Särsenbi, 22 Qañtar 2020
Sayasat 4156 18 pikir 10 Säuir, 2019 sağat 11:34

Bwl saylau – eldegi demokratiyalıq erkin bolaşaqtı qwruğa mümkindik bermek

Memleket basşısı Qasım-Jomart Kemelwlı Toqaev 2019 jıldıñ 9 mausımında elimizde kezekten tıs Prezident saylauın ötkizu turalı şeşimin jariyaladı. Prezident öz sözinde aytqanday, Ükimet, Parlament jäne partiya basşılarımen aqıldasa otırıp şeşken şeşimi eldegi tınıştıqtı, sayasi-äleumettik twraqtılıqtı saqtau maqsatında qabıldanıp otır dep esepteymiz. Demokratiyalıq qoğamda retimen, tärtibimen bolatın bwl saylau Qazaqstan üşin sındarlı jaña kezeñniñ bastauı bolmaq!

Qasım-Jomart Kemelwlınıñ Twñğış Prezidentimizdiñ qasında senimdi serigi, äri izbasar kömekşisi bolıp köp jıldar qızmet atqarıp kelgeni mälim. Ğılım men tehnologiyanıñ qarqındı damuı, qazirgi zamandağı älemde bolıp jatqan äleumettik-ekonomikalıq, ekologiyalıq, mädeni jäne sayasi özgerister bizge köptegen talaptardı qoyıp otır. Sol sebepti el basqaru isinde mol täjiribe jinap, el işindegi mäselelerge qanıq bolıp jürgen Prezidentimizdiñ igi bastamalarına halıq bolıp qoldau bildiruimiz kerek dep esepteymin.

Täuelsizdigimizdiñ nığayuı, onıñ bayandı boluı üşin elimizdegi sayasi twraqtılıq pen ekonomikamızdıñ üzdiksiz damuı auaday qajet. El birligi men beybitşiligi – bastı qwndılığımız! Halqımızdıñ negizgi maqsat-mwratı osı ekeni barşağa ayan. Beybit, toqşılıq zaman bolmay öner-bilim, mädeniettiñ de damuı ekitalay. Sondıqtan respublikamızdağı twraqtılıqtıñ kepili bolıp otırğan qazirgi wstanğan bağıtımız jalğasın tabadı dep oylaymın. Bwl saylau – eldegi beybitşilik pen kelisimdi saqtay otırıp, äleumettik-sayasi jañğıruğa, älemniñ üzdik elderi qatarına qosılu jolında jaña demokratiyalıq erkin bolaşaqtı qwruğa mümkindik bermek.

Arman Jüdebaev

Qwrmanğazı atındağı Qazaq Wlttıq Konservatoriyasınıñ

rektorı

Abai.kz

18 pikir