الماتى قالاسى بيىل ناۋرىز مەرەكەسىن جوعارى دەڭگەيدە اتاپ ءوتۋدى جوسپارلاپ وتىر. ۇلىستىڭ ۇلى كۇنى سانالاتىن ۇلىق مەرەكەنى ۇلتتىق دەڭگەيدە تويلاۋ ءۇشىن جان-جاقتى دايىندىقتار قىزۋ ءجۇرىپ جاتىر. ءتورت كۇنگە سوزىلاتىن مەرەكە كۇندەرى قالا تۇرعىندارى مەن قوناقتارى ءتۇرلى كونتسەرتتەردى، جارمەڭكەلەر مەن فەستيۆالدەردى كورىپ، تاماشالاي الادى

ناۋرىز مەيرامىنا الماتىعا الەمنىڭ 6 ەلىنەن 170 قول ونەر شەبەرى كەلەدى.
كوكتەمگى كۇن مەن ءتۇننىڭ تەڭەلۋ مەرەكەسى قولونەر شەبەرلەرىنىڭ كەلۋىمەن ەرەكشەلەنەدى. شەبەرلەر كورمەلەر مەن جارمەڭكەلەرگە، شەبەرلىك ساباقتارىنا كەلۋشىلەرگە ءوز ونەرلەرىن تانىستىراتىن بولادى.

جاڭا جىلدىڭ باس مەرەكەسىنىڭ كەلۋى ۇلتتىق داستۇردەگى حالىق سەرۋەندەرىنەن باستالادى، وندا شەتەلدەن كەلگەن قولونەر شەبەرلەرى دە بولادى: تۇركيادان كەلگەن قولونەرشىلەر ادەمى ىدىس-اياق پەن شىنى اشەكەي جاساۋدى ۇيرەتسە، ياكۋت زەرگەرلەرى اسىل تاستار تۋرالى باياندايدى، ال قىرعىز شەبەرلەرى ەرلەرگە ات ابزەلدەرىن جاساۋدى ۇيرەتەتىن بولادى. بۇعان قوسا، جارمەڭكەگە كەلۋشىلەردى قىشقا جانە جىبەك ماتاعا وزبەك ناقىشىنداعى ويۋ-ورنەك سالۋدى، ايگىلى تۇركمەن كىلەمىن توقۋدى ۇيرەتۋ بويىنشا قىزىقتى ساباقتار كۇتەدى جانە دە ولار جاڭا عانا ۇستانىڭ قولىنان شىققان مۋزىكالىق اسپاپتاردا ويناۋ مۇمكىندىگىنە يە بولا الادى.

الماتى، پەتروپاۆل، اقتاۋ مەن تۇركىستاننان كەلگەن شەبەرلەر تەمىردەن، قىشتان، كيىز بەن اعاشتان جاسالعان ءوز بۇيىمدارىن تانىستىرادى. ال جىبەكتەن، ءجۇن مەن بارقىتتان تىگىلگەن كيىمدەر سانقويلاردىڭ كوڭىلىنەن شىعادى دەگەن سەنىمدەمىز.

قازاق داستۇرلەرىنە سايكەس، ناۋرىز مەيرامىن «ۇلىستىڭ ۇلى كۇنى» دەپ اتالاتىن، ەرەكشە ىقلاسپەن مەرەكەلەۋ قاجەت. ناۋرىز وتانداستىرىمىزعا كوپۇلتتى قازاقستاننىڭ مادەنيەتى تۋرالى اتا-بابامىزدان قالعان وسيەتتى ەسكە تۇسىرۋگە مۇمكىندىك بەرەدى. بۇل كۇندەرى قالانىڭ سيمۆولدارىنا اينالعان - الما مەن قىزعالداققا ەرەكشە كوڭىل بولىنەدى

مەرەكەنى ۇيىمداستىرۋشىلار جاستاردى دا نازاردان تىس قالدىرمادى، «جاستار جىلى» اياسىندا پەرفومانستار، ۇلتتىق ناقىشتاعى زاماناۋي ونەر كورمەلەرى، سونداي-اق سۇيىكتى ارتىستەردىڭ ونەر كورسەتۋلەرى جوسپارلانىپ وتىر.

ناۋرىز مەيرامىنا وراي «مۋزارت» توبى نەگىزگى مەرەكەلىك ساحنادا ونەر كورسەتەدى. سۇيىكتى مۋزىكالىق توپ 23 ناۋرىزدا، كەشكى ساعات 19:00-دە «استانا» الاڭىندا ۇلكەن باعدارلاماسىمەن ءوز ونەرىن كورسەتەدى.

ال 22 ناۋرىزدا قالا تۇرعىندارىن مەرەكەلىك باعدارلاما كۇتەدى، وندا ماقپال ءجۇنىسوۆا، ءمادينا سادۋاقاسوۆا، ءمولدىر اۋەلبەكوۆا سىندى ارتىستەر، «رەنزو»، «مەلومەن»، «ايانات»، «نازار» سىندى توپتار ونەر كورسەتەدى.
سونداي-اق، الماتىلىقتاردى تۇركيادان، ءازىربايجان مەن قىرعىزستاننان كەلەتىن شەتەلدىك مۋزىكالىق-بي توپتارى قۇتتىقتايدى. شەتەلدىك قوناقتار بىزبەن مەرەكەلىك كوڭىل-كۇيمەن بولىسۋمەن قاتار، كوكتەمنىڭ كەلۋىمەن ۇشتاساتىن شىنايى تۇركى مەرەكەسىن مەرەكەلەۋدىڭ وزدەرىنە ءتان داستۇرلەرىمەن تانىستىرادى.

دارشىلار، مونوتسيكليستەر مەن التىن ادام - ناۋرىز مەيرامىن مەرەكەلەۋگە شامامەن 150 ينستاللياتسيا مەن ويىن-ساۋىق ۇسىنىلاتىن بولادى.

مەرەكە قالانىڭ بارلىق تۇرعىندارى ءۇشىن - جاستاردان قارتتارعا دەيىن كوپتەن كۇتكەن وقيعاعا اينالۋى ءتيىس. بۇل ءۇشىن قالا تۇرعىندارى جاستىقتىڭ، كوكتەم مەن قۋانىشتىڭ مەرەكەسىنە قايتادان جينالۋدى قالايتىن ءتۇرلى باعدارلامالار ازىرلەندى.

فەستيۆال رۋحى ۇلتتىق قازاق ويۋ-ورنەكپەن بەزەندىرىلگەن ارنايى «سفەرا» - كيىز ۇيلەرگە شوعىرلانادى. بىرنەشە كيىز ۇيدە شەبەرلىك ساباقتارى وتەدى: وندا قالايتىنداردى قوبىز، دومبىرا ءتارىزدى ۇلتتىق اسپاپتاردا ويناۋعا، ۇلتتىق بۇيىمدار مەن ويۋ-ورنەك جاساۋعا ۇيرەتەدى.

مەرەكەلەۋ كەزىندە بارلىعى شامامەن 150 ۇلتتىق ناقىشتاعى ينستاللياتسيا ورناتىلادى، ولاردىڭ ىشىندە: التىن ادام تۋرالى اڭىز، قازاق حاندىعى بيلەۋشىلەرى تۋرالى تاريح پەن اڭىز-داستانداردىڭ كەيىپكەرلەرى كەزدەسەدى. ءار ينستاللياتسيا تەك ساندىك تۇرعىدا ەمەس، سونىمەن قاتار اقپاراتتىق قىزمەت دە اتقاراتىن بولادى. ورناتىلعان اقپاراتىڭ ەكرانداردان مەرەكە وتەتىن ورىندار مەن ولارداعى ويىن-ساۋىق باعدارلامالارى تۋرالى بىلۋگە بولادى.
22 ناۋرىزدا «اتاكەنت» الدىنداعى الاڭدا قازاقتىڭ جاڭا جىلىنا ارنالعان NowRyz party فەستيۆالى وتەدى.

ءداستۇرلى ويىن-ساۋىقپەن قاتار مونوتسيكليستەردىڭ اسىرەزاماناۋي شوۋى وتەدى. كورەرمەندەر وزدەرىنەن بىرنەشە مەتر قاشىقتىقتا ادامنىڭ مۇمكىندىكتەرىن جانە ءساندى كولىكتىك گادجەتتەر تۋرالى ستەرەوتيپتەرىن بۇزاتىن جاڭا اكروباتيكانى كورەدى. ديدجەيلەر كۇنى بويى كوشپەندىلەر ناقىشىنداعى اۋەندەردى وينايدى، ءداستۇرلى اۋەن مەن ۇيلەسىمدەردى زاماناۋي – jazz, funky, rock پەن fusion ەكسپەريمەنتالدى وڭدەۋدە ۇسىنادى.

اسىق اتۋ، ارقان تارتۋ، التىباقان تەبۋ ءتارىزدى ۇلتتىق سپورت ويىندارى دا وتەدى.

تانىمال الماتىلىق ءتيىن قالا تۇرعىندارى مەن تۋريستەردىڭ نازارىنا قايتا ىلىنەتىن بولادى. مەرەكەگە وراي قالانىڭ نىشانىنا اينالعان ءتيىننىڭ باسىنا اشىق بوياۋلى تاقيا كيىلىپ، قولىنداعى جاڭعاقتىڭ ورنىنا قىزعالداق ۇستاتىلادى.

بۇعان قوسا، بيىلعى جىلى وتەتىن كۇن مەن ءتۇننىڭ تەڭەلۋ مەرەكەسىندە اركىمنىڭ-اق قازاقتىڭ ۇلتتىق تاعامدارىنان ءدام تاتۋىنا بولادى. بارشاعا ءداستۇرلى مەرەكەلىك تاعامدار - كوجە مەن باۋىرساق تاراتىلادى.

ناۋرىز مەرەكەسىندە قالا تۇرعىندارىن ءدامدى كوجەمەن تويدىرۋعا الماتى قالاسىنىڭ پاتەر يەلەرى كوپەراتيۆتەرى دە اتسالىساتىن بولدى. ناۋقان مەرەكە كەزىندە، ياعني 22 ناۋرىزدان باستاپ، تۋرا ءبىر ايعا، 21-ءشى ساۋىرگە دەيىن جالعاسادى. جوسپار بويىنشا بارلىعى 60 توننا كوجە مەن باۋىرساق تاراتىلادى دەپ جوسپارلانۋدا.

مىندەتتى ءدام تاتۋلاردان وزگە، قالانىڭ جەتى ءىرى ايماعىندا حالىق سەرۋەندەرى وتەدى. وندا كەلۋشىلەر ۇلتتىق دالا اسحاناسىنىڭ وزگە دە تاعامدارىنان ءدام تاتا الادى، الماتىنىڭ 40 مەيرامحاناسى وزدەرىنىڭ ۇزدىك فيرمالىق تاعامدارىن ۇسىناتىن كوشە بۇرىشتارىن ۇيىمداستىرادى. مەيرامحانالار اراسىندا كوپۇلتتىق تاعامداردى دايارلاۋدى كاسىپ ەتكەندەر دە بولادى.

ەسكە سالا كەتسەك، حالىق سەرۋەندەرى قالانىڭ 7 جەرىندە قاتار وتەدى. ولار: استانا الاڭى، پانفيلوۆ پەن جىبەك جولى كوشەلەرى، «اتاكەنت» كورمە كەشەنى، «الماتى ارەنا» مەن «حالىق ارەنا» سپورت كەشەندەرى ماڭى، سونداي-اق، «سۇڭقار» حالىقارالىق شاڭعى ترامپليندەرى كەشەنى:

22,23 ناۋرىز – استانا الاڭى;
21-24 ناۋرىز – پانفيلوۆ، جىبەك جولى كوشەلەرى;
22 - ناۋرىز «نalyk Arena» مۇز ايدىنى كەشەنى;
22 ناۋرىز – «الماتى ارەنا» مۇز سارايى;
22 ناۋرىز - «اتاكەنت» قىىو;
23 ناۋرىز –«سۇڭقار» حالىقارالىق شاڭعى ترامپليندەرى كەشەنى.

Abai.kz