Astana júrtshylyghy arasynda «qaqpa» atalyp ketken Triumfalidy arkany jóndeuge qala budjetinen 600 million tenge bólinedi degen habar tarady.
El tәuelsizdigining 20 jyldyghy qúrmetine 2011 jyly 16 jeltoqsanda ashylghan «Mәngilik el» qala qaqpasy segiz jylda 600 milliongha tozyp qaldy ma? Eldegi qarjy-ekonomikalyq daghdarys jaghdayynda ony osynsha qarjygha jóndeu qanshalyqty qajet?

Qala әkimining orynbasary Núrkenov myrzanyng aituyna qaraghanda, rasynda da, «Mәngilik eldin» qaqpasy mәngilik bolmay qalghan synayly. «Triumfalidy arkanyng jaghdayy kýrdeli, – depti ol endigi «Núr-Súltan» atanghan qalanyng mәslihatynda. – Onyng jerasty ótpeli joly sapasyz salynghan, jyl sayynghy aghymdyq jóndeuden kemshilikter týzetiler týri joq».
Al anyghynda, úzyndyghy 40–50 metrden aspaytyn ótkel joldy syltau etip, jer astyna 600 mln tengeni kómuding maqsaty tipten basqada siyaqty. Birinshiden, búl qaqpa milliondardy qylghytyp bitken kezde «núrotandyq» bir jandayshap atyp túryp: «Mәngilik eldi jasaghan – Núrsúltan Nazarbaev, sondyqtan arkagha atyn bereyik» deui әbden mýmkin. Qiytúrqysy qoiy Qazaqstanda bәri mýmkin!

Ekinshiden, búl qaqpa men bir mezette 30 000 myng jamaghat «jyghylugha» jaraytyn meshit saludyng mashaqaty biregey qamnyng qajetinen tughan boluy kerek. Ol qam – Nazarbaevqa dәrigerler belgilep bergen «eki jyldyq merzimnin» mezetimen túspa-tús kelse kerek. Áytpegende, kóp balaly analardy aqshaly men aqshasyzgha bólip, bireui on bala tapsa da, týksiz qalghan, ekinshisi – tórt balamen jәrdemaqy ala alatynday alalau ailasy jasalghan jaghdayda sol 600 milliondy «kómip tastaudyn» basqa da joldary tabylar edi.

Endi búl arkagha aqsha shashu az bolghanday, Núr-Súltangha taghy da jana teatr salu qajettigi tuypty. «Taghy da» deytinimiz – búdan 2-3 jyl búryn syiymdylyghy 1200 oryndyq opera teatry salynghany әli este. Búl jolghy salynbaghy – drama teatry eken. Onyng da salynyp bitu merzimi sol «belgilengen eki jylmen» mejelenipti.

Aytpaqshy, «Samúryq-Qazyna» qory (halyqtyng aqshasy dey beriniz) saluy tiyis teatrgha tógiletin qarjynyng qisaby әzirge belgisiz kórinedi. Belgilisi – búl teatr ornalasatyn 6 gektar alqaptaghy 47 jer telimi «memlekettik qajettilikke» alynady. Tegin emes, satylyp alynady. Al ol «qajettilik ýshin» Ahmet Baytúrsynúly men Júmeken Nәjimedenov kóshelerining aralyghyndaghy alty gektar jerdegi ýiler memleket qarjysyna (taghy da halyqtyki dey beriniz) satyp alynatyn bolsa, búl teatrdyng dramasy darday bolayyn dep túr.

Nesin aitasyz, belgili karikaturashy Múrat Dilmanov ózining «Feysbuktaghy» paraqshasyna suretin salyp, atauyn «kakoy triumf – takaya arka» dep jazghanday (suretti qaranyz), taghy bir «triumftyn» tuy kóterildi: keshe eldegi aqparat agenttikteri Qazaqstannyng túnghysh perziydentining kensesin qúrugha el budjetinen 1 milliard tenge bólinetinin habarlady. Al Astananyng atauy men jalaqyny kóteruge qazynanyng esebinen júmsalatyn 37,8 milliard tengening qanshasyn Núr-Súltan jútaryn bir qúdaydyng ózi bilsin.

Qysqasy, aldaghy eki jylda «triumftardyn» talayyn kóretin týrimiz bar. Tek el-júrt aman bolsyn, aghayyn!

Ermúrat Bapidyng facebook paraqshasynan

Abai.kz