Düysenbi, 22 Säuir 2019
672 1 pikir 15 Säuir, 2019 sağat 11:09

«Ruhani jañğıru» bağdarlamasınıñ 2 jıldığına oray Almatıda ğılımi konferenciya ötti

2019 jılğı 10-säuirde Elbasınıñ «Ruhani jañğıru» bağdarlamasınıñ 2 jıldığına oray äl-Farabi atındağı Qazaq wlttıq universitetinde «Wlı Dala mädenietiniñ rämizderi, jädigerleri jäne eskertkişteri» attı halıqaralıq ğılımi konferenciya ötti.

«Äl-Farabi ğılımi kitaphanasınıñ» konferenc-zalında wyımdastırılğan auqımdı şara sayasattanu, mädeniettanu, dintanu, filosofiya jäne äleumettanu salaların zertteytin ğalımdar men mamandardıñ twraqtı baylanıstarın qalıptastıruğa bağıttalıp, kelesidey taqırıptardı qamtıdı: «Qoğamdıq sananı modernizaciyalau üderisindegi rämizdik fenomender», «Zamanaui qazaqstandıq qoğamdağı aqparattıq-kommunikativti tehnologiyalar, bwqaralıq mädeniet, dini qwndılıqtardıñ adam sanasına ıqpalı», «Jahandanudıñ zamanaui teoriyaları jäne olardıñ etnikalıq, wlttıq mädenietterge ıqpalı», «Dala men Qala  koncepciyası», «Wlı Dala örkeniettiriniñ üderister ilimi», «Qazaqstandağı mädeni turizm. Wlı Dalanıñ mädenietter swhbatı, wlttıq  kodı men qwndılıqtarı».

Konferenciya jwmısına Qazaqstan, Resey Ukraina, Täjikstan, Oñtüstik Koreya, Türkiya jäne Estoniya elderiniñ ğalımdarı qatısıp, oyların ortağa saldı.

Estoniya elinen kelgen «Tallin tehnologiyalıq universitetiniñ» professorı,  PhD doktor Peeter Muursepp, «Theories of Globalisation and Local Cultures» (Jahandanu teoriyası jäne jergilikti mädeniet»,  Türkiya elinen kelgen qonaqtar qatarında PhD doktor, «Aqteñiz universitetiniñ» professorı Şahin Filizmemleket pen twlğanı, qoğamdı damıtudağı mäselelerdi şeşu üşin qazaqstandıq jäne şeteldik ğalımdardıñ küş-jigerin biriktiruge bağıttalğan «Äl-Farabi – H ğasırdağı Türki Renessans köşbasşısı» jäne «Hadjettepe universitetiniñ» professorı, PhD doktorı Seyfı Iıldırım «äl-Farabidiñ mädenietter swhbatındağı röli» taqırıptarında bayandama jasadı.

Plenerlıq otırıs wlttıq universitettiñ filosofiya kafedrasınıñ meñgeruşisi, filosofiya ğılımdarınıñ doktorı, professor G.J. Nwrışevanıñ «Wlı dalanıñ jeti qırı jäne qazaq tarihınıñ filosofiyası» jäne Filosofiya, sayasattanu jäne dintanu institutınıñ bas ğılımi qızmetkeri, filosofiya ğılımdarınıñ doktorı, professor
Ğ.Q. Qwrmanğalievanıñ «Dialog kul'tur i cennosti Velikoy stepi v kontekste modernizacii obşestvennogo soznaniya» attı  bayandamalarımen jalğasın taptı.

İs-şara barısında  «Mädeniettanu», «Qazaq mädenieti tarihı» attı qazaq, orıs, ağılşın tilderinde basılıp şıqqan jaña oqulıqtarınıñ twsauın kesu räsimi jasalıp, kelgen qonaqtarğa arnayı baspa önimderi sıyğa tartılğan.

Şeteldendik jäne otandıq ğalımdar, ğılımi instituttardıñ ğılımi qızmetkerleri, äl-Farabi atındağı QazWU oqıtuşıları, doktoranttarı men magistranttarı, BAQ ökilderi, jalpı sanı 200 adam qatısqan irgeli bas qosuda «Ruhani jañğıru» bağdarlamasınıñ qoğamdıq sananı jañğırtudağı röli jaylı swhbattar jasalıp, oy-tüyindemeler, pikir almasular boldı.

Ötkenimizdi tarih twğırınan bağamdap, tereñ zerdeleuge ündep kelgen Elbasınıñ «Bolaşaqqa bağdar: ruhani jañğıru» bağdarlamalıq maqalasındağı oy-pikirleriniñ män-mañızın köpşilikke tanıstıru,  tarihımızdı, mädenietimizdi nasihattauda atalmış şaranıñ mañızı zor.

 Abai.kz

1 pikir