Senbi, 7 Jeltoqsan 2019
Abay.tv 4144 30 pikir 21 Aqpan, 2019 sağat 19:30

Prezident: Ükimet otstavkağa ketui tiis (Beynejazba)

Bügin Prezident Nwrswltan Nazarbaev Ükimet otstavkağa ketui tiis degen pikir ayttı. Prezidenttiñ mälimdemesin Aqordanıñ resmi saytı habarladı.

Men bügin elimiz üşin mañızdı şeşim qabıldağalı otırmın.

Ötken jıldardağı äleumettik-ekonomikalıq ahual twraqtı boldı.

Bwl – ärine, jaqsı kezeñ.

Biraq, bwl qazirgi uaqıt talabı üşin jetkiliksiz.

Men wsınğan Üşinşi jañğıru jäne «100 naqtı qadam – Wlt josparı» qwrılımdıq reformalardı jedel jüzege asıruğa bağıttaldı.

Bes institucionaldıq reformanıñ tolıq iske asırıluı şağın jäne orta biznestiñ ülesin tübegeyli arttıruğa jäne ekonomikadağı memlekettik sektordıñ ülesin azaytuğa, bankterdi «tazartuğa», sottarğa jäne qwqıq qorğau jüyesine degen senimdi arttıruğa  tiis.

Qabıldanğan zañdarğa, Ükimet şeşimderine qaramastan, ekonomikanıñ köptegen bağıttarı boyınşa oñ özgeristerge qol jetkizilmedi.

İşki jalpı önim negizinen şikizat resurstarı esebinen östi.

Biraq, Ükimet pen Wlttıq bank el ekonomikasın sapalı damıtuğa serpin beretin naqtı qwraldardı tolıqqandı jasap şığara almadı.

Memlekettik bağdarlamalardı jüzege asıru barısına jasalğan taldau qorıtındısı olardıñ orındalıp jatqanın körsetkenimen, köptegen mañızdı bağıttar boyınşa naqtı nätijelerdiñ joq ekenin añğarttı.

Önimdi jwmıs orındarı jetkilikti türde aşılmay otır. Bwl äsirese auıldıq jerlerge qatıstı. Şağın jäne orta biznes ösimniñ qozğauşı küşine jäne onı damıtu isi äkimder men ministrlerdiñ negizgi mindetine aynalmadı.

Men twrğındardıñ tabısı men twrmıs sapası ärbir Ükimet müşesi men ärbir äkimniñ jwmısındağı negizgi basımdıq bolu kerek dep birneşe ret ayttım.

Eki jıl bwrın biz konstituciyalıq reforma jürgizdik. Osığan oray Ükimet äkimdermen birge äleumettik-ekonomikalıq mäselelerdi şeşip, oğan jauap beru üşin barlıq tiisti ökilettik pen derbestikke ie boldı.

Industrialdı, äleumettik, infraqwrılımdıq damu, densaulıq saqtau jäne bilim beru salaların damıtuğa qatıstı barlıq qajetti memlekettik bağdarlamalar qabıldandı. Olardı jüzege asıru üşin qajetti qarjı bölindi.

Degenmen, jüyeli jwmıs jürgizilmedi. Twrğındardıñ naqtı tabısı öspedi. Otbasılardıñ byudjetinde azıq-tülikke degen şığın kölemi arta tüsti.

Atqaruşı organdardıñ salğırttığınan äleumettik twrğıdan az qamtılğan twrğındardıñ bir böligi ataulı äleumettik kömekpen qamtılmağan.

Onıñ üstine Ükimet müşeleri, ministrler, äkimder halıqpen jwmıs istey almadı, sonday-aq jwrtşılıqtıñ problemalarına qwlaq asıp, atqarılıp jatqan ister men sayasattı tüsindiru jwmıstarın jürgizuge şaması kelmedi.

Bwl rette, men el Prezidenti äri Konstituciyanıñ kepili retinde halıqtıñ müddesin eskere otırıp, mınaday şeşim qabıldadım.

Ükimet otstavkağa ketuge tiis dep sanaymın.

Ükimettiñ jaña basşılığı ömir süru deñgeyin arttıru, ekonomikanı ıntalandıru, strategiyalıq mindetterdi jüzege asıru jöninde naqtı şaralar äzirleuge tiis.

Men «Nwr Otan» partiyasınıñ jaqında ötetin s'ezinde äleumettik qoldaudı küşeytuge jäne azamattardıñ twrmıs sapasın arttıruğa arnalğan birqatar şaralar wsınamın. Bwğan byudjetten jäne Wlttıq qordan qomaqtı qarjı bölinetin boladı.

Bwl qarajat mınaday mindetterdi şeşuge bağıttaladı:

1. Az qamtılğan azamattarğa äleumettik qoldau körsetu isin küşeytu.

2. Halıqtıñ äleumettik twrğıdan älsiz toptarınıñ baspana jağdayın jaqsartu mümkindikterin arttıru.

3. Öñirlerdi damıtu sayasatın tübegeyli özgertu.

Ükimet pen barlıq deñgeydegi äkimderdiñ jwmısı osı mindetterdi jüzege asıruğa bağıttaluı tiis.

Ükimet pen öñirlerdiñ ieligindegi qarajat közdelgen maqsatqa say jwmsalmay otır. Mwnıñ bärine baqılau ornatıladı. Osı bağıttar jöninde «Nwr Otan» partiyasınıñ s'ezinde tolığıraq aytılatın boladı.

Abai.kz

30 pikir