جۇما, 29 ناۋرىز 2024
جازىلعان جايدىڭ جالعاسى... 4360 6 پىكىر 12 اقپان, 2019 ساعات 10:15

«ت.قاتاۋوۆقا قارسى تەرگەۋ ارەكەتى زاڭدى جۇرگىزىلدى»

كەشە Abai.kz اقپاراتتىق پورتالىندا بەلگىلى قوعامدىق بەلسەندى تالعات قاتاۋوۆتىڭ "مەنى ورالدىڭ پوليتسەيلەرى تونادى" اتتى ماقالاسى جاريالانعان ەدى. بۇگىن ءبىزدىڭ پورتالعا باتىس قازاقستان وبلىسى پوليتسيا دەپارتامەنتىنىڭ ءباسپاسوز قىزمەتى حابارلاسىپ، ماقالا اۆتورىنىڭ ايتقاندارىن جوققا شىعاردى. 


باتىس قازاقستان وبلىسىنىڭ تۇرعىنى
ت.كاتاۋوۆتىڭ «abai.kz» سايتىندا جاريالانعان
ماقالاسىن تەرىسكە شىعارۋ بويىنشا اقپارات

2019 جىلعى 11 اقپاندا «abai.kz» سايتىندا باتىس قازاقستان وبلىسىنىڭ تۇرعىنى ت.كاتاۋوۆتىڭ پوليتسيا قىزمەتكەرلەرىنىڭ قۇقىققا قايشى ارەكەتتەرى تۋرالى «مەنى ورالدىڭ پوليتسەيلەرى تونادى» دەگەن اتاۋمەن ماقالاسى جاريالانعان. وسى ماقالادا اتاپ كورسەتىلگەن فاكتى بويىنشا تومەندەگىدەي اقپاراتتى حابارلايمىز:

ورال قالاسىنىڭ تۇرعىنى تالگات كاتاۋوۆ 2019 جىلعى 06 قاڭتاردا عالامتوردىڭ   الەۋمەتتىك جەلىسى ارقىلى اشىق تۇردەگى   جەكە پاراقشاسىندا  «قاراعاندىداعى قازاعىمنىڭ باس كوتەرۋى حالىقتىڭ ءۇمىت وتىن جاقتى» دەپ اشىق حات قالدىرعان. وسى جازىلعان اقپاراتتى  الەۋمەتتىك جەلىنىڭ كەز كەلگەن قولدانۋشىسىنىڭ ەركىن تۇردە وقۋعا مۇمكىندىگى بار.

اتالعان فاكتى بويىنشا 2019 جىلعى 11 قاڭتاردا ورال قالاسىنىڭ پوليتسيا باسقارماسىندا  قازاقستان رەسپۋبليكاسى قىلمىستىق كودەكسىنىڭ 174-بابى 1-بولىگىمەن (الەۋمەتتىك، ۇلتتىق، رۋلىق، ناسىلدىك، تەكتىك-توپتىق نەمەسە ءدىني الاۋىزدىقتى قوزدىرۋ)  سوتقا دەيىنگى تەرگەپ-تەكسەرۋ امالدارى باستالدى.

جوعارىدا اتالعان قىلمىستىق ءىس بويىنشا قىلمىستىق-پروتسەستىك كودەكستىڭ 78-بابى 6-بولىگىنىڭ نەگىزىندە تالگات كاتاۋوۆتان قورعانۋعا قۇقىعى بار كۋا رەتىندە جاۋاپ الۋ ءۇشىن ورال قالاسى  پوليتسيا باسقارماسىنىڭ   تەرگەۋشىسى ارداق گابدۋللينا ونى ىشكى ىستەر ورگاندارىنا جەتكىزۋ تۋرالى جەكە تاپسىرما شىعاردى.

وسى تاپسىرمانىڭ نەگىزىندە انىقتاۋ ورگانىنىڭ قىزمەتكەرى تالگات كاتاۋوۆتى  2019 جىلعى 9 اقپاندا ورال قالاسىنداعى تەمىرجول ۆوكزالىندا توقتاتىپ، وعان  قۇقىقتارى مەن مىندەتتەرىن ءتۇسىندىرىپ، قىلمىستىق ءىس بويىنشا قورعانۋعا قۇقىعى بار  كۋا رەتىندە تەرگەۋ ءىس-ارەكەتىنە قاتىسۋ ءۇشىن تەرگەۋشىگە جەتكىزگەن.

سول ساتتە ت.كاتاۋوۆ  وزىنە تيەسىلى 2 ۇيالى تەلەفونىن وزىمەن بىرگە ءبىر ۆاگوندا كەلگەن تۋىسقانى ر.ابدەنوۆكە بەرگەنىن پوليتسيا قىزمەتكەرلەرى بايقاپ قالعان. سول سەبەپتى دە تۋىسقانى ر.ابدەنوۆ ورال قالالىق پوليتسيا باسقارماسىنا جەتكىزىلگەن.

تەرگەۋشى ا.گابدۋللينا ر.ابدەنوۆتەن جاۋاپ الۋ كەزىندە ول 2 ۇيالى تەلەفون ت.كاتاۋوۆقا تيەسىلى ەكەنىن، پويىزدان تۇسكەننەن كەيىن بەرگەنىن، «كەيىن الامىن» دەگەنىن مالىمدەگەن.

تەرگەۋشى قازاقستان رەسپۋبليكاسى قىلمىستىق-پروتسەستىك كودەكسىنىڭ  تالاپتارىنا سايكەس ت.كاتاۋوۆتىڭ ۇيالى تەلەفوندارىن ونىڭ تۋىسقانى ر.ابدەنوۆتەن الۋ جۇرگىزگەن، بۇل تۋرالى حاتتاما تولتىرعان، تۋىسقانى ر.ابدەنوۆ  اقشا نەمەسە وزگە دە قۇندى زاتتار بولماعانىن راستاپ، حاتتاماعا قول قويعان، تەرگەۋشى قاۋلى شىعارعان. سوندىقتان ت.كاتاۋوۆتىڭ تەرگەۋشىنى  قارالاۋىن نەگىزسىز دەپ سانايمىز. بۇل رەتتە تەرگەۋشىنىڭ ارەكەتى زاڭدى تۇردە جۇرگىزىلگەن. وسى تەرگەۋ ارەكەتتەرىن جۇرگىزۋ بارىسى  فوتو-اۋديو-بەينە جازباعا ءتۇسىرىلدى. ۇيالى تەلەفونداردى الۋ پروتسەسىن جۇرگىزۋ تەرگەۋشىنىڭ قىزمەتتىك كابينەتىندە ر.ابدەنوۆتىڭ قاتىسۋىمەن ىسكە اسىرىلدى.  قىزمەتتىك كابينەت  بەينە باقىلاۋ جۇيەسىمەن جابدىقتالعان. اتالعان تەرگەۋ ءىس-ارەكەتتەرى  بەينە جازباعا ساقتالعان.

بۇل رەتتە ت.كاتاۋوۆ پوليتسيا قىزمەتكەرىنە ەش دالەلسىز جالا جاۋىپ، جالپى قازاقستان پوليتسياسىنىڭ يميدجىنە كىر كەلتىرىپ، قوعام تاراپىنان             قۇقىق قورعاۋ ورگاندارىنىڭ اتىنا نەگىزسىز سىن ايتىلۋىنا ىقپال ەتتى.

جوعارىدا كورسەتىلگەننىڭ نەگىزىندە سىزدەن ت.كاتاۋوۆتىڭ «مەنى ورالدىڭ پوليتسەيلەرى تونادى» دەگەن اتاۋمەن جاريالانعان ماقالاسىنداعى اقپاراتتاردىڭ نەگىزسىز بولۋىنا بايلانىستى بۇل ماقالانى جوققا شىعارىپ، تەرگەۋشى ا.گابدۋللينانىڭ جۇرگىزگەن تەرگەۋ ارەكەتىنىڭ زاڭدى ەكەنىن قايتا جاريالاۋىڭىزدى سۇرايمىز.

بقو پد ءباسپاسوز قىزمەتى

Abai.kz

6 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1569
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2265
عيبىرات

قايسار رۋحتى عازيز جان

مۇحتار قۇل-مۇحاممەد 3563