Düysenbi, 23 Qırküyek 2019
1298 1 pikir 13 Naurız, 2019 sağat 15:28

Naurız merekesi Almatıda tört kün boyı toylanadı

Almatı qalası biıl Naurız merekesin joğarı deñgeyde atap ötudi josparlap otır. Wlıstıñ wlı küni sanalatın wlıq merekeni wlttıq deñgeyde toylau üşin jan-jaqtı dayındıqtar qızu jürip jatır. Tört künge sozılatın mereke künderi qala twrğındarı men qonaqtarı türli koncertterdi, järmeñkeler men festival'derdi körip, tamaşalay aladı

Naurız meyramına Almatığa älemniñ 6 elinen 170 qol öner şeberi keledi.
Köktemgi kün men tünniñ teñelu merekesi qolöner şeberleriniñ keluimen erekşelenedi. Şeberler körmeler men järmeñkelerge, şeberlik sabaqtarına keluşilerge öz önerlerin tanıstıratın boladı.

Jaña jıldıñ bas merekesiniñ kelui wlttıq dästürdegi halıq seruenderinen bastaladı, onda şetelden kelgen qolöner şeberleri de boladı: Türkiyadan kelgen qolönerşiler ädemi ıdıs-ayaq pen şını äşekey jasaudı üyretse, yakut zergerleri asıl tastar turalı bayandaydı, al qırğız şeberleri erlerge at äbzelderin jasaudı üyretetin boladı. Bwğan qosa, järmeñkege keluşilerdi qışqa jäne jibek matağa özbek naqışındağı oyu-örnek saludı, äygili türkmen kilemin toqudı üyretu boyınşa qızıqtı sabaqtar kütedi jäne de olar jaña ğana wstanıñ qolınan şıqqan muzıkalıq aspaptarda oynau mümkindigine ie bola aladı.

 

Almatı, Petropavl, Aqtau men Türkistannan kelgen şeberler temirden, qıştan, kiiz ben ağaştan jasalğan öz bwyımdarın tanıstıradı. Al jibekten, jün men barqıttan tigilgen kiimder sänqoylardıñ köñilinen şığadı degen senimdemiz.

Qazaq dästürlerine säykes, Naurız meyramın «Wlıstıñ Wlı küni» dep atalatın, erekşe ıqlaspen merekeleu qajet. Naurız otandastırımızğa köpwlttı Qazaqstannıñ mädenieti turalı ata-babamızdan qalğan ösietti eske tüsiruge mümkindik beredi. Bwl künderi qalanıñ simvoldarına aynalğan - alma men qızğaldaqqa erekşe köñil bölinedi

Merekeni wyımdastıruşılar jastardı da nazardan tıs qaldırmadı, «Jastar jılı» ayasında perfomanstar, wlttıq naqıştağı zamanaui öner körmeleri, sonday-aq süyikti ärtisterdiñ öner körsetuleri josparlanıp otır.

Naurız meyramına oray «MuzART» tobı negizgi merekelik sahnada öner körsetedi. Süyikti muzıkalıq top 23 naurızda, keşki sağat 19:00-de «Astana» alañında ülken bağdarlamasımen öz önerin körsetedi.

Al 22 naurızda qala twrğındarın merekelik bağdarlama kütedi, onda Maqpal Jünisova, Mädina Säduaqasova, Möldir Äuelbekova sındı ärtister, «Renzo», «Melomen», «Ayanat», «Nazar» sındı toptar öner körsetedi.
Sonday-aq, almatılıqtardı Türkiyadan, Äzirbayjan men Qırğızstannan keletin şeteldik muzıkalıq-bi toptarı qwttıqtaydı. Şeteldik qonaqtar bizben merekelik köñil-küymen bölisumen qatar, köktemniñ keluimen wştasatın şınayı türki merekesin merekeleudiñ özderine tän dästürlerimen tanıstıradı.

Darşılar, monociklister men Altın adam - Naurız meyramın merekeleuge şamamen 150 installyaciya men oyın-sauıq wsınılatın boladı.

Mereke qalanıñ barlıq twrğındarı üşin - jastardan qarttarğa deyin köpten kütken oqiğağa aynaluı tiis. Bwl üşin qala twrğındarı jastıqtıñ, köktem men quanıştıñ merekesine qaytadan jinaludı qalaytın türli bağdarlamalar äzirlendi.

Festival' ruhı wlttıq qazaq oyu-örnekpen bezendirilgen arnayı «sfera» - kiiz üylerge şoğırlanadı. Birneşe kiiz üyde şeberlik sabaqtarı ötedi: onda qalaytındardı qobız, dombıra tärizdi wlttıq aspaptarda oynauğa, wlttıq bwyımdar men oyu-örnek jasauğa üyretedi.

Merekeleu kezinde barlığı şamamen 150 wlttıq naqıştağı installyaciya ornatıladı, olardıñ işinde: Altın adam turalı añız, Qazaq Handığı bileuşileri turalı tarih pen añız-dastandardıñ keyipkerleri kezdesedi. Är installyaciya tek sändik twrğıda emes, sonımen qatar aqparattıq qızmet de atqaratın boladı. Ornatılğan aqparatıñ ekrandardan mereke ötetin orındar men olardağı oyın-sauıq bağdarlamaları turalı biluge boladı.
22 naurızda «Atakent» aldındağı alañda qazaqtıñ Jaña jılına arnalğan NowRyz party festivali ötedi.

Dästürli oyın-sauıqpen qatar monociklisterdiñ äsirezamanaui şouı ötedi. Körermender özderinen birneşe metr qaşıqtıqta adamnıñ mümkindikterin jäne sändi köliktik gadjetter turalı stereotipterin bwzatın jaña akrobatikanı köredi. Didjeyler küni boyı köşpendiler naqışındağı äuenderdi oynaydı, dästürli äuen men üylesimderdi zamanaui – jazz, funky, rock pen fusion eksperimentaldı öñdeude wsınadı.

Asıq atu, arqan tartu, altıbaqan tebu tärizdi wlttıq sport oyındarı da ötedi.

Tanımal Almatılıq Tiin qala twrğındarı men turisterdiñ nazarına qayta ilinetin boladı. Merekege oray qalanıñ nışanına aynalğan Tiinniñ basına aşıq boyaulı taqiya kiilip, qolındağı jañğaqtıñ ornına qızğaldaq wstatıladı.

Bwğan qosa, biılğı jılı ötetin kün men tünniñ teñelu merekesinde ärkimniñ-aq qazaqtıñ wlttıq tağamdarınan däm tatuına boladı. Barşağa dästürli merekelik tağamdar - köje men bauırsaq taratıladı.

Naurız merekesinde qala twrğındarın dämdi köjemen toydıruğa Almatı qalasınıñ päter ieleri koperativteri de atsalısatın boldı. Nauqan mereke kezinde, yağni 22 naurızdan bastap, tura bir ayğa, 21-şi säuirge deyin jalğasadı. Jospar boyınşa barlığı 60 tonna köje men bauırsaq taratıladı dep josparlanuda.

Mindetti däm tatulardan özge, qalanıñ jeti iri aymağında halıq seruenderi ötedi. Onda keluşiler wlttıq dala ashanasınıñ özge de tağamdarınan däm tata aladı, Almatınıñ 40 meyramhanası özderiniñ üzdik firmalıq tağamdarın wsınatın köşe bwrıştarın wyımdastıradı. Meyramhanalar arasında köpwlttıq tağamdardı dayarlaudı käsip etkender de boladı.

Eske sala ketsek, halıq seruenderi qalanıñ 7 jerinde qatar ötedi. Olar: Astana alañı, Panfilov pen Jibek jolı köşeleri, «Atakent» körme keşeni, «Almatı Arena» men «Halıq Arena» sport keşenderi mañı, sonday-aq, «Swñqar» halıqaralıq şañğı tramplinderi keşeni:

22,23 naurız – Astana alañı;
21-24 naurız – Panfilov, Jibek jolı köşeleri;
22 - naurız «Nalyk Arena» Mwz aydını keşeni;
22 naurız – «Almatı Arena» Mwz sarayı;
22 naurız - «Atakent» QİIO;
23 naurız –«Swñqar» Halıqaralıq şañğı tramplinderi keşeni.

Abai.kz

1 pikir