جەكسەنبى, 16 ماۋسىم 2019
784 1 پىكىر 15 ءساۋىر, 2019 ساعات 11:09

«رۋحاني جاڭعىرۋ» باعدارلاماسىنىڭ 2 جىلدىعىنا وراي الماتىدا عىلىمي كونفەرەنتسيا ءوتتى

2019 جىلعى 10-ساۋىردە ەلباسىنىڭ «رۋحاني جاڭعىرۋ» باعدارلاماسىنىڭ 2 جىلدىعىنا وراي ءال-فارابي اتىنداعى قازاق ۇلتتىق ۋنيۆەرسيتەتىندە «ۇلى دالا مادەنيەتىنىڭ رامىزدەرى، جادىگەرلەرى جانە ەسكەرتكىشتەرى» اتتى حالىقارالىق عىلىمي كونفەرەنتسيا ءوتتى.

«ءال-فارابي عىلىمي كىتاپحاناسىنىڭ» كونفەرەنتس-زالىندا ۇيىمداستىرىلعان اۋقىمدى شارا ساياساتتانۋ، مادەنيەتتانۋ، ءدىنتانۋ، فيلوسوفيا جانە الەۋمەتتانۋ سالالارىن زەرتتەيتىن عالىمدار مەن مامانداردىڭ تۇراقتى بايلانىستارىن قالىپتاستىرۋعا باعىتتالىپ، كەلەسىدەي تاقىرىپتاردى قامتىدى: «قوعامدىق سانانى مودەرنيزاتسيالاۋ ۇدەرىسىندەگى رامىزدىك فەنومەندەر»، «زاماناۋي قازاقستاندىق قوعامداعى اقپاراتتىق-كوممۋنيكاتيۆتى تەحنولوگيالار، بۇقارالىق مادەنيەت، ءدىني قۇندىلىقتاردىڭ ادام ساناسىنا ىقپالى»، «جاھاندانۋدىڭ زاماناۋي تەوريالارى جانە ولاردىڭ ەتنيكالىق، ۇلتتىق مادەنيەتتەرگە ىقپالى»، «دالا مەن قالا  كونتسەپتسياسى»، «ۇلى دالا وركەنيەتتىرىنىڭ ۇدەرىستەر ءىلىمى»، «قازاقستانداعى مادەني تۋريزم. ۇلى دالانىڭ مادەنيەتتەر سۇحباتى، ۇلتتىق  كودى مەن قۇندىلىقتارى».

كونفەرەنتسيا جۇمىسىنا قازاقستان، رەسەي ۋكراينا، تاجىكستان، وڭتۇستىك كورەيا، تۇركيا جانە ەستونيا ەلدەرىنىڭ عالىمدارى قاتىسىپ، ويلارىن ورتاعا سالدى.

ەستونيا ەلىنەن كەلگەن «تاللين تەحنولوگيالىق ۋنيۆەرسيتەتىنىڭ» پروفەسسورى،  PhD دوكتور پەەتەر مۋرسەپپ، «Theories of Globalisation and Local Cultures» (جاھاندانۋ تەورياسى جانە جەرگىلىكتى مادەنيەت»،  تۇركيا ەلىنەن كەلگەن قوناقتار قاتارىندا PhD دوكتور، «اقتەڭىز ۋنيۆەرسيتەتىنىڭ» پروفەسسورى شاحين فيليزمەملەكەت پەن تۇلعانى، قوعامدى دامىتۋداعى ماسەلەلەردى شەشۋ ءۇشىن قازاقستاندىق جانە شەتەلدىك عالىمداردىڭ كۇش-جىگەرىن بىرىكتىرۋگە باعىتتالعان «ءال-فارابي – ح عاسىرداعى تۇركى رەنەسسانس كوشباسشىسى» جانە «حادجەتتەپە ۋنيۆەرسيتەتىنىڭ» پروفەسسورى، PhD دوكتورى سەيفى يىلدىرىم «ءال-ءفارابيدىڭ مادەنيەتتەر سۇحباتىنداعى ءرولى» تاقىرىپتارىندا بايانداما جاسادى.

پلەنەرلىق وتىرىس ۇلتتىق ۋنيۆەرسيتەتتىڭ فيلوسوفيا كافەدراسىنىڭ مەڭگەرۋشىسى، فيلوسوفيا عىلىمدارىنىڭ دوكتورى، پروفەسسور گ.ج. نۇرىشەۆانىڭ «ۇلى دالانىڭ جەتى قىرى جانە قازاق تاريحىنىڭ فيلوسوفياسى» جانە فيلوسوفيا، ساياساتتانۋ جانە ءدىنتانۋ ينستيتۋتىنىڭ باس عىلىمي قىزمەتكەرى، فيلوسوفيا عىلىمدارىنىڭ دوكتورى، پروفەسسور
ع.ق. قۇرمانعاليەۆانىڭ «ديالوگ كۋلتۋر ي تسەننوستي ۆەليكوي ستەپي ۆ كونتەكستە مودەرنيزاتسي وبششەستۆەننوگو سوزنانيا» اتتى  باياندامالارىمەن جالعاسىن تاپتى.

ءىس-شارا بارىسىندا  «مادەنيەتتانۋ»، «قازاق مادەنيەتى تاريحى» اتتى قازاق، ورىس، اعىلشىن تىلدەرىندە باسىلىپ شىققان جاڭا وقۋلىقتارىنىڭ تۇساۋىن كەسۋ ءراسىمى جاسالىپ، كەلگەن قوناقتارعا ارنايى باسپا ونىمدەرى سىيعا تارتىلعان.

شەتەلدەندىك جانە وتاندىق عالىمدار، عىلىمي ينستيتۋتتاردىڭ عىلىمي قىزمەتكەرلەرى، ءال-فارابي اتىنداعى قازۇۋ وقىتۋشىلارى، دوكتورانتتارى مەن ماگيسترانتتارى، باق وكىلدەرى، جالپى سانى 200 ادام قاتىسقان ىرگەلى باس قوسۋدا «رۋحاني جاڭعىرۋ» باعدارلاماسىنىڭ قوعامدىق سانانى جاڭعىرتۋداعى ءرولى جايلى سۇحباتتار جاسالىپ، وي-تۇيىندەمەلەر، پىكىر الماسۋلار بولدى.

وتكەنىمىزدى تاريح تۇعىرىنان باعامداپ، تەرەڭ زەردەلەۋگە ۇندەپ كەلگەن ەلباسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىنداعى وي-پىكىرلەرىنىڭ ءمان-ماڭىزىن كوپشىلىككە تانىستىرۋ،  تاريحىمىزدى، مادەنيەتىمىزدى ناسيحاتتاۋدا اتالمىش شارانىڭ ماڭىزى زور.

 Abai.kz

1 پىكىر