Düysenbi, 24 Mausım 2019
1248 7 pikir 14 Naurız, 2019 sağat 10:34

Şıñjañ şeneunigi lager'lerde qamalğan adamdar sanı turalı ayttı

Naurızdıñ 12-si küni Pekinde ötken wlttıq halıqtıq kongress jiınında Şıñjañ-Wyğır avtonomiyalıq ölkesi halıqtıq ükimetiniñ jetekşisi Şohrat Zakir halıqaralıq qauımdastıqta sınğa wşırağan daulı lager'lerdiñ "birte-birte joyıluı mümkin" ekenin aytqan.

"Jalpı alğanda bwl ortalıqtardağı adamdar sanı barğan sayın azayıp baradı jäne eger qoğamğa qajeti bolmasa, mwnday ortalıqtar birte-birte joyıladı" dedi Şohrat Zakir.

Jiın barısında jurnalister oğan lager'de otırğan adamdar sanı turalı swraq qoyğan. Ol qamau ortalıqtarında qanşa adam bar ekenin aytpağan, biraq olardıñ sanı millionnan "äldeqayda az" degen.

"Olardıñ sanı tez özgeredi. Mwnday ortalıqtarda şamamen bir million adam otır dep keybireuler wlğaytıp körsetkendey emes, [olardıñ sanı] odan äldeqayda az" degen.

Şıñjañ aymağındağı lager'ler jaylı alğaş ret 2017 jıldıñ kökteminde aytıla bastağan. BWW Şıñjañdağı "sayasi tärbieleu ortalıqtarında" millionğa juıq adam "erkinen tıs" qamauda otırğanın mälimdegen.

Qıtay ükimeti basında bwl ortalıqtardıñ barın joqqa şığarıp keldi. Keyin Pekin qısımdı "ekstremizmge qarsı şara" dep mälimdedi jäne "qamalğandar til üyrenip, käsip meñgerip şığatının" ayttı. Al qwqıq qorğauşılar jäne lager'de bolğan azamattar bwl ortalıqtardıñ bilim beru mekemesinen göri türmege wqsaytının, onda azap pen qısım barın aytqan.

Qamalğandar arasında wyğır, qırğız, tatar, täjik, özbek wltınıñ ökilderinen bölek etnikalıq qazaqtar da barı aytıladı.

Qıtayda tuıstarı qamalğan azamattar Almatıda birneşe ret jiın ötkizip, Qıtaydağı jaqındarınıñ jappay qamalıp jatqanın aytqan. Olar Qazaqstan biliginen, halıqaralıq wyımdardan kömek swrağan.

2018 jılı jeltoqsan ayınıñ soñında Pekin birneşe eldiñ elşilerin Şıñjañğa aparıp, “sayasi tärbieleu ortalıqtarın” körsetken. Lager'ge barğandardıñ arasında Qazaqstan elşiliginiñ qızmetkeri de bolğan. Ol Şıñjañdağı sayasi tärbieleu ortalığında "jağdaydıñ jaqsı" ekenin aytqan.

Aqpannıñ 10-ı küni Türkiya Qıtaydan Şıñjañdağı lager'lerdi jabudı talap etip, onda "milliondağan adam qısım körip jatır" degen. Qıtay Türkiyanıñ bwl mälimdemesin "jalğan ayıptau" dep atadı.

Abai.kz

7 pikir