Düysenbi, 23 Qırküyek 2019
Sañlaq 1370 1 pikir 14 Naurız, 2019 sağat 11:46

AQŞ-ta ötken älem çempionatında bes ziltemirşimiz top jardı

Aqmolda Sayramkez. 61 keli

AQŞ-tıñ Las-Vegas qalasında ötken auır atletikadan jasöspirimder arasındağı älem çempionatında jas sportşılarımız keremet öner körsetip qayttı.

Mwhittıñ arğı betindegi aytulı dodağa elimiz atınan bes jas ziltemirşi qatısqan. Jarıs qorıtındısında qazaqstandıqtardıñ bäri altın medal' jeñip aldı.

Alğaşqı altınğa 61 kelige deyingi salmaq sanatında sınğa tüsken Aqmolda Sayramkez qol jetkizdi. Ol qossayıs qorıtındısı boyınşa 257 kelini  ( 112 keli - jwlqa köteru, 145 keli - serpe köteru) köterdi. Bwdan bölek, Aqmolda jwlqa jäne serpe köterude kişi kümis medal' aldı.

67 kelige deyingi salmaqta sınğa tüsken Sayhan Taysuev çempion atanıp qana qoymay, älem rekordın jañarttı.

Jwlqa köterude 127 kelini, serpe köterude 161 kelini eñsergen Taysuev qossayıs qorıtındısı boyınşa 288 kelini bağındırıp, altın medal' aldı. Oğan qosa, Sayhan Taysuev serpe jäne jwlqa köteruden kişi altın jüldeni de öz enşisine jazdı. Serpe köterude jasöspirimder arasında älem rekordın ornattı - 161 keli

81 kelige deyingi sportşılar arasında baq sınağan Säpi Esenkeldi qossayıs qorıtındısı boyınşa 309 kelini eñserip, öz salmağında eñ üzdik şıqtı. Ol jwlqa köterude 134 kelini, serpe köterude 175 kelini bağındırdı.

96 kelige deyingi salmaq därejesinde öner körsetken Rahat Bekbolat 323 keli (144+179 keli) ziltemirdi basınan asıra köterip, qarsılastarınıñ bärinen basım boldı

Al qızdar arasında 81 kelige deyingi salmaq sanatında sınğa tüsken Ol'ga Pastuhova 215 kelini (92+123 keli) bağındırıp, altın medal' jeñip aldı.

Osılayşa, älem çempionatına qatısqan bes sportşımız da jeñimpaz bolıp oraldı.

Qazaqstan jasöspirimder qwramasınıñ bapkeri - Baqıt Ahmetov.

Quanış Qappas

Abai.kz

1 pikir