuşini  qaralauın negizsiz dep sanaymız. Bwl rette tergeuşiniñ äreketi zañdı türde jürgizilgen. Osı tergeu äreketterin jürgizu barısı  foto-audio-beyne jazbağa tüsirildi. Wyalı telefondardı alu procesin jürgizu tergeuşiniñ qızmettik kabinetinde R.Abdenovtiñ qatısuımen iske asırıldı.  Qızmettik kabinet  beyne baqılau jüyesimen jabdıqtalğan. Atalğan tergeu is-äreketteri  beyne jazbağa saqtalğan.

Bwl rette T.Katauov policiya qızmetkerine eş dälelsiz jala jauıp, jalpı Qazaqstan policiyasınıñ imidjine kir keltirip, qoğam tarapınan             qwqıq qorğau organdarınıñ atına negizsiz sın aytıluına ıqpal etti.

Joğarıda körsetilgenniñ negizinde Sizden T.Katauovtıñ «Meni Oraldıñ policeyleri tonadı» degen ataumen jariyalanğan maqalasındağı aqparattardıñ negizsiz boluına baylanıstı bwl maqalanı joqqa şığarıp, tergeuşi A.Gabdullinanıñ jürgizgen tergeu äreketiniñ zañdı ekenin qayta jariyalauıñızdı swraymız.

BQO PD baspasöz qızmeti

Abai.kz

6 pikir